Ɛsdras 7:16 - NYANMIƐN NDƐ'N 1998

¹⁶ Yɛ fa jɛtɛ ufue nin sika ɔkwlɛ nga a nyɛn i Babilɔni nvle nun'n i kwlaa, ɔ nin be klun klo like nga Izraɛlfuɛ nga be ti Nyanmiɛn nyrun jranfuɛ annzɛ be ti-man Nyanmiɛn nyrun jranfuɛ'm be mannin kɛ be `fa kplan Zerizalɛm lɔ Nyanmiɛn i sua'n.

Ɛsdras 7:16 ပူးပေါင်းရင်းမြစ်များ

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

1 Be Nyoliɛ 29:6

Yɛ famiɛn i awlo lɔ sran dandan mun, nin Izraɛl akpasua'm bé su kpɛnngbɛn mun, nin sonja akpi nin sonja ya su kpɛn mun, ɔ nin famiɛn'n i junman difuɛ'm bé su kpɛn mun, be klun-ufue su be waan be ´man like.

1 Be Nyoliɛ 29:9

Sran'm be kwlaa be klun jɔli afin be klun-ufue su yɛ be fali bé sa nun ninnge'n wie mannin Nyanmiɛn-ɔn. Famiɛn David kusu i wun kpɛjɛli i.

2 Be Nyoliɛ 31:14

Zimna wa Kɔre b'ɔ ti Levifuɛ'n, b'ɔ nian anuan ng'ɔ o wia afiliɛ lɔ'n su'n, i yɛ ɔ sɔ be klun klo ninnge nga be fa man Anannganman'n be nun-ɔn. Yɛ fie su ninnge nga be yi man Anannganman'n nin Anannganman i ninnge kpa tra su mun'n, i yɛ ɔ cɛcɛ be nun-ɔn.

2 Be Nyoliɛ 6:2

Yɛ m bɔbɔ m'an kplan ɔ sua kun bɔ a ´tran nun tititi.»

2 Be Nyoliɛ 6:5

Anannganman waan: ‹Kɛ ɔ fin cɛn bɔ n fali min nvle'n nunfuɛ mun Ezipt lɔ m bali'n, m'an kpa-man klɔ kun Izraɛl klɔ'm be nun kɛ n ´kplan sua su nan n dunman ´tran su, yɛ m'an kpa-man sran kɛ ɔ dun mmua Izraɛl b'ɔ ti min nvle'n i nyrun.

2 Be Nyoliɛ 6:6

Siɛn'n, m'an kpa Zerizalɛm klɔ'n kɛ min dunman'n `tran su, yɛ David yɛ m'an kpɛ i kɛ ɔ tran min nvle'n su nan ɔ dun mmua i nyrun-ɔn.›

Ɛsdras 1:4

Kan kwlaa nga Izraɛlfuɛ'm be o lɛ'n, man lɛfuɛ'm be man be jɛtɛ ufue, nin sika ɔkwlɛ, nin ninnge uflɛ mun ekun, ɔ nin nnɛn mun. Yɛ man be man be klun klo ninnge mun b'ɔ ti Nyanmiɛn sua ng'ɔ o Zerizalɛm lɔ'n i liɛ.»

Ɛsdras 1:6

Be tranfuɛ'm be kwlaa be ukali be. Be mannin be jɛtɛ ufue, nin sika ɔkwlɛ ninnge mun, nin ninnge uflɛ mun, nin ninnge uflɛ b'ɔ be ti kpakpa mun ekun, ɔ nin nnɛn mun. Be mannin be be klun klo ninnge mun ekun.

Jue Mun 135:21

Man be la Anannganman b'ɔ o Siɔn'n, b'ɔ tran Zerizalɛm'n i ase. An `manman Anannganman!

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.

2 Korɛntfuɛ Mun 9:7

Man sran kun i like ng'ɔ bu i akunndan kɛ sɛ ɔ man-an ɔ ti kpa'n, ɔ fa man, nán man ɔ yo i klunngbɔ su nin mianlɛ su, afin sran ng'ɔ man Nyanmiɛn like i klun-ufue su'n, i klun jɔ i wun .