Ɛsdras 7:15 - NYANMIƐN NDƐ'N 1998

¹⁵ Jɛtɛ ufue nin sika ɔkwlɛ nga e nin min afɔtuɛ manfuɛ mun e klun klo e mannin Izraɛl Nyanmiɛn bɔ i sua'n wo Zerizalɛm'n, kɛ a ´kɔ'n, fa kɔ!

Ɛsdras 7:15 ပူးပေါင်းရင်းမြစ်များ

1 Be Nyoliɛ 29:6

Yɛ famiɛn i awlo lɔ sran dandan mun, nin Izraɛl akpasua'm bé su kpɛnngbɛn mun, nin sonja akpi nin sonja ya su kpɛn mun, ɔ nin famiɛn'n i junman difuɛ'm bé su kpɛn mun, be klun-ufue su be waan be ´man like.

2 Be Nyoliɛ 2:6

Nan i ti'n, blɛ min ajuin difuɛ kun b'ɔ si sika ɔkwlɛ, nin jɛtɛ ufue, nin aaba, ɔ nin blalɛ'n be su junman di kpa'n. Tannin nga be wla be ɔkwlɛ kankankan'n annzɛ ɔkwlɛ youun'n nin ble nzue-nzue'n, man ɔ yo sran b'ɔ si be junman'n di ekun, yɛ man ɔ si ninnge'm be nzɔliɛ'm be yi. I liɛ'n, min ajuin difuɛ liɛ nga min si David flɛli be'n, ɔ nin be be ´di junman. E nin wie mun yɛ e o Zerizalɛm wa-a, yɛ wie'm be o Zida mɛn'n i lika uflɛ.

2 Be Nyoliɛ 32:23

I sin sran kpanngban kpa be bali Zerizalɛm. Like nga be fa man Nyanmiɛn'n, be fa blɛli i. Yɛ be cɛli Ezekias b'ɔ ti Zida famiɛn'n i ninnge mun. Kɛ ɔ fin lɛ'n, Ezekias nyannin kɔmin nvle-nvle'm be nunfuɛ'm be kwlaa bé nyrun.

2 Be Nyoliɛ 6:2

Yɛ m bɔbɔ m'an kplan ɔ sua kun bɔ a ´tran nun tititi.»

2 Be Nyoliɛ 6:6

Siɛn'n, m'an kpa Zerizalɛm klɔ'n kɛ min dunman'n `tran su, yɛ David yɛ m'an kpɛ i kɛ ɔ tran min nvle'n su nan ɔ dun mmua i nyrun-ɔn.›

Ɛsdras 1:6

Be tranfuɛ'm be kwlaa be ukali be. Be mannin be jɛtɛ ufue, nin sika ɔkwlɛ ninnge mun, nin ninnge uflɛ mun, nin ninnge uflɛ b'ɔ be ti kpakpa mun ekun, ɔ nin nnɛn mun. Be mannin be be klun klo ninnge mun ekun.

Ɛsdras 6:12

Famiɛn kwlaa, ɔ nin nvle kwlaa ng'ɔ fa-man ndɛ nga su, b'ɔ jaso kɛ ɔ ´bu Zerizalɛm Nyanmiɛn sua'n, man Nyanmiɛn bɔ Zerizalɛm lɔ yɛ i waan ɔ yi i wun nglo weiin'n, ɔ yi i sɔ famiɛn'n i ase, annzɛ ɔ saci i sɔ nvle liɛ'n. M bɔbɔ min Dariis yɛ m man mmla nga-a. Man be nian su sɛsɛsɛ be yo.»

Ɛsdras 6:4

Man be sɛ yɛbuɛ yɛ be fa kplan-an. Sɛ be sie yɛbuɛ nyanman nsan'n, be `kplan waka nyanman kun sɔ trilili. Famiɛn'n i sika yɛ be fa kplan-an!

Ɛsdras 7:14

afin min bɔbɔ min famiɛn'n, e nin min afɔtuɛ manfuɛ nso'n, y'a man wɔ atin kɛ a ko nian Zerizalɛm nin Zida lɔ nian sɛ be fa ɔ Nyanmiɛn'n i mmla ng'ɔ o ɔ́ sa nun'n su o.

Ɛsdras 8:25

Be nyrun lɛ n sunnzunnin Nyanmiɛn i sua'n i su cɛlɛ'n nga be mannin toe su. N sunnzunnin jɛtɛ ufue nin sika ɔkwlɛ, ɔ nin kpongbo nga famiɛn'n nin i afɔtuɛ manfuɛ nin i mma'm be mannin'n. N sunnzunnin nga Izraɛlfuɛ bɔ be o lɛ'n be mannin'n wie.

Jue Mun 135:21

Man be la Anannganman b'ɔ o Siɔn'n, b'ɔ tran Zerizalɛm'n i ase. An `manman Anannganman!

Jue Mun 26:8

Anannganman, ɔ́ sua'n bɔ a yi ɔ́ wun nglo nun nyannyannyan'n, i nun tranlɛ yo min fɛ.

Jue Mun 72:10

Tarsis nin asiɛ bɔ nzue sin yia be'n, bɔ be o mmua-mmua lɔ'n be famiɛn'm be wa mɛn i like. Saba nin Seba famiɛn'm be ´fa be ninnge liɛ'm be ´blɛ i.

Jue Mun 76:11

Sɛ sran'm be fa ya sɛ, i agualiɛ su'n, wɔ yɛ a nyan nyrun be ya falɛ sɔ'n nun-ɔn. Be nga be ko nyan bé ti ɔ́ ya liɛ bɔ a fa nun'n, be ´di cɛn be man wɔ.

Jue Mun 76:2

Nyanmiɛn fɛli i wun kleli Zida lɔ, Izraɛl lɔ'n, i dunman'n ɔ fu.

Jue Mun 9:11

Be nga be si wafa bɔ a ti'n, be fa bé wun wla ɔ sa nun. Afin Anannganman, be bɔ be fa bé wun man wɔ'n, a yi-man be ase .