Ɛsdras 6:12 - NYANMIƐN NDƐ'N 1998

¹² Famiɛn kwlaa, ɔ nin nvle kwlaa ng'ɔ fa-man ndɛ nga su, b'ɔ jaso kɛ ɔ ´bu Zerizalɛm Nyanmiɛn sua'n, man Nyanmiɛn bɔ Zerizalɛm lɔ yɛ i waan ɔ yi i wun nglo weiin'n, ɔ yi i sɔ famiɛn'n i ase, annzɛ ɔ saci i sɔ nvle liɛ'n. M bɔbɔ min Dariis yɛ m man mmla nga-a. Man be nian su sɛsɛsɛ be yo.»

Ɛsdras 6:12 ပူးပေါင်းရင်းမြစ်များ

1 Famiɛn Mun 9:3

Anannganman seli i kɛ: «Aunnvuɛ srɛlɛ nga a srɛli'n, n tili. Sua bɔ a kplannin'n, m'an sie i ngunmin. N ´tran nun tititi. Mín nyin ´ta su yɛ n ´yo amun ye tititi.

2 Be Nyoliɛ 7:16

Kɛ ɔ fin ndɛ'n, m'an fa sua nga, ɔ ti min liɛ, min dunman'n ɔ ´tran su titi. Min nyin su tu-man su le, yɛ ɔ ´yo min anwlɛn su like tititi.

Ɛsdras 6:13

Tatnai b'ɔ ti nzue'n sin lɔ nvle'n i siefuɛ'n, nin Setar-Bɔznai, ɔ nin be nga be nin be di junman kunngba'n, be niannin famiɛn Dariis i ndɛ'n su seiin be yoli.

Ɛsdras 6:14

Zuif kpɛnngbɛn'm be kplannin sua'n ɔ wieli weiin. Nyanmiɛn nuan ijɔfuɛ Aze, ɔ nin Ido i wa Zakari be ndɛ nga Nyanmiɛn fa wlali be nuan'n, ɔ wlali be fanngan. Be wieli sua'n kplan kɛ Izraɛl Nyanmiɛn'n kannin'n sa. Be fali Siris nin Dariis, nin Artaksɛrksɛs bɔ be ti Pɛrs famiɛn'n bé nuan ndɛ'n su.

Ɛsdras 7:15

Jɛtɛ ufue nin sika ɔkwlɛ nga e nin min afɔtuɛ manfuɛ mun e klun klo e mannin Izraɛl Nyanmiɛn bɔ i sua'n wo Zerizalɛm'n, kɛ a ´kɔ'n, fa kɔ!

Ɛsdras 7:17

Fɛ i sɔ sika liɛ'n to nannin tola mun, nin bua nene mun, nin bua nga b'a kpɛ cro'n, nin be su cɛlɛ, ɔ nin be su nzan nga be guɛ i ase'n! Fɛ i kwlakwla sɔ'n yi tɛ amun Nyanmiɛn'n i sɔwlɛ ng'ɔ o Zerizalɛm lɛ'n su.

Ɛsdras 7:26

Sran kwlaa nga ɔ'a fa-man ɔ Nyanmiɛn i mmla'n su sɛsɛ annzɛ min mmla'n su sɛsɛ'n, man be tu i fɔ. Sɛ ɔ ti kunlɛ-ɔ, man be kun i. Sɛ ɔ ti i mɛn'n nun fuanlɛ-ɔ, man be fuɛn i! Sɛ sika yɛ be ´de i-ɔ, man be de i. Sɛ ɔ ti bisua-a, man be wlɛ i.»

Ɛstɛr 8:14

Kɛ famiɛn'n mannin atin cɛ'n, sran ng'ɔ sunmannin be'n be fuli awa i nnɛn kpanngɔ bɔ be wanndi kpa'n be su, be ɔli ndɛndɛ. Be kanngannin fluwa'n be kleli be nga be tran Siz b'ɔ ti famiɛn klɔ'n su lɛ mun'n kusu.

Jue Mun 5:10

Bé nuan nun ndɛ'n, be lafi su-ɔ, ɔ yo-man ye. Akunndan kunngba bɔ be bu'n, yɛlɛ sran'm be sa yolɛ. Be fa bé nuan be laka sran mun. Be nuan nun ndɛ'n ti kɛ duwlɛ sa .

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.

Ezai 60:12

Yɛ nvle nin famiɛn diwlɛ bɔ be nunfuɛ'm be waan bé su-man wɔ'n, be ´saci sekeseke kpan, be ´nunnun mlɔnmlɔnmlɔn.

Abdias 1:10

«Kɛ bɔ yɛ amun fɛnnin amun niaan Zakɔb i anunman'm bé bo ninnge'n, bɔ amun yoli be tɛtɛ'n, i ti amun kusu nyannzuɛn ´kun amun lele san amun ´wie nunnun weiin.

Sa nga bé yôli'n 9:5

Yɛ ɔ usɛli i kɛ: «?Nannan, be flɛ wɔ sɛ?» Yɛ ɔ seli kɛ: «Min Jésus-ɔ, min yɛ a kle min yalɛ nin-ɔn.

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 16:2

Delɛ-cɛn dilɛ nun'n, amun `wɔ lika nga Anannganman kle kɛ lɛ yɛ ɔ ´tran'n i nun lɔ, amun `kun bua nin boli, ɔ nin nannin be fa man Anannganman amun Nyanmiɛn'n.