Ɛsdras 7:10 - NYANMIƐN NDƐ'N 1998

¹⁰ Ɛsdras sin bɔ Nyanmiɛn'n ´jran'n yɛlɛ kɛ ɔ nian nun suan Anannganman i mmla'n, yɛ ɔ fa su, yɛ ɔ kle Izraɛlfuɛ mun.

Ɛsdras 7:10 ပူးပေါင်းရင်းမြစ်များ

1 Be Nyoliɛ 29:18

Anannganman, e nannan Abraam nin Izaak, ɔ nin Izraɛl be Nyanmiɛn, man ɔ nvle'n nunfuɛ'm be bu akunndan sa titi. Yɛ man be fa be wla'n gua wɔ su sakpa.

2 Be Nyoliɛ 12:14

Rɔbɔam yoli sa tɛ, afin ɔ'a kplin-mɛn i nyin kɛ ɔ ´mantan Anannganman kpa.

2 Be Nyoliɛ 19:3

sanngɛ a buli sa kpa wie'm be akunndan yɛ a yoli be. Ɔ mɛn'n nun waka nga be sɔ be'n, a wɔli be nun, yɛ a tuli ɔ klun fali ɔ́ wun mantannin ɔ Nyanmiɛn'n kpa.»

2 Be Nyoliɛ 30:22

Levifuɛ nga be tuli be klun be dili Anannganman i junman'n, Ezekias yoli be mo. Sran'm be dili cɛn dilɛ aliɛ'n lele cɛn ba nso. Kɛ ɔ ´yo sɔ'n, wuun be ´yi bo kun yolɛ'n i su tɛ mun, wuun be ´to jue be manman Anannganman b'ɔ ti be nannan'm be Nyanmiɛn'n.

Ɛsdras 7:11

Ɛsdras ti Nyanmiɛn nyrun jranfuɛ, i kunngba'n ti mmla klefuɛ, ɔ si mmla nga Anannganman fa mannin Izraɛlfuɛ mun'n. Fluwa nga famiɛn Artaksɛrksɛs fa mɛnnin i'n yɛ:

Ɛsdras 7:25

Ɛsdras, wɔ kusu Nyanmiɛn i ngwlɛlɛ'n wo ɔ́ nun. Nian su sie jɔlɛ difuɛ mun, ɔ nin mmla su nianfuɛ mun. Be kwlaa nga be o Efrat'n sin lɔ'n, bɔ be si Nyanmiɛn mmla'n, man be jran su di be jɔlɛ. Be nga be si-mɛn'n be kusu, kle be.

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Zɔb I Nyrɛnnɛn Wunlɛ 11:13

Ɔ man sɛ a kpɛ ɔ nyin Nyanmiɛn su'n, sɛ a man ɔ́ sa'n su a srɛ i'n,

Jue Mun 1:2

Sran bɔ i like liɛ ng'ɔ klo i'n yɛlɛ Nyanmiɛn i mmla'n, b'ɔ bu i akunndan kɔnguɛ nin wia su'n, i sɔfuɛ'n i liɛ su ti ye .

Jue Mun 10:17

Anannganman, like nga nyrɛnnɛnfuɛ'm be kunndɛ'n, a si, a wla be fanngan, a sie ɔ́ su tie be ndɛ mun.

Jue Mun 119:112

M mian min nyin n yo ɔ klun sa'n, n ´nian su, n ´yo be lele min nguan i awieliɛ.

Jue Mun 119:45

Kɛ n ´nanti'n n ´kɔ'n, n fa-man like fi'n tanndan-man mín ja nun. Ɔ mmla nga a sie be'n, be yɛ n kunndɛ-ɔ.

Jue Mun 19:7

Ɔ fɛ i nyanmiɛn'n i bue kun lɔ ɔ kɔ lele kpɛn i bue kun lɔ ekun. Like fi nun-man lɛ b'ɔ kpɛjɛ-mɛn i su-ɔ.

Jue Mun 57:7

Be guali min wun tɛ, be waan be ´bu min kɔmin. Be kpɛli min bo kunman, sanngɛ be bɔbɔ be tɔli nun.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Matthieu 5:19

I sɔ'n ti sran ng'ɔ tɔn mmla i nun kun, kannzɛ i nun kaan kpafuɛ'n bɔbɔ, nan ɔ kle sran'm be kɛ be yo i kunngba sɔ'n, ɔ wa yo be bɔ Nyanmiɛn sie be'n be nun kaan kpa, sanngɛ sran ng'ɔ fa be su, nan ɔ kle sran'm be kɛ be fa su'n, ɔ wa yo be bɔ nyanmiɛn sie be'n be nun sran dan.

Matthieu 7:24

«I sɔ'n ti, sran kwlaa ng'ɔ tie ndɛ nga n ´kɛn i yɛ'n nan ɔ fa su'n, ɔ ti kɛ ngwlɛlɛfuɛ b'ɔ kplɛnnin i sua yɛbuɛ su'n sa.

Jean 13:17

Sɛ an si sa sɔ'n nan an fa su'n, amun liɛ su ti ye.

Sa nga bé yôli'n 1:1

Teofil, n fluwa klikli nun'n, n klɛli i kwlaa nga Jésus boli i yolɛ nin i klelɛ bo'n

Mmla'n 16:12

Nán amún wla fi su kɛ laa amun ti kanga Ezipt lɔ. Amun `fa mmla nga be `sie, yɛ amun `nian su be nanti.

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

Tite 2:1

Sanngɛ ɔ liɛ'n, nian ndɛ nanwlɛ nga be kleli wɔ'n su kle.

Tite 2:15

Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»