Ɛsdras 5:14 - NYANMIƐN NDƐ'N 1998

¹⁴ Yɛ Nyanmiɛn i sua b'ɔ o Zerizalɛm lɔ'n i nun sika ɔkwlɛ nin jɛtɛ ufue ninnge nga Nɛbikadnɛzar yili ko sieli Babilɔni amuɛn sua nun'n, Famiɛn Siris yili be Babilɔni amuɛn sua sɔ'n nun lɔ. Ɔ fali be wlali bian wie bɔ be flɛ i Sɛsbazar'n i sa nun. Ɔ sieli bian sɔ'n kpɛnngbɛn.

Ɛsdras 5:14 ပူးပေါင်းရင်းမြစ်များ

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

2 Be Nyoliɛ 36:7

Ɔ fali Anannganman i sua'n nun ninnge wafa-wafa wie mun ɔli Babilɔni. Ɔ ko fa be sieli i famiɛn sua'n nun.

Ɛsdras 5:15

Ɔ seli i kɛ ɔ fa ninnge sɔ mun ko sie be Nyanmiɛn i sua b'ɔ o Zerizalɛm lɔ'n i nun, yɛ man be kplan Nyanmiɛn sua sɔ'n i kplanwlɛ laa'n nun.

Ɛsdras 5:16

Yɛ Sɛsbazar bali nan ɔ'a bo Zerizalɛm Nyanmiɛn sua'n i kplanlɛ bo. Kɛ ɔ fɛli lɛ'n yɛ e sɔli i kplanlɛ-ɔ, lele ndɛ e nian wie-mɛn i kplan.›

Ɛsdras 6:5

Zerizalɛm Nyanmiɛn i sua'n nun sika ɔkwlɛ nin jɛtɛ ufue ninnge nga Nɛbikadnɛzar fa ɔli Babilɔni'n, man be fɛ i kwlaa'n wɔ i osu Zerizalɛm Nyanmiɛn i sua'n nun lɔ.»

Ɛsdras 7:27

«N ´la Anannganman, min nannan'm be Nyanmiɛn'n i ase, afin ɔ'a su famiɛn'n bo kɛ ɔ bu i bɔbɔ i Nyanmiɛn'n i sua ng'ɔ o Zerizalɛm lɔ'n i wun akunndan kpa.

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Zeremi 52:19

Gladi difuɛ'm bé su kpɛn'n fali ninnge nga be fa tu nzuɛn'n, nin sɛ mun, nin kannin siewlɛ mun, nin klowa mun, nin klowa nga be fa kpɛntɛn-kpɛntɛn nzue'n, ɔ nin ninnge nga be fa sika ɔkwlɛ nin jɛtɛ ufue yoli'n, ɔ fali be kwlaa.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Ndɛ Nga Nyanmiɛn I Nuan Ijɔfuɛ Aze Kannin'n 1:14

Anannganman'n mannin Zorobabɛl b'ɔ sie Zida'n nin Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be wunmiɛn kɛ laa'n sa nan be kwlaa b'a bo be Nyanmiɛn'n b'ɔ sie mɛn'n wunmuan'n i sua'n i kplanlɛ bo

Ndɛ Nga Nyanmiɛn I Nuan Ijɔfuɛ Aze Kannin'n 2:2

I waan: «Se Sealtiɛl wa Zorobabɛl b'ɔ sie Zida'n, nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n, ɔ nin Izraɛlfuɛ nga'm be kwlaa kɛ:

Ndɛ Nga Nyanmiɛn I Nuan Ijɔfuɛ Aze Kannin'n 2:21

«Kan kle Zorobabɛl b'ɔ sie Zida'n kɛ: ‹N ´keje nyanmiɛn ng'ɔ la nglo lɔ plaii nin asiɛ'n .

Sa nga bé yôli'n 13:12

Kɛ Sɛrzis Polis wunnin sa sɔ'n, e Min'n i ndɛ'n bɔ be kle'n ɔ boli i nuan kpa nan ɔ'a lafi su.