Ɛsdras 7:27 - NYANMIƐN NDƐ'N 1998

²⁷ «N ´la Anannganman, min nannan'm be Nyanmiɛn'n i ase, afin ɔ'a su famiɛn'n bo kɛ ɔ bu i bɔbɔ i Nyanmiɛn'n i sua ng'ɔ o Zerizalɛm lɔ'n i wun akunndan kpa.

Ɛsdras 7:27 ပူးပေါင်းရင်းမြစ်များ

2 Be Nyoliɛ 31:8

Kɛ Ezekias nin i awlo lɔ sran dandan'm be wa wunnin ninnge nga be tiantiannin be nuan'n, be lali Anannganman ase. Yɛ be lali Izraɛlfuɛ'm bɔ be ti Anannganman i sran'n be ase wie.

Ɛsdras 6:22

Be klun ti jɔwa, be dili kpaun nga kpaun ayre nun-man nun'n i cɛn'n le nso aklunjuɛ nun. Anannganman man be klun jɔli, afin ɔ dili junman Asiri famiɛn'n i anwlɛn'n nun ɔ man ɔ wlali be fanngan blɛ nga be ´kplan Izraɛl Nyanmiɛn'n i sua'n.

Neemi 2:12

I sin n jasoli kɔnguɛ e nin sran wie mun. Kɛ ɔ ´yo sɔ'n, wuun n nian kan-man sa nga Nyanmiɛn waan n yo m man klɔ'n nian kle-man sran fi. Nnɛn kunngba ng'ɔ o mín sa nun'n yɛlɛ nga n fuli su'n.

Neemi 2:8

Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Neemi 7:5

Yɛ Nyanmiɛn'n suli min bo kɛ n yia klɔ kpɛnngbɛn mun, nin jɔlɛ difuɛ mun, ɔ nin sran'm be kwlaa nan n ka be. N wunnin fluwa nga be nga be dun mmua bali'n be dunman'n nin be nannan'm be dunman'n wo nun'n. Nga be klɛli i nun'n yɛ.

Ezipt Lɔ Tulɛ'n 8:9

Anannganman yoli nga Moiz usɛli i'n. Klɛ'm be wuli awlo'm be nun, be wuli sua'm be nun nin fie'm be su.

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Ezai 60:13

Siprɛs waka mun nin pɛn waka mun, ɔ nin bui waka mun, b'ɔ man Liban mɛn'n ɔ lɛ nyrun'n, be ´fɛ i kwlaa sɔ'n be ba ɔ́ sin wa. Be ´fa yo min sua'n i klanman, yɛ n ´yo man min sua sɔ'n bɔ n tran nun'n, ɔ ´nyan nyrun.

JÉSUS-CHRIST I DYASIN FE'N BO LUC KLELI'N 7:5

afin ɔ klo e nvle'n, i yɛ ɔ kplannin e Nyanmiɛn ndɛ suanlɛ nin i srɛlɛ sua nin-ɔn.»

2 Korɛntfuɛ Mun 8:16

Nyanmiɛn kwla o! Afin ɔ yoli man amun ndɛ lo Tit kusu.

Filipfuɛ Mun 4:10

Kɛ n wun kɛ an su bu min akunndan ekun'n, n klun jɔ dan kpa yɛ n la e Min'n i ase. Nanwlɛ, min ndɛ lo amun kpa, amun ti yɛ an nyɛn-mɛn i ti-ɔ.

Hébreu 10:16

«E Min'n seli kɛ: ‹Amun `nian, cɛn wie lele aenguɛ nga e nin be tra'n yɛ: N `fa min mmla'n n ´wla be anwlɛn'n nun, yɛ n ´fa klɛ be akunndan'n nun.› »

Hébreu 8:10

E Min'n seli ekun kɛ: ‹Aenguɛ nga cɛn wie e nin Izraɛl nvle'n e ´tra'n yɛ: N man min mmla'n ´tran be klun, yɛ n ´fa min mmla'n klɛ be anwlɛn'n nun. N ´yo be Nyanmiɛn, yɛ be kusu be ´yo min sran.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Sa nglô yile 17:17

Afin Nyanmiɛn yɛ ɔ seli be kɛ be yo i bɔbɔ Nyanmiɛn i klun sa nin-ɔn, i wan kɛ bé bo yo kun be fa be famiɛn'n man nnɛn'n lele san ndɛ nga i bɔbɔ Nyanmiɛn kannin'n ɔ'a kpɛn su.