Ɛsdras 7:1 - NYANMIƐN NDƐ'N 1998

¹ I sin, Ɛsdras ɔ wa bali Artaksɛrksɛs b'ɔ ti Pɛrs famiɛn'n i blɛ su. Ɛsdras i si'n yɛlɛ Sɛraza, Sɛraza liɛ'n yɛlɛ Azaria, Azaria liɛ'n yɛlɛ Ilkiza,

Ɛsdras 7:1 ပူးပေါင်းရင်းမြစ်များ

2 Famiɛn Mun 22:4

«Kɔ ko to Nyanmiɛn nyrun jranfuɛ'm be su kpɛn'n bɔ be flɛ i Ilkiza'n. Se i kɛ ɔ `ka sika nga be yi i Anannganman i sua'n nun'n, bɔ Nyanmiɛn nyrun jranfuɛ nga be nian Nyanmiɛn i sua'n i anuan'n su'n be sɔ nun'n.

2 Famiɛn Mun 22:8

Kɛ Safan ko toli Ilkiza b'ɔ ti Nyanmiɛn nyrun jranfuɛ be su kpɛn'n lɔ'n, ɔ boli famiɛn'n i jasin'n kleli i. Ɔ seli Safan kɛ: «M'an wun mmla fluwa'n Anannganman i sua'n nun wa.» Ilkiza fa mɛnnin i nan ɔ'a kanngan.

2 Famiɛn Mun 25:18

Gladi difuɛ'm bé su kpɛn'n trali Nyanmiɛn nyrun jranfuɛ'm bé su kpɛn bɔ be flɛ i Sɛraza'n, ɔ nin i mantanfuɛ bɔ be flɛ i Sofoni'n, ɔ nin Nyanmiɛn nyrun jranfuɛ nsan nga be nian anuan'n su'n.

1 Be Nyoliɛ 9:11

Azaria be trannin lɛ wie. Azaria i si'n yɛlɛ Ilkiza, Ilkiza liɛ'n yɛlɛ Mɛsilam, Mɛsilam liɛ'n yɛlɛ Zadɔk, Zadɔk liɛ'n yɛlɛ Mɛrazɔt, yɛ Mɛrazɔt liɛ'n yɛlɛ Asitib. Asitib ti Nyanmiɛn i sua'n su kpɛn.

2 Be Nyoliɛ 34:15

Yɛ Ilkiza kan kleli Safan b'ɔ ti fluwa klɛfuɛ'n kɛ: «M'an wun mmla fluwa'n Anannganman i sua'n nun.» Yɛ ɔ fa mannin Safan-an.

2 Be Nyoliɛ 34:9

Sran sɔ'm be ɔli Ilkiza b'ɔ ti Nyanmiɛn nyrun jranfuɛ'm be su kpɛn'n wun lɔ. Yɛ sika nga sran'm be fa bali Nyanmiɛn i sua'n nun'n, be fa mannin. Manasefuɛ mun, nin Efraimfuɛ mun, nin Izraɛlfuɛ onga mun, nin Zidafuɛ'm be kwlaa nin Bɛnzamɛnfuɛ'm be kwlaa, ɔ nin Zerizalɛmfuɛ mun be yɛ be mannin sika sɔ nin-ɔn. Yɛ Levifuɛ'm bɔ be nian Nyanmiɛn sua'n i anuan'n su'n, be yɛ be sɔli nun-ɔn.

Ɛsdras 4:7

Yɛ Artaksɛrksɛs b'ɔ ti Pɛrs famiɛn'n i blɛ su'n, Bislam, Mitrɛdat, Tabeɛl, ɔ nin be nga be nin be di junman'n, be klɛli fluwa ko mɛnnin i. Fluwa sɔ'n be fali Aramfuɛ'm be aniɛn'n i fluwa mma nga be fa klɛ'n yɛ be klɛli-ɔ. Be klɛli i Aramfuɛ'm be aniɛn'n nun.

Ɛsdras 6:14

Zuif kpɛnngbɛn'm be kplannin sua'n ɔ wieli weiin. Nyanmiɛn nuan ijɔfuɛ Aze, ɔ nin Ido i wa Zakari be ndɛ nga Nyanmiɛn fa wlali be nuan'n, ɔ wlali be fanngan. Be wieli sua'n kplan kɛ Izraɛl Nyanmiɛn'n kannin'n sa. Be fali Siris nin Dariis, nin Artaksɛrksɛs bɔ be ti Pɛrs famiɛn'n bé nuan ndɛ'n su.

Ɛsdras 7:10

Ɛsdras sin bɔ Nyanmiɛn'n ´jran'n yɛlɛ kɛ ɔ nian nun suan Anannganman i mmla'n, yɛ ɔ fa su, yɛ ɔ kle Izraɛlfuɛ mun.

Ɛsdras 7:12

«Min Artaksɛrksɛs bɔ n ti famiɛn'm be famiɛn'n, min yɛ n klɛ fluwa nga n blɛ wɔ Ɛsdras bɔ a ti Nyanmiɛn nyrun jranfuɛ bɔ a si nglo lɔ Nyanmiɛn'n i mmla'n kpa sakpa nin-ɔn.

Ɛsdras 7:2

Ilkiza liɛ'n yɛlɛ Salɔm, Salɔm liɛ'n yɛlɛ Zadɔk, Zadɔk liɛ'n yɛlɛ Asitib.

Ɛsdras 7:21

M bɔbɔ min famiɛn Artaksɛrksɛs min waan sika siefuɛ nga be o Efrat sin lɔ'n be `fa like kwlaa nga Ɛsdras b'ɔ ti Nyanmiɛn nyrun jranfuɛ'n ɔ nin i mmla'n i klefuɛ'n ɔ usa'n, be `mɛn i.

Neemi 11:11

Sɛraza Ilkiza i wa'n. Ilkiza i si yɛlɛ Mɛsilam, Mɛsilam liɛ'n yɛlɛ Zadɔk, Zadɔk liɛ'n yɛlɛ Mɛrazɔt, yɛ Mɛrazɔt liɛ'n yɛlɛ Asitib. Asitib yoli Nyanmiɛn nyrun jranfuɛ kpɛnngbɛn.

Neemi 2:1

Kɛ Artaksɛrksɛs trannin bia'n su'n i afuɛ ablaɔn'n su'n, Nizan anglo nun'n, n fali nzan'n b'ɔ o famiɛn'n i nyrun lɛ'n nan m'an fa su i. Kɛ ɔ ´yo sɔ'n, wuun min nyrun'n ti mlanwa, yɛ min nyrun mlanlɛ klikli bɔ m ´mlan'n yɛ ɔ o lɛ-ɔ.

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.