Ɛsdras 8:21 - NYANMIƐN NDƐ'N 1998

²¹ Aava nzue ba nuan lɛ'n, n yoli man e kpɛli srɛ nun. E kannin é wun ase e Nyanmiɛn'n i nyrun. Yɛ e srɛli i kɛ ɔ yo nan ye ajalɛ tulɛ nun'n, nán sa fi ju e nin e mma nin e ninnge'm be su.

Ɛsdras 8:21 ပူးပေါင်းရင်းမြစ်များ

2 Be Nyoliɛ 20:3

Srɛ b'ɔ kunnin Zozafat dan'n ti, i waan ɔ ko wun Anannganman wun, i ti i waan be `kpɛ srɛ nun Zida nvle wunmuan'n nun.

2 Be Nyoliɛ 20:4

Zidafuɛ'm be fin Zida klɔ'm be kwlaa be su be wa yiali kɛ be ´srɛ Nyanmiɛn nan ɔ uka be.

Ɛsdras 8:15

N yiali bé nzue ba ng'ɔ sonji kɔ Aava'n i wun lɔ. E lali lɛ le nsan. N nian-niannin Nyanmiɛn nyrun jranfuɛ nin Izraɛlfuɛ kun nga'm be nun, m'an wun-man Levifuɛ ba kun.

Ɛsdras 8:31

E jasoli Aava nzue ba nuan lɛ anglo klikli'n i le blu le nnyɔn'n su, e fali Zerizalɛm atin'n. E Nyanmiɛn'n jin é sin ɔ man e kpɔfuɛ mun ɔ nin sran'm bé bo ninnge fɛnfuɛ bɔ be fiafia atin nun'n, b'a nyan-man ye.

Neemi 9:1

Anglo kunngba'n i le ablaɔn-nin-nnan'n su, Izraɛlfuɛ'm be yiali kɛ be ´ci nglɛmun. Be wlali bajɛ tralɛ, be fali ndutre utuli bé ti'n su.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Jue Mun 137:1

Kɛ e titi Babilɔni nzue ba'm bé nuan lɔ'n, bɔ e nyin kpɛnkpɛn Siɔn su'n, e sunnin.

Jue Mun 5:8

Sanngɛ n liɛ'n, a si min aunnvuɛ dan, i ti n wlu ɔ́ sua'n nun. N koto ɔ́ lika kpa'n i ndɛnman su nin ainyiɛ.

Jue Mun 5:9

Anannganman! A ti Nyanmiɛn bɔ a ti nanwlɛfuɛ, kle min atin'n. Min kpɔfuɛ'm be ti, siesie atin nga a klo kɛ n fa su'n man min.

Jue Mun 8:2

Anannganman e Min, ɔ dunman'n ɔ yo nyɛnmɛn asiɛ wunmuan'n su! Ɔ nyrun bɔ a lɛ i'n i dan'n ɔ fu tra nyanmiɛn b'ɔ la nglo lɔ plaii'n su.

Nyanndra Mun 3:6

Sɛ a ´fin ase o a ´jao o, Anannganman i dunman yɛ bo-ɔ. Sɛ a bo i dunman'n, ɔ ´bo ɔ nyrun atin'n.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Ezai 58:3

Sanngɛ be usa min kɛ: «?Sɛ a nian-man ye'n, wuun srɛ nun kpɛlɛ kpa'n ɔ yo nguɛ ye? ?Nguɛ ti yɛ e ´ci aliɛ-ɔ, sɛ ɔ ndɛ nun-man nun'n?» Yɛ n tɛ be su kɛ: «Kɛ amun ´ci nglɛmun'n, amun klun klo ninnge mun yɛ amun yo be-ɔ. Yɛ amun yo amun junman difuɛ'm be tɛtɛ .

Ezai 58:5

?Nglɛmun cilɛ nga n klo i'n, bɔ be ci i cɛn nga be kan bé wun ase'n i nun'n, yɛlɛ ng'ɔ o lɛ'n? ?Bé ti bɔ be klu i kɛ ndɛ mma sa'n, bajɛ su bɔ be la'n, nzuɛn nun bɔ be la'n, i sɔ'n yɛ amun flɛ i kɛ amun su ci nglɛmun cɛn kun b'ɔ jɔ Anannganman i klun'n i nun nin-ɔn?

Zeremi 10:23

Anannganman, n si kɛ sran'n i nguan'n nun-mɛn i sa nun. Ajalɛ ng'ɔ tu'n, ɔ fin-mɛn i .

Zeremi 42:3

I ti-ɔ, se Anannganman ɔ Nyanmiɛn'n kɛ ɔ kle ye atin nga e ko fa su'n, yɛ ɔ kle ye like nga e ko yo'n.»

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Zoɛl 1:14

Amun `kle nglɛmun cilɛ blɛ kun. Amun `flɛflɛ amun wun nan an `yia anyia dan kpa kun. Amun `yia ngbɛn mun ɔ nin klɔ'n su sran'm be kwlaa Anannganman i sua'n nun lɔ nan an `srɛ tantrantan kpa kɛ ɔ ´de amun.

Saun Yolɛ 16:29

Nian, mmla kun yɛ ɔ o yɛ, amun `di su titi: afuɛ kwlaa kɛ anglo nso'n ko ju'n, i cɛn ba blu'n su'n, amun Izraɛlfuɛ mun, ɔ nin aofuɛ ng'ɔ o Izraɛl asiɛ'n su'n, amun kwlakwla, amun `ci nglɛmun, yɛ nán amun di junman fi.

Saun Yolɛ 16:31

Cɛn sɔ'n, amun `fa yo amun wunmiɛn-delɛ-cɛn mlɔnmlɔn, yɛ amun `fa yo amun nglɛmun cilɛ cɛn. I sɔ mmla liɛ'n, amun `di su tititi.

Saun Yolɛ 23:29

I cɛn sɔ'n nun'n, sran nga bɔ ɔ'a ci-man nglɛmun'n wie'n, be `kɛnkɛn i bo Izraɛl nvle'n nun.

Zonas 3:5

Ninivfuɛ'm be fali Anannganman i nuan su ndɛ'n su. Be fali akunndan kun. Be waan sran wafa-wafa'n kwlaa be `ci nglɛmun. Kpɛkuun be wlali bajɛ tralɛ .

Zonas 3:7

I sin ɔ fali akunndan kun, ɔ man be boli i jɔ be sinnin. Akunndan sɔ'n yɛlɛ nga: Famiɛn'n nin be bɔ be mɛntɛn i'n be wan yoo: «Le nnyɔn nga nun'n i sran o, i nnɛn o, nán be wie fi di like, nán be wie fi nɔn nzue.

Kalɛ 14:3

?Ɔ yo sɛ ti yɛ man Anannganman waan ɔ ´fa e ´kɔ mɛn sɔ'n nun lɔ nan alɛ ko di ye nan é yi nin e mma kanngan mun e ko kaci alɛ nnɛn nin-ɔn? ?Sɛ e sa é sin Ezipt lɔ bɔbɔ'n, ɔ flunman-man? »

Kalɛ 14:31

Amun mma kanngan mun bɔ amun waan be wa kaci alɛ nnɛn'n, n ´fa be n ´kɔ mɛn sɔ'n nun lɔ. Kpɛkuun be wa wun mɛn nga amun nyin tuli su'n.

Sa nga bé yôli'n 2:39

Afin like ng'ɔ seli kɛ ɔ ´yo'n, i waan ɔ ´yo man amun, nin amun mma mun, nin be kwlaa bɔ be o mmua bɔ e Min Nyanmiɛn'n ɔ wa flɛ be'n .»

Jɔlɛ Difuɛ Mun 20:26

Kɛ ɔ yoli sɔ'n, Izraɛlfuɛ'm be kwlakwla be ɔli Betɛl nan b'a sun. Be cili nglɛmun, be trannin Anannganman nyrun lɛ lele nnɔsua. Be yili tɛ nga be yra be nnɛn'n kɔlikɔli'n, ɔ nin bo kun yolɛ i su tɛ mun be mannin Anannganman.

1 Samiɛl 7:6

Yɛ be yiali Mizpa-a. Be sali nzue be guɛli i ase Anannganman i nyrun. Le kun sɔ'n, be cili nglɛmun. Be waan: «E fɔnnin Anannganman i wun.» Mizpa lɛ yɛ Samiɛl yoli Izraɛl nvle'n i siefuɛ nin-ɔn.