Ɛsdras 7:8 - NYANMIƐN NDƐ'N 1998

⁸ Ɛsdras nin be-ɔ. Be juli Zerizalɛm kɛ famiɛn'n trannin bia'n su'n i afuɛ nso'n i anglo i nnun'n su.

Ɛsdras 7:8 ပူးပေါင်းရင်းမြစ်များ

Ɛsdras 10:9

Kɛ cɛn nsan'n juli'n, anglo ngwlan'n i le ablaɔn su'n, Zida nin Bɛnzamɛn nun yasua'm be kwlaa be bali Zerizalɛm. Be kwlaa be yiali Nyanmiɛn sua'n i awlo klun lɔ. Be lɛ usulɛ, sa nga ti bɔ be flɛ be'n ti, ɔ nin nzue b'ɔ tɔ'n ti.

Ɛsdras 7:7

Kɛ famiɛn Artaksɛrksɛs trannin bia'n su'n i afuɛ nso su kɛ Izraɛlfuɛ mun nin Nyanmiɛn nyrun jranfuɛ'n, nin Levifuɛ mun, nin jue tofuɛ mun, nin anuan su nianfuɛ mun, ɔ nin Nyanmiɛn sua nun junman difuɛ mun be sa be sin Zerizalɛm,

Ɛsdras 7:9

Anglo klikli'n i cɛn klikli'n su yɛ ɔ tuli i bo Babilɔni lɔ-ɔ, kpɛkuun ɔ juli Zerizalɛm anglo nnun'n i cɛn klikli'n su, afin i Nyanmiɛn'n i sa kpa'n wo i su.

Ɛsdras 8:32

Kɛ e juli Zerizalɛm'n, e deli wunmiɛn le nsan.

Ɛsdras 9:9

afin e ti kanga, sanngɛ e Nyanmiɛn, w'a yi-man ye ase e kanga yolɛ'n nun. A fali wɔ aunnvuɛ silɛ'n wlali Pɛrs famiɛn'm be nun kɛ ɔ ´yo nan y'a wu-man, nan y'a kwla kplan wɔ bɔ a ti e Nyanmiɛn'n ɔ sua b'ɔ buli'n, nan y'a nyan fiawlɛ Zerizalɛm klɔ'n, ɔ nin Zida nvle nun'n ti.»

Ɛstɛr 2:16

Kɛ be sieli Asieris famiɛn'n, i afuɛ nso su anglo blu su yɛ be fa Ɛstɛr ko mɛnnin i-ɔ. Be flɛ anglo sɔ'n kɛ Tebɛt.

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.