Ɛsdras 8:22 - NYANMIƐN NDƐ'N 1998

²² Kɛ n se famiɛn'n kɛ ɔ man ye sonja nga be nanti bé ja'n, ɔ nin nga be fu nnɛn kpanngɔ'n nan be `sasa ye e kpɔfuɛ'm be lika'n, ɔ yo min nyannzuɛn, afin e dun mmua seli famiɛn'n kɛ e Nyanmiɛn'n ti be nga be fa bé wun mantan i'n be sasafuɛ, sanngɛ ya ng'ɔ fɛ i be nga be kaci be sin si i bé wun'n ɔ yo sro.

Ɛsdras 8:22 ပူးပေါင်းရင်းမြစ်များ

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

2 Be Nyoliɛ 16:9

Afin ɔ nian-nian asiɛ wunmuan'n su nan ɔ ´suan be nga be fa bé wla'n kwlaa guɛ i su'n bé bo. A nin Izraɛl famiɛn'n be afiɛn ndɛ nga nun liɛ'n, a yoli sinnzin. I ti kɛ ɔ fin ndɛ'n, be ´fa alɛ wla wɔ sin sa tititi.»

Ɛsdras 7:28

Anannganman yoli min ye famiɛn nin i afɔtuɛ manfuɛ mun nin i awlo lɔ sran dandan mun be nyrun. Kɛ n nian bɔ Anannganman min Nyanmiɛn'n jin mín sin'n ti, n fali fanngan nan m'an yiayia Izraɛl kpɛnngbɛn mun, nan e nin be y'a ba.»

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Ɛsdras 7:9

Anglo klikli'n i cɛn klikli'n su yɛ ɔ tuli i bo Babilɔni lɔ-ɔ, kpɛkuun ɔ juli Zerizalɛm anglo nnun'n i cɛn klikli'n su, afin i Nyanmiɛn'n i sa kpa'n wo i su.

Ɛsdras 8:31

E jasoli Aava nzue ba nuan lɛ anglo klikli'n i le blu le nnyɔn'n su, e fali Zerizalɛm atin'n. E Nyanmiɛn'n jin é sin ɔ man e kpɔfuɛ mun ɔ nin sran'm bé bo ninnge fɛnfuɛ bɔ be fiafia atin nun'n, b'a nyan-man ye.

Neemi 2:9

Yɛ n ko toli nvle siefuɛ nga be o nzue'n i sin lɔ nin-ɔn, nan m'an fa fluwa'n m'an man be. Famiɛn'n man sonja kpɛnngbɛn wie mun, ɔ nin nnɛn kpanngɔ fufuɛ wie'm be ko sunmannin min.

Jue Mun 20:8

Wie'm be lafi be kakaklolo'm be su, wie'm be kusu be lafi nnɛn kpanngɔ'm bé su. E liɛ'n, Anannganman e Nyanmiɛn'n yɛ e fa e wla guɛ i su-ɔ.

Jue Mun 34:22

Klunwifuɛ'n i klunwi'n ɔ kun i bɔbɔ. Be nga be kpɔ Anannganman i sufuɛ kpa'n, Anannganman ɔ ´bu be fɔ.

Jue Mun 90:11

?Wan yɛ ɔ kwla si kɛ ɔ ya'n i dan'n fa ti ju-ɔ? ?Wan yɛ ɔ kwla wun ɔ ya'n i wlɛ b'ɔ man i nyin yi wɔ kɛ ɔ fata'n sa-a?

Ngwlɛ Yilɛ 3:25

Sran nga b'ɔ fɛ i wla gua Anannganman su'n, sran ng'ɔ mɛntɛn i'n, nanwlɛ, ɔ yo i kpa.

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

1 Korɛntfuɛ Mun 9:15

Sanngɛ like nga sɛ min waan n ´yo-ɔ n kwla yo'n, m'an yo-man i kwlaa wie fi. Kusu nán kɛ min waan be yo i sɔ man mín ti yɛ n klɛ fluwa nga-a. Sɛ n wu'n, ɔ yo n fɛ tra kɛ sran wie yo man ndɛ nga n kannin'n ´yo ato'n.

2 Korɛntfuɛ Mun 7:14

N fa amun di min nuan kleli Tit, yɛ an kusu amu'an gua-man mín nyin ase. Kɛ ndɛ nga n kan kleli amun'n i kwlaa ti nanwlɛ'n, i kunngba nin-ɔn, min nuan bɔ n fa amun di kleli i'n i kusu ti nanwlɛ.

Hébreu 10:38

Yɛ min sran ng'ɔ lafi n su, b'ɔ man ɔ kaci sran kpa'n, ɔ ´nyan nguan. Sanngɛ sɛ ɔ cuɛn i wun kɔ siɛn'n, n klun su jɔ-mɛn i wun .»

Zozie 22:16

Izraɛlfuɛ kun nga'm be kwlaa bé nuan. Be usali be kɛ: «Sa nga ti bɔ man amun fɔnnin Izraɛl Nyanmiɛn wun kɛ amun fa fɔnnin lɛ'n sa'n, e klo kɛ e ´ti nun. ?Ɔ yo sɛ yɛ man amun kacili amún sin sili i sa-a? ?Kɛ amun kplan amun tiaun Nyanmiɛn sɔwlɛ'n, nán nyin kekle yɛ amu'an yo i i su lɛ-ɔ?

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»

1 Piɛr 3:12

Afin e Min i nyin wo i sufuɛ nanwlɛfuɛ'm bé su. Yɛ i su o yalɛ nga be koko kle i'n su, sanngɛ ɔ nin be nga be yo sa tɛ'n be kun .»