Ɛsdras 6:8 - NYANMIƐN NDƐ'N 1998

⁸ Nga n usa kɛ amun yo be man Zuif'm be kpɛnngbɛn mun nan b'a kwla kplan sua sɔ'n, yɛlɛ kɛ Efrat sin lɔ lapo nga be tua blɛ min'n, i nun yɛ amun `fa ng'ɔ fata'n fa man be-ɔ. Nán junman'n jran.

Ɛsdras 6:8 ပူးပေါင်းရင်းမြစ်များ

Ɛsdras 4:16

Nan i ti'n, nannan, man e kan kle wɔ, klɔ nga, sɛ be kplɛn i uflɛ'n, sɛ be kplɛn i wun talɛ'n, a su nyan-man lika nzue'n sin wa kun.»

Ɛsdras 4:23

Kɛ be kannin famiɛn Artaksɛrksɛs i fluwa nun ndɛ mun kleli Rɛɔm nin Simsai b'ɔ ti i fluwa klɛfuɛ'n, ɔ nin be nga be nin be di junman kunngba mun cɛ'n, be ɔli Zerizalɛm ndɛndɛ. Be ko toli Zuif mun, be fa utre wlali be sin, be miannin be fii kpa, nan b'a jran junman'n.

Ɛsdras 5:5

Zuif kpɛnngbɛn sɔ'm be Nyanmiɛn'n i wla ɔ'a fi-man be. Ɔ man blɛ bɔ be ko bo su kleli Dariis lele nan ɔ'a tɛ be su'n, b'a se-man be kɛ be jran junman'n.

Ɛsdras 6:14

Zuif kpɛnngbɛn'm be kplannin sua'n ɔ wieli weiin. Nyanmiɛn nuan ijɔfuɛ Aze, ɔ nin Ido i wa Zakari be ndɛ nga Nyanmiɛn fa wlali be nuan'n, ɔ wlali be fanngan. Be wieli sua'n kplan kɛ Izraɛl Nyanmiɛn'n kannin'n sa. Be fali Siris nin Dariis, nin Artaksɛrksɛs bɔ be ti Pɛrs famiɛn'n bé nuan ndɛ'n su.

Ɛsdras 6:4

Man be sɛ yɛbuɛ yɛ be fa kplan-an. Sɛ be sie yɛbuɛ nyanman nsan'n, be `kplan waka nyanman kun sɔ trilili. Famiɛn'n i sika yɛ be fa kplan-an!

Ɛsdras 6:7

Amun `yaci be nun man be kplan Nyanmiɛn sua sɔ'n. Man Zuif'm be nvle'n i siefuɛ mun, ɔ nin be kpɛnngbɛn mun be kplan sua sɔ'n i kplanwlɛ laa'n nun.

Ɛsdras 6:9

Yɛ like ng'ɔ fata kɛ be fa yi tɛ man nglo lɔ Nyanmiɛn'n, man i nyrun jranfuɛ'm be klekle amun. Sɛ nannin nga ɔ'a kpɛ cro o, sɛ bua nene annzɛ bua nga ɔ'a kpɛ cro bɔ be fa yi tɛ nga be yrɛ i nnɛn'n kɔlikɔli'n nin o, sɛ ble o, sɛ njin o, sɛ nzan annzɛ ngo o, amun `fa man Nyanmiɛn nyrun jranfuɛ mun cɛn kwlakwla, nán cɛn kun sa tu nun.

Ɛsdras 7:14

afin min bɔbɔ min famiɛn'n, e nin min afɔtuɛ manfuɛ nso'n, y'a man wɔ atin kɛ a ko nian Zerizalɛm nin Zida lɔ nian sɛ be fa ɔ Nyanmiɛn'n i mmla ng'ɔ o ɔ́ sa nun'n su o.

Neemi 11:23

afin famiɛn'n kpɛli jue tofuɛ'm bé wun mmla. Be siesieli kɛ be `tannin be kalɛ cɛn'n kwlakwla.

Neemi 2:8

Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Ndɛ Nga Nyanmiɛn I Nuan Ijɔfuɛ Aze Kannin'n 2:8

Nanwlɛ, jɛtɛ ufue nin sika ɔkwlɛ nga be o mɛn wunmuan'n nun'n be ti m bɔbɔ n liɛ.