Ɛsdras 5:3 - NYANMIƐN NDƐ'N 1998

³ Blɛ kunngba sɔ nun'n, Tatnai b'ɔ ti nzue i bue kun lɔ nvle siefuɛ'n, nin Setar-Bɔznai, nin be nga be nin be di junman kunngba'n, be wa toli be, be usali be kɛ: «?Wan yɛ ɔ mannin amun atin kɛ amun kplan sua nga-a?»

Ɛsdras 5:3 ပူးပေါင်းရင်းမြစ်များ

Ɛsdras 1:3

Amun nun sran kwlaa nga be ti Nyanmiɛn i nvle nunfuɛ'n, man Nyanmiɛn `jran be sɔfuɛ'm be sin nan be wɔ Zerizalɛm, Zida mɛn'n nun lɔ, be ko kplan Anannganman b'ɔ ti Izraɛl Nyanmiɛn'n, bɔ be su i Zerizalɛm lɔ'n, i sua'n.

Ɛsdras 4:12

E waan e ´se wɔ kɛ Zuif nga be fin ɔ wun lɔ toli ye wa'n, be su kplan Zerizalɛm b'ɔ ti nyin kekle nin sa tɛ yolɛ klɔ'n. Klɔ'n i bo ase bɔ be wlali b'ɔ sacili'n b'a yo i uflɛ, be su kplɛn i talɛ ng'ɔ si i wun'n.

Ɛsdras 4:9

«Min Rɛɔm bɔ n ti nvle siefuɛ'n, min nin Simsai b'ɔ ti min fluwa klɛfuɛ'n, e nin be nga e nin be di junman kunngba'n, bɔ be o Dɛn annzɛ Afarsatak, Tarpɛl, Afaras, Erɛk, Babilɔni, Siz, Dea, ɔ nin Elam, e yɛ e klɛ fluwa nga-a.

Ɛsdras 5:6

Fluwa nga Tatnai b'ɔ ti nzue'n sin lɔ nvle'n i siefuɛ'n, nin Setar-Bɔznai, ɔ nin be nga be o Afarsak bɔ be nin be di junman kunngba'n, bɔ be tran nzue'n i bue kun lɔ'n be fa ko mannin Dariis'n,

Ɛsdras 5:9

E usali be kpɛnngbɛn'm be kɛ: ‹?Wan yɛ ɔ mannin amun atin kɛ amun kplan sua nga-a?›

Ɛsdras 6:13

Tatnai b'ɔ ti nzue'n sin lɔ nvle'n i siefuɛ'n, nin Setar-Bɔznai, ɔ nin be nga be nin be di junman kunngba'n, be niannin famiɛn Dariis i ndɛ'n su seiin be yoli.

Ɛsdras 6:6

Ɔ man Dariis klɛ fluwa ko mannin be kɛ: «Tatnai, wɔ bɔ a ti Efrat i sin lɔ nvle'n i siefuɛ'n, a nin Setar-Bɔznai, ɔ nin Afarsakfuɛ nga amun nin be di junman'n bɔ be tran nzue'n sin lɔ'n, ndɛ sɔ'n, nán amun ndɛ su-ɔ.

Ɛsdras 7:21

M bɔbɔ min famiɛn Artaksɛrksɛs min waan sika siefuɛ nga be o Efrat sin lɔ'n be `fa like kwlaa nga Ɛsdras b'ɔ ti Nyanmiɛn nyrun jranfuɛ'n ɔ nin i mmla'n i klefuɛ'n ɔ usa'n, be `mɛn i.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Matthieu 21:23

Jésus ɔli Nyanmiɛn i sua'n nun lɔ. Kɛ ɔ ´kle like'n, Nyanmiɛn nyrun jranfuɛ dandan nin mɛn kpɛnngbɛn'm be wa usɛli i kɛ: «?Wan dunman nun yɛ a yo sa nga mun-ɔn? ?Yɛ wan yɛ ɔ tuli wɔ kɛ a yo-ɔ?»

Sa nga bé yôli'n 4:7

Kɛ be ko fa Piɛr nin Zan bali'n, be jrannin be be afiɛn lɛ nan b'a usa be kɛ: «?Ɔ yo sɛ yɛ an kwla yo sa nga-a? ?Yɛ wan dunman nun yɛ an yoli-ɔ?»