Ɛsdras 8:15 - NYANMIƐN NDƐ'N 1998

¹⁵ N yiali bé nzue ba ng'ɔ sonji kɔ Aava'n i wun lɔ. E lali lɛ le nsan. N nian-niannin Nyanmiɛn nyrun jranfuɛ nin Izraɛlfuɛ kun nga'm be nun, m'an wun-man Levifuɛ ba kun.

Ɛsdras 8:15 ပူးပေါင်းရင်းမြစ်များ

Ɛsdras 7:24

I kun ekun b'ɔ nannan su'n, yɛlɛ Nyanmiɛn nyrun jranfuɛ mun, ɔ nin Levifuɛ mun, ɔ nin jue tofuɛ mun, ɔ nin anuan su nianfuɛ mun, ɔ nin Nyanmiɛn i sua nun junman difuɛ kun nga be lɛ su kpɛn mun, ɔ nin Nyanmiɛn i sua nun junman difuɛ nga'm be kwlaa be liɛ'n, nán be de be lapo fanunfanun'n wie fi.

Ɛsdras 7:28

Anannganman yoli min ye famiɛn nin i afɔtuɛ manfuɛ mun nin i awlo lɔ sran dandan mun be nyrun. Kɛ n nian bɔ Anannganman min Nyanmiɛn'n jin mín sin'n ti, n fali fanngan nan m'an yiayia Izraɛl kpɛnngbɛn mun, nan e nin be y'a ba.»

Ɛsdras 7:7

Kɛ famiɛn Artaksɛrksɛs trannin bia'n su'n i afuɛ nso su kɛ Izraɛlfuɛ mun nin Nyanmiɛn nyrun jranfuɛ'n, nin Levifuɛ mun, nin jue tofuɛ mun, nin anuan su nianfuɛ mun, ɔ nin Nyanmiɛn sua nun junman difuɛ mun be sa be sin Zerizalɛm,

Ɛsdras 8:14

Itai nin Zabid, be fin Bigvai osu'n nun. Sran yasua ableso be o be sin.

Ɛsdras 8:16

Yɛ n flɛli kpɛnngbɛn bɔ be o yɛ mun: Eliezɛr, Ariɛl, Sɛmaɛza, Ɛlnatan, Zarib, Ɛlnatan, Natan, Zakari nin Mɛsilam. N flɛli Zozarib nin Ɛlnatan be wie. Be ti mmla nun yiyifuɛ.

Ɛsdras 8:2

Gɛrsɔm, ɔ fin Fine osu'n nun. Daniɛl, ɔ fin Itamar osu'n nun. Atis, ɔ fin David osu'n nun yɛ Sɛkania i osu'n nunfuɛ kun.

Ɛsdras 8:21

Aava nzue ba nuan lɛ'n, n yoli man e kpɛli srɛ nun. E kannin é wun ase e Nyanmiɛn'n i nyrun. Yɛ e srɛli i kɛ ɔ yo nan ye ajalɛ tulɛ nun'n, nán sa fi ju e nin e mma nin e ninnge'm be su.

Ɛsdras 8:31

E jasoli Aava nzue ba nuan lɛ anglo klikli'n i le blu le nnyɔn'n su, e fali Zerizalɛm atin'n. E Nyanmiɛn'n jin é sin ɔ man e kpɔfuɛ mun ɔ nin sran'm bé bo ninnge fɛnfuɛ bɔ be fiafia atin nun'n, b'a nyan-man ye.

Jue Mun 137:1

Kɛ e titi Babilɔni nzue ba'm bé nuan lɔ'n, bɔ e nyin kpɛnkpɛn Siɔn su'n, e sunnin.

Ezekiɛl 1:1

Min afuɛ ablasan'n i anglo nnan'n i cɛn ba nnun su'n, m bɔbɔ min Nyanmiɛn nyrun jranfuɛ Bizi wa Ezekiɛl, n wo Zuif nga be trali be lomuɛn ɔli Kɛbar nzue ba'n i nuan lɔ'n be nun. (N wo lɛ) kpɛkuun n ´wun i-ɔ, nyanmiɛn su lɔ'n ɔ'a tike muaan, yɛ Nyanmiɛn yoli man n wunnin aolia nun ninnge mun. Kɛ be trali famiɛn Zozakim lomuɛn ɔli'n, i afuɛ nnun'n su yɛ i sɔ sa'n yoli-ɔ. Babilɔni mɛn'n nun, Kɛbar nzue ba'n nuan lɛ yɛ Anannganman'n kannin ndɛ kleli min-ɔn. Lɛ yɛ i fanngan'n wluli min nun-ɔn.

Ezekiɛl 3:15

N juli Tɛl-Abib, sran nga be trali be lomuɛn ɔli Kɛbar nzue ba'n i nuan lɔ'n bé wun lɛ. N kali bé wun lɛ cɛn ba nso, min nuan boli min wun dan kpa afɛ dan'n ti.

Sa nga bé yôli'n 16:13

Wunmiɛn-delɛ-cɛn nun'n, e ɔli klɔ'n sin lɔ nzue ba kun nuan, e bu i kɛ e ´nyan lika lɔ bɔ e nin Nyanmiɛn e koko yalɛ o. Kɛ e trannin ase'n, e kan ndɛ kleli mmla'm bɔ be yiali lɛ'n.