Ɛsdras 5:16 - NYANMIƐN NDƐ'N 1998

¹⁶ Yɛ Sɛsbazar bali nan ɔ'a bo Zerizalɛm Nyanmiɛn sua'n i kplanlɛ bo. Kɛ ɔ fɛli lɛ'n yɛ e sɔli i kplanlɛ-ɔ, lele ndɛ e nian wie-mɛn i kplan.›

Ɛsdras 5:16 ပူးပေါင်းရင်းမြစ်များ

Ɛsdras 3:10

Kɛ sua kplanfuɛ'm be wlali Anannganman i sua'n i bo ase'n, be flɛli Nyanmiɛn nyrun jranfuɛ mun kɛ be wa trɛn i bo. Be ´ba'n, be tralɛ'n wla be wun, be awɛ'n wo bé sa nun. Levifuɛ nga be ti Azaf awlo'n nunfuɛ'm be kusu be jue tolɛ ninnge ng'ɔ ti kɛ ndɛ sa'n wo bé sa nun. Be wa manmannin Anannganman kɛ Famiɛn David kleli kɛ be `yo'n sa.

Ɛsdras 3:8

Kɛ be sali be sin Zerizalɛm bɔ lɛ yɛ Nyanmiɛn i sua'n wo'n, be afuɛ nnyɔn i anglo nnyɔn su'n, Sealtiɛl i wa Zorobabɛl nin Zozadak i wa Zozie, nin be niaan Nyanmiɛn nyrun jranfuɛ mun, ɔ nin Levifuɛ mun, ɔ nin be kwlaa nga be trali be lomuɛn bɔ be sali be sin'n, be boli junman'n bo. Be sieli Levifuɛ nga b'a di afuɛ ablaɔn annzɛ afuɛ ablaɔn ɔ'a tra'n kɛ be nian Anannganman i sua kplanlɛ junman'n su.

Ɛsdras 5:14

Yɛ Nyanmiɛn i sua b'ɔ o Zerizalɛm lɔ'n i nun sika ɔkwlɛ nin jɛtɛ ufue ninnge nga Nɛbikadnɛzar yili ko sieli Babilɔni amuɛn sua nun'n, Famiɛn Siris yili be Babilɔni amuɛn sua sɔ'n nun lɔ. Ɔ fali be wlali bian wie bɔ be flɛ i Sɛsbazar'n i sa nun. Ɔ sieli bian sɔ'n kpɛnngbɛn.

Ɛsdras 5:15

Ɔ seli i kɛ ɔ fa ninnge sɔ mun ko sie be Nyanmiɛn i sua b'ɔ o Zerizalɛm lɔ'n i nun, yɛ man be kplan Nyanmiɛn sua sɔ'n i kplanwlɛ laa'n nun.

Ɛsdras 5:2

Yɛ Sealtiɛl i wa Zorobabɛl, ɔ nin Zozadak i wa Zozie, bé bo yoli kun nan b'a man Nyanmiɛn i sua'n b'ɔ o Zerizalɛm'n i kplanlɛ'n su ekun. Nyanmiɛn nuan ijɔfuɛ'm be jrannin be sin yɛ be ukali be .

Ɛsdras 6:15

Sua'n wieli Adar anglo'n i le nsan'n su. Kɛ famiɛn Dariis trannin bia'n su'n i afuɛ nsiɛn'n su-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 2:18

Kɛ ɔ fin ndɛ'n, amun `sie bé nyin ase wɛtɛɛ be `nian like ng'ɔ wa ba'n. Cɛn nga be wlali mín sua nga i bo ase'n, yɛlɛ anglo ngwlan'n i cɛn ba ablaɔn-nin-nnan'n su. Man ɔ tran amun klun kpa.

Zakari 4:10

?Sua yɛ'n, kɛ be ´bo i kplanlɛ bo'n, sran wie'm b'a yi-man bé nyin saa, yɛ b'a sri-mɛn i kplanfuɛ mun? Sanngɛ cɛn nga be ´wun kɛ Zorobabɛl su kplan sua sɔ'n ´kɔ'n, be klun ´jɔ. Nan yoo, kannin nso nga a wun i lɛ'n, Anannganman'n i nyinma mun-ɔn. Ɔ fa wlan asiɛ wunmuan'n su .

Zakari 4:9

«Zorobabɛl b'ɔ wlali sua nga bo ase'n, i kunngba'n yɛ ɔ ´wie i kplan-an.» Kɛ ɔ ko yo sɔ'n, amun wa wun i wlɛ sakpa-sakpa kɛ Anannganman b'ɔ sie mɛn'n wunmuan'n yɛ ɔ sunmannin min-ɔn.

Jean 2:20

Zuif'm be seli kɛ: «Kɛ be sɔli i kplanlɛ su'n, i afuɛ ablanan-nin-nsiɛn yɛ. ?Yɛ ɔ liɛ su a ´fa le nsan kplan-an?»