Ɛsdras 7:18 - NYANMIƐN NDƐ'N 1998

¹⁸ A nin ɔ niaan mun, amun `fa sika ng'ɔ ka'n be `yo nga amun nian siin ɔ fata kɛ amun yo'n. Amun `fa yo like ng'ɔ ti amun Nyanmiɛn'n i klun su'n.

Ɛsdras 7:18 ပူးပေါင်းရင်းမြစ်များ

2 Famiɛn Mun 12:15

Sanngɛ be fɛli i kwlakwla'n be mannin Anannganman i sua'n su junman difuɛ mun kɛ be fa wlawla sua'n nun.

2 Famiɛn Mun 22:7

sanngɛ nán be usa sika nga be fa mannin be'n i osu, afin be di nanwlɛ.»

Ɛsdras 7:17

Fɛ i sɔ sika liɛ'n to nannin tola mun, nin bua nene mun, nin bua nga b'a kpɛ cro'n, nin be su cɛlɛ, ɔ nin be su nzan nga be guɛ i ase'n! Fɛ i kwlakwla sɔ'n yi tɛ amun Nyanmiɛn'n i sɔwlɛ ng'ɔ o Zerizalɛm lɛ'n su.

Ɛsdras 7:19

Nyanmiɛn sua nun kpongbo nga be fa mannin wɔ'n, fa be sie i Zerizalɛm Nyanmiɛn'n i nyrun, man be fa di i sua'n nun junman'n.

Ɛsdras 7:26

Sran kwlaa nga ɔ'a fa-man ɔ Nyanmiɛn i mmla'n su sɛsɛ annzɛ min mmla'n su sɛsɛ'n, man be tu i fɔ. Sɛ ɔ ti kunlɛ-ɔ, man be kun i. Sɛ ɔ ti i mɛn'n nun fuanlɛ-ɔ, man be fuɛn i! Sɛ sika yɛ be ´de i-ɔ, man be de i. Sɛ ɔ ti bisua-a, man be wlɛ i.»

Efɛzfuɛ Mun 5:17

I sɔ'n ti'n, nán an yo sinnglinfuɛ, sanngɛ an `mian amún nyin kɛ amun ´si like nga e Min'n klo kɛ an yo'n.