Ɛsdras 5:17 - NYANMIƐN NDƐ'N 1998

¹⁷ Ɔ man nannan, sɛ a klo'n, man be nian-nian Babilɔni lɔ fluwa nga be o kan famiɛn'n sie i ninnge kpakpa'm be lɔ'n be nun be nian, sɛ sakpa Famiɛn Siris mannin atin kɛ be kplan Zerizalɛm Nyanmiɛn sua nin o, nan kwlaa nga ɔ waan be `yo'n, famiɛn, man é su ti.»

Ɛsdras 5:17 ပူးပေါင်းရင်းမြစ်များ

Ɛsdras 4:15

Man be nian ɔ́ si'm be bia'n i wun ndɛ fluwa'n nun. Sɛ be nian fluwa sɔ nun'n, be ´wun kɛ klɔ sɔ'n ti nyin kekle klɔ kun b'ɔ kleli famiɛn nin siefuɛ'm be yalɛ kpa. I nunfuɛ'm be boli siefuɛ'm be wun jasolɛ bo-ɔ, nán andɛ sa-a. I sɔ'n ti yɛ klɔ sɔ'n nunnunnin nin-ɔn.

Ɛsdras 4:19

N yoli man be nian-niannin fluwa'm be nun. Be wunnin kɛ klɔ sɔ'n, kɛ ɔ fin lalafuɛ nun'n yɛ i sufuɛ'm be boli famiɛn'm be wun jasolɛ bo-ɔ. Nyin kekle nin famiɛn'm bé wun jasolɛ'n ɔ ti be nzuɛn tititi.

Nyanndra Mun 25:2

Sa nga ti bɔ Nyanmiɛn lɛ nyrun'n, yɛlɛ kɛ klɔ sran'n wun-mɛn i sa'm be ngba be bo. Famiɛn'm be kusu sa nga ti bɔ be nin manmanlɛ fata'n, yɛlɛ kɛ be yi bé sa nga be yo'n be nglo.