Ɛsdras 7:25 - NYANMIƐN NDƐ'N 1998

²⁵ Ɛsdras, wɔ kusu Nyanmiɛn i ngwlɛlɛ'n wo ɔ́ nun. Nian su sie jɔlɛ difuɛ mun, ɔ nin mmla su nianfuɛ mun. Be kwlaa nga be o Efrat'n sin lɔ'n, bɔ be si Nyanmiɛn mmla'n, man be jran su di be jɔlɛ. Be nga be si-mɛn'n be kusu, kle be.

Ɛsdras 7:25 ပူးပေါင်းရင်းမြစ်များ

Bo Bolɛ 41:38

Famiɛn usali be kɛ: «?Sran nga Nyanmiɛn wawɛ'n wo i nun kɛ gbanflɛn nga sa'n, ninfan cɛ yɛ e ´nyan uflɛ-ɔ?»

Bo Bolɛ 41:39

Famiɛn'n seli Zozɛf kɛ: «Wɔ bɔ Nyanmiɛn yili sa nga i kwlakwla i nglo kleli wɔ'n, m'an wun-man sran fi b'ɔ si ngwlɛlɛ dan kɛ wɔ sa-a.

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

2 Famiɛn Mun 17:27

Yɛ Asiri famiɛn'n waan: «Amun `fa Nyanmiɛn nyrun jranfuɛ nga e trali be lomuɛn lɔ e bali'n be nun kun man ɔ ko tran lɔ, nan ɔ kle be kɛ be fa sɔ mɛn sɔ'n nun amuɛn'n.»

1 Be Nyoliɛ 22:12

Sɛ Anannganman fa wɔ sie Izraɛlfuɛ'm be su kɛ a sie be'n, man ɔ man wɔ ngwlɛlɛ nan w'a kwla fa fɛ i mmla'm be su.

1 Be Nyoliɛ 23:4

David kpali be nun sran akpi-akpi ablaɔn-nin-nnan (24.000) kɛ be nian Nyanmiɛn i sua'n i kplanlɛ junman'n su. Ɔ yili be nun akpi nsiɛn (6.000) kɛ be yo kpɛnngbɛn annzɛ jɔlɛ difuɛ.

Ɛsdras 10:4

Jaso, wɔ yɛ a nin sa sɔ'n i siesielɛ fata-a. Mian ɔ nyin, yo ng'ɔ fata'n, e jin ɔ́ sin.»

Ɛsdras 6:6

Ɔ man Dariis klɛ fluwa ko mannin be kɛ: «Tatnai, wɔ bɔ a ti Efrat i sin lɔ nvle'n i siefuɛ'n, a nin Setar-Bɔznai, ɔ nin Afarsakfuɛ nga amun nin be di junman'n bɔ be tran nzue'n sin lɔ'n, ndɛ sɔ'n, nán amun ndɛ su-ɔ.

Ɛsdras 7:10

Ɛsdras sin bɔ Nyanmiɛn'n ´jran'n yɛlɛ kɛ ɔ nian nun suan Anannganman i mmla'n, yɛ ɔ fa su, yɛ ɔ kle Izraɛlfuɛ mun.

Ɛsdras 7:14

afin min bɔbɔ min famiɛn'n, e nin min afɔtuɛ manfuɛ nso'n, y'a man wɔ atin kɛ a ko nian Zerizalɛm nin Zida lɔ nian sɛ be fa ɔ Nyanmiɛn'n i mmla ng'ɔ o ɔ́ sa nun'n su o.

Neemi 9:3

Be kanngannin Anannganman be Nyanmiɛn'n i mmla fluwa'n nun dɔ nsan kleli be. Kɛ ɔ ´yo sɔ'n, wuun be jin nglo, kpɛkuun be kotoli Anannganman be Nyanmiɛn'n i nyrun, be dili be sa tɛ'm nanwlɛ'm dɔ nsan ekun.

Jue Mun 19:7

Ɔ fɛ i nyanmiɛn'n i bue kun lɔ ɔ kɔ lele kpɛn i bue kun lɔ ekun. Like fi nun-man lɛ b'ɔ kpɛjɛ-mɛn i su-ɔ.

Nyanndra Mun 2:6

afin Anannganman yɛ ɔ man akunndan nin-ɔn. Sa silɛ'n nin ngwlɛlɛ'n be fin i.

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Matthieu 13:52

Yɛ ɔ seli be kɛ: «I sɔ'n ti, mmla klefuɛ kwlaa b'ɔ suan Nyanmiɛn sielɛ nun ninnge mun'n, ɔ ti kɛ awlo bo kpɛn kun b'ɔ yi ninnge uflɛ nin ninnge nvuɛn i bɛtrɔ'n nun sa.»

Marc 6:34

Kɛ Jésus fin alie'n nun jrali'n, ɔ wunnin sran sɔ mun b'a bo nzra dan kpa, nan b'a yo i annvɔ, afin be ti kɛ bua'm bɔ be lɛ-man tafuɛ'n sa, yɛ ɔ boli be like klelɛ'n bo-ɔ, ɔ kleli be like kpanngban.

Mmla'n 16:18

Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.

Kolɔsfuɛ Mun 1:28

Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.