Ɛsdras 7:6 - NYANMIƐN NDƐ'N 1998

⁶ Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Ɛsdras 7:6 ပူးပေါင်းရင်းမြစ်များ

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

Ɛsdras 5:5

Zuif kpɛnngbɛn sɔ'm be Nyanmiɛn'n i wla ɔ'a fi-man be. Ɔ man blɛ bɔ be ko bo su kleli Dariis lele nan ɔ'a tɛ be su'n, b'a se-man be kɛ be jran junman'n.

Ɛsdras 6:22

Be klun ti jɔwa, be dili kpaun nga kpaun ayre nun-man nun'n i cɛn'n le nso aklunjuɛ nun. Anannganman man be klun jɔli, afin ɔ dili junman Asiri famiɛn'n i anwlɛn'n nun ɔ man ɔ wlali be fanngan blɛ nga be ´kplan Izraɛl Nyanmiɛn'n i sua'n.

Ɛsdras 7:21

M bɔbɔ min famiɛn Artaksɛrksɛs min waan sika siefuɛ nga be o Efrat sin lɔ'n be `fa like kwlaa nga Ɛsdras b'ɔ ti Nyanmiɛn nyrun jranfuɛ'n ɔ nin i mmla'n i klefuɛ'n ɔ usa'n, be `mɛn i.

Ɛsdras 7:28

Anannganman yoli min ye famiɛn nin i afɔtuɛ manfuɛ mun nin i awlo lɔ sran dandan mun be nyrun. Kɛ n nian bɔ Anannganman min Nyanmiɛn'n jin mín sin'n ti, n fali fanngan nan m'an yiayia Izraɛl kpɛnngbɛn mun, nan e nin be y'a ba.»

Ɛsdras 7:5

Abisia liɛ'n yɛlɛ Fine, Fine liɛ'n yɛlɛ Eleazar, yɛ Eleazar liɛ'n yɛlɛ Aarɔn b'ɔ ti Nyanmiɛn nyrun jranfuɛ'm be su kpɛn'n.

Ɛsdras 7:9

Anglo klikli'n i cɛn klikli'n su yɛ ɔ tuli i bo Babilɔni lɔ-ɔ, kpɛkuun ɔ juli Zerizalɛm anglo nnun'n i cɛn klikli'n su, afin i Nyanmiɛn'n i sa kpa'n wo i su.

Ɛsdras 8:1

Awlobo kpɛnngbɛn nga be nin min fin Babilɔni bali Zerizalɛm Artaksɛrksɛs blɛ su'n, be nin be osu mun yɛ:

Ɛsdras 8:18

Kɛ Nyanmiɛn'n jin e sin'n ti'n, be ´ba-a, be nin Serebia nin i mma nin i niaan mun yɛ be bali-ɔ. Be kwlaa be ti sran yasua blu-nin-mɔcuɛ. Serebia ti sran ngwlɛlɛfuɛ, ɔ ti Makli osu'n nunfuɛ. Makli i nannan yɛlɛ Levi, yɛ Levi kusu i si yɛlɛ Zakɔb .

Ɛsdras 8:22

Kɛ n se famiɛn'n kɛ ɔ man ye sonja nga be nanti bé ja'n, ɔ nin nga be fu nnɛn kpanngɔ'n nan be `sasa ye e kpɔfuɛ'm be lika'n, ɔ yo min nyannzuɛn, afin e dun mmua seli famiɛn'n kɛ e Nyanmiɛn'n ti be nga be fa bé wun mantan i'n be sasafuɛ, sanngɛ ya ng'ɔ fɛ i be nga be kaci be sin si i bé wun'n ɔ yo sro.

Ɛsdras 8:31

E jasoli Aava nzue ba nuan lɛ anglo klikli'n i le blu le nnyɔn'n su, e fali Zerizalɛm atin'n. E Nyanmiɛn'n jin é sin ɔ man e kpɔfuɛ mun ɔ nin sran'm bé bo ninnge fɛnfuɛ bɔ be fiafia atin nun'n, b'a nyan-man ye.

Neemi 12:26

Be dili be junman liɛ'n Zozadak i wa Zozie i klun ba Zozakim i blɛ su. Kɛ ɔ ´yo sɔ'n, wuun Neemi ɔ ti nvle siefuɛ'n, wuun Ɛsdras kusu ti Nyanmiɛn nyrun jranfuɛ nin mmla klefuɛ.

Neemi 12:36

Zakari i niaan mun yɛlɛ Sɛmaɛza, Azareɛl, Milalai, Gilalai, Maai, Nɛtaneɛl, Zida, ɔ nin Anani. David b'ɔ ti Nyanmiɛn i sran'n, i jue tolɛ ninnge nga ɔ man be yoli'n, ɔ o be sa nun. Ɛsdras b'ɔ ti mmla klefuɛ'n, ɔ dun mmua akpasua sɔ'n i nyrun.

Neemi 2:12

I sin n jasoli kɔnguɛ e nin sran wie mun. Kɛ ɔ ´yo sɔ'n, wuun n nian kan-man sa nga Nyanmiɛn waan n yo m man klɔ'n nian kle-man sran fi. Nnɛn kunngba ng'ɔ o mín sa nun'n yɛlɛ nga n fuli su'n.

Neemi 2:18

N kannin min sin bɔ min Nyanmiɛn'n jin'n n kleli be, n kannin ndɛ nga famiɛn'n kan kleli min'n n kleli be. Nan b'a se kɛ: «Amun man é bo yo kun nan e kplan!» Yɛ be siesieli bé wun kpa sakpa kɛ be ´di junman sɔ'n.

Neemi 2:8

Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Neemi 4:15

Kɛ e dili junman'n sa, kɛ ɔ fɛ i aliɛ njɛnniɛn b'ɔ ´fa ju kɔnguɛ'n bɔ nzraama'm be ´fite'n, e o su. Cua'n wo e bue sa nun.

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.

Neemi 8:13

Kɛ i aliɛ'n cɛnnin'n, Izraɛl awlobo kpɛnngbɛn mun, nin Nyanmiɛn nyrun jranfuɛ mun, ɔ nin Levifuɛ'm be yiali. Ɛsdras o be afiɛn. Be waan ɔ `yiyi mmla nun weiin-weiin kpa kle be.

Neemi 8:4

Be fali waka be boboli lika nglo-nglo kun. I su'n ti kpɛkplɛkpɛ. I su yɛ Ɛsdras jrannin-ɔn, Matitia nin Sema, nin Anania, nin Iri, nin Ilkiza, nin Maazeza be o i sa fama su, yɛ Pɛdaza, nin Mikaɛl, nin Malkiza, nin Asɔm be o i sa bɛ su.

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Neemi 9:13

A fin nyanmiɛn su lɔ jrali Sinai oka'n su. A kannin ndɛ kleli be. A kleli be sa nuan su yolɛ mmla mun, ɔ nin mmla nga be ti nanwlɛ mun. A fali atin klelɛ mmla mun, nin ɔ ndɛ kpakpa mun sieli be nyrun.

Jue Mun 109:27

Man be si kɛ wɔ Anannganman wɔ yɛ w'a yo i sɔ sa nin-ɔn.

Jue Mun 147:19

Ɔ kɛn i nuan su ndɛ mun kle Zakɔb. Ɔ fɛ i mmla fanunfanun'n man Izraɛlfuɛ mun.

Jue Mun 45:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Yasua nin bla bé wun klolɛ jue-ɔ. Kɛ be ´to'n, be bo gitar. Be waan:

Jue Mun 80:18

Man ɔ́ sa kpa'n tran famiɛn ng'ɔ o ɔ́ sa fama su'n i su. Man ɔ tran sran sɔ bɔ a yoli man ɔ nyinnin'n i su.

Nyanndra Mun 3:6

Sɛ a ´fin ase o a ´jao o, Anannganman i dunman yɛ bo-ɔ. Sɛ a bo i dunman'n, ɔ ´bo ɔ nyrun atin'n.

Ezai 50:2

?Kɛ m bali'n, ɔ yo sɛ ti yɛ m'an to-man sran fi-ɔ? ?Kɛ n flɛli amun'n, nguɛ ti yɛ sran fi ɔ'a tɛ-man mín su-ɔ? ?N sa'n ti tika nan se kɛ n kwla fa de-man amun? ?N lɛ-man wunmiɛn n kwla yo-man nan amun fite-man nun? Kɛ n kan ndɛ kle jenvie'n, kpɛkuun i nun nzue'n ɔ'a wie nun. Sɛ n kan ndɛ kle nzue ba mun'n, be wu kee. Yɛ nzue b'ɔ nun-man lɛ'n ti'n, jue'm be wu, yɛ be kplɔ.

Ezai 59:1

Nanwlɛ, Anannganman i sa'n ɔ ti-man tika b'ɔ kwla fa de-man amun-ɔn, yɛ i su'n ti-man tre b'ɔ kwla ti-man ndɛ nga amun kan kle i nin-ɔn.

Zeremi 8:8

«An tɔn amún wun suɛn se kɛ: ‹E si ngwlɛlɛ. Anannganman i mmla'n, é sa nun yɛ ɔ wo-ɔ.› Kusu wuun mmla'n i klɛfuɛ'm b'a kpɛ i wun lele siɛn'n ɔ'a kaci ato .

Matthieu 13:52

Yɛ ɔ seli be kɛ: «I sɔ'n ti, mmla klefuɛ kwlaa b'ɔ suan Nyanmiɛn sielɛ nun ninnge mun'n, ɔ ti kɛ awlo bo kpɛn kun b'ɔ yi ninnge uflɛ nin ninnge nvuɛn i bɛtrɔ'n nun sa.»

Matthieu 23:2

«Mmla klefuɛ mun nin Farizifuɛ mun be sinnin Moiz ja nun.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

1 Korɛntfuɛ Mun 1:20

?Ngwlɛlɛ sifuɛ'n wo nin? ?Mmla sifuɛ'n wo nin? ?Blɛ nga nun be bɔ be kunndɛ kɛ be ´si sa'm bé bo'n be o nin? ?Sran nga be ti ngwlɛlɛfuɛ mɛn nga nun'n, Nyanmiɛn bu-man be sinnglinfuɛ?

1 Korɛntfuɛ Mun 15:1

Aniaan mun, jasin fɛ nga m bo kleli amun laa'n, n ´kpɛn amún wla ekun. Amu'an fa jasin fɛ sɔ'n su, ɔ man an jran kekle.

Mmla'n 28:1

Sɛ amun nyin yi Anannganman amun Nyanmiɛn'n, nan amun fa mmla nga n ´fa man amun ndɛ yɛ'n be su'n, sɛ amun nian bé su nanti'n, Anannganman amun Nyanmiɛn'n ɔ ´yo man amun nvle'n i dan ´tra mɛn'n nun nvle'm be kwlaa kpan.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.