Ɛsdras 6:4 - NYANMIƐN NDƐ'N 1998

⁴ Man be sɛ yɛbuɛ yɛ be fa kplan-an. Sɛ be sie yɛbuɛ nyanman nsan'n, be `kplan waka nyanman kun sɔ trilili. Famiɛn'n i sika yɛ be fa kplan-an!

Ɛsdras 6:4 ပူးပေါင်းရင်းမြစ်များ

1 Famiɛn Mun 6:36

I sin ɔ sisili awlo klun'n i wun. Ɔ fali yɛbuɛ nga be sɛli'n i wie yɛ ɔ fa sili talɛ nin-ɔn. Ɔ sili talɛ sɔ nsan mantan su. I nnan su'n ti sɛdri waka.

Ɛsdras 3:7

Be fali sika mannin yɛbuɛ sɛfuɛ nin sua su bofuɛ mun. Be mannin Sidɔnfuɛ nin Tirfuɛ mun be ninnge diwa, nin nzan, ɔ nin ngo. Be waan be sua sɛdri waka jenvie nyin su Liban lɔ be ko guɛ i Zafo man be. Siris b'ɔ ti Pɛrs famiɛn'n yɛ ɔ mannin be atin kɛ be yo i sɔ-ɔ.

Ɛsdras 5:8

E ɔli Zida nvle'n nun, kan Nyanmiɛn Kpli'n i sua'n wo lɔ'n. Be su kplan. Be sɛ yɛbuɛ yɛ be fa kplan-an. Be fa waka be wlɛwlɛ i talɛ'n nun. Be su nian nun di junman sɔ'n kpa. Ɔ kɔ i nyrun ndɛndɛ.

Ɛsdras 6:8

Nga n usa kɛ amun yo be man Zuif'm be kpɛnngbɛn mun nan b'a kwla kplan sua sɔ'n, yɛlɛ kɛ Efrat sin lɔ lapo nga be tua blɛ min'n, i nun yɛ amun `fa ng'ɔ fata'n fa man be-ɔ. Nán junman'n jran.

Jue Mun 68:29

Min Nyanmiɛn, yi ɔ kwlalɛ bɔ a kwla'n i nglo kle ye. Ɔ kwlalɛ bɔ a kwla'n ti a yoli wie mannin ye o!

Jue Mun 72:10

Tarsis nin asiɛ bɔ nzue sin yia be'n, bɔ be o mmua-mmua lɔ'n be famiɛn'm be wa mɛn i like. Saba nin Seba famiɛn'm be ´fa be ninnge liɛ'm be ´blɛ i.

Ezai 49:23

Famiɛn'm be wa kaci amún si, yɛ bé yi'm be wa ta amun. Be ´koto yɛ be ´utu bé nyin ase amún bo, be ´tafitafi amun ja wun ndutre'n, yɛ amun wa wun i wlɛ jrɛiin kɛ min yɛ n ti Anannganman nin-ɔn. I liɛ'n, be nga be ´fa bé wla gua min su'n, nyannzuɛn su kun-man be.

Sa nglô yile 12:16

Sanngɛ asiɛ'n deli bla'n, yɛ ɔ trɛ i nuan nun nɔnnin nzue'n bɔ dragɔn'n man ɔ fin i nuan nun sonji'n.