Ɛsdras 8:20 - NYANMIƐN NDƐ'N 1998

²⁰ Be nin Nyanmiɛn sua'n nun junman difuɛ nga David nin Izraɛl famiɛn i awlo lɔ sran dandan'm be sieli be kɛ be uka Levifuɛ mun'n be bali wie. Be ti sran ya nnyɔn sran ablaɔn. Be kwlakwla be dunman'n klɛ fluwa kun nun.

Ɛsdras 8:20 ပူးပေါင်းရင်းမြစ်များ

1 Be Nyoliɛ 9:2

Be nga be dun mmua sali bé sin be klɔ'm bé su'n, bɔ be ko fali be asiɛ mun ekun'n, yɛlɛ Izraɛlfuɛ wie mun nin Nyanmiɛn nyrun jranfuɛ mun, nin Levifuɛ mun, ɔ nin Nyanmiɛn sua'n nun junman difuɛ mun.

Ɛsdras 2:43

Nyanmiɛn i sua'n nun junman difuɛ bɔ be lɛ su kpɛn mun'n, yɛlɛ sran nga be o yɛ'm be anunman mun: Zisa, Azifa, Tabaɔt,

Ɛsdras 7:7

Kɛ famiɛn Artaksɛrksɛs trannin bia'n su'n i afuɛ nso su kɛ Izraɛlfuɛ mun nin Nyanmiɛn nyrun jranfuɛ'n, nin Levifuɛ mun, nin jue tofuɛ mun, nin anuan su nianfuɛ mun, ɔ nin Nyanmiɛn sua nun junman difuɛ mun be sa be sin Zerizalɛm,

Ɛsdras 8:17

N sunmannin be Kazifia lɔ Izraɛl kpɛnngbɛn bɔ be flɛ i Ido'n i sin. Ndɛ nga be ko kan ko kle Ido nin i niaan nga be nin i di junman'n, n fa wlali bé nuan. N waan be blɛ e sran nga be ko di e Nyanmiɛn sua'n nun junman'n.

Ɛsdras 8:19

Be nin Asabia b'ɔ ti Mɛrari osu'n nunfuɛ'n, nin i niaan nin be mma mun, nin Ezai be bali. Be ti sran ablaɔn.

Kalɛ 3:9

Fa Levifuɛ mun fa man Aarɔn nin i mma mun. Man be yo i liɛ mlɔnmlɔn, yɛ man be di Izraɛlfuɛ kun nga'm bé nuan junman.

Filipfuɛ Mun 4:3

Yɛ ɔ kusu bɔ a ti n wiengu junman difuɛ kpa'n, n ´srɛ wɔ, uka bla sɔ mun, afin be nin min nin Kleman ɔ nin n wiengu junman difue mun yɛ e kplili jasin fɛ'n i bolɛ'n i wun nin-ɔn. Be kwlaa sɔ'n, be dunman ti klɛwa nguan fluwa'n nun.