Ɛsdras 8:1 - NYANMIƐN NDƐ'N 1998

¹ Awlobo kpɛnngbɛn nga be nin min fin Babilɔni bali Zerizalɛm Artaksɛrksɛs blɛ su'n, be nin be osu mun yɛ:

Ɛsdras 8:1 ပူးပေါင်းရင်းမြစ်များ

1 Be Nyoliɛ 24:31

Be kusu be yoli kɛ be niaan Aarɔn osu'n nunfuɛ'm be sa. Be tuli fɔtɔ David, nin Zadɔk, nin Asimelɛk be nyrun. Nyanmiɛn nyrun jranfuɛ mun nin Levifuɛ'm be awlobo kpɛnngbɛn'm be o lɛ wie. Wafa kunngba nga be fa yoli awlo dandan mun'n, i kunngba'n yɛ be fa yoli awlo kanngan mun-ɔn.

1 Be Nyoliɛ 26:32

Ɔ man famiɛn David kpali be nun sran akpi nnyɔn sran ya nso (2.700) fa ukali be niaan Zɛriza su. Be kwlaa sɔ'n be ti awlobo kpɛnngbɛn. David fali be sieli i Ribɛn, nin Gad, ɔ nin Manase akpasua bue kun'n su kɛ be nian Nyanmiɛn i junman'n nin famiɛn'n i junman nga be di i mɛn sɔ'n be nun lɔ'n su.

1 Be Nyoliɛ 9:1

Be kali Izraɛlfuɛ'm be kwlaa, be klɛli be dunman Izraɛl famiɛn'm be fluwa'n nun. Be trali Zidafuɛ mun lomuɛn ɔli Babilɔni, afin be kacili be sin sili Anannganman.

1 Be Nyoliɛ 9:34

Levifuɛ nga be yoli be awlobo kunngun'n be su kpɛnngbɛn'n be yɛ be o lɛ-ɔ. Be trannin Zerizalɛm.

2 Be Nyoliɛ 26:12

Awlo bo kpɛn akpi-nnyɔn-ya-nsiɛn (2.600) yɛ be nian be su-ɔ. Be ti safunyrɛn.

Ɛsdras 1:5

Zida nin Bɛnzamɛn akpasua'm be nun awlobo kpɛnngbɛn mun, nin Nyanmiɛn nyrun jranfuɛ mun, nin Levifuɛ mun, ɔ nin be kwlaa nga Anannganman Nyanmiɛn'n suli be bo kɛ be ko kplɛn i sua'n Zerizalɛm'n, be siesieli be wun.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 2:3

Parɛɔs awlo'n nunfuɛ'm be ti sran akpi nnyɔn sran ya kun sran ableso-nin-nnyɔn (2.172).

Ɛsdras 2:62

Sran sɔ'm be kunndɛli be fluwa nga be nannan'm be dunman klɛ nun mun lele ngbɛn. Ɔ man be niannin be kɛ sran bɔ be ti fiɛn sa, b'a man-man be atin kɛ be di Nyanmiɛn nyrun jranlɛ junman'n wie.

Ɛsdras 7:13

Izraɛlfuɛ mun, nin Nyanmiɛn nyrun jranfuɛ mun, nin Levifuɛ nga be o min mɛn'n nun'n, bɔ be klo kɛ be ´kɔ Zerizalɛm, m mannin be atin kɛ be nin wɔ be wɔ,

Ɛsdras 7:28

Anannganman yoli min ye famiɛn nin i afɔtuɛ manfuɛ mun nin i awlo lɔ sran dandan mun be nyrun. Kɛ n nian bɔ Anannganman min Nyanmiɛn'n jin mín sin'n ti, n fali fanngan nan m'an yiayia Izraɛl kpɛnngbɛn mun, nan e nin be y'a ba.»

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Ɛsdras 7:7

Kɛ famiɛn Artaksɛrksɛs trannin bia'n su'n i afuɛ nso su kɛ Izraɛlfuɛ mun nin Nyanmiɛn nyrun jranfuɛ'n, nin Levifuɛ mun, nin jue tofuɛ mun, nin anuan su nianfuɛ mun, ɔ nin Nyanmiɛn sua nun junman difuɛ mun be sa be sin Zerizalɛm,

Ɛsdras 8:2

Gɛrsɔm, ɔ fin Fine osu'n nun. Daniɛl, ɔ fin Itamar osu'n nun. Atis, ɔ fin David osu'n nun yɛ Sɛkania i osu'n nunfuɛ kun.