Ɛsdras 5:12 - NYANMIƐN NDƐ'N 1998

¹² kpɛkuun e nannan'm be klɔklɔli nglo lɔ Nyanmiɛn'n, nan ɔ'a yi i sa be su, nan ɔ'a fa be ɔ'a wla Nɛbikadnɛzar b'ɔ ti Babilɔni famiɛn'n i sa nun. Nɛbikadnɛzar ɔ ti Kaldefuɛ. Famiɛn sɔ'n buli sua sɔ'n, ɔ trali sran mun lomuɛn ɔli Babilɔni, ɔ fali be yoli i kanga,

Ɛsdras 5:12 ပူးပေါင်းရင်းမြစ်များ

2 Famiɛn Mun 24:2

Yɛ Anannganman man Babilɔni sonja akpasua wie mun, nin Siri sonja akpasua wie mun, ɔ nin Amɔn sonja akpasua wie'm be fali alɛ wlali Zozakim nin Zidafuɛ'm be sin. Be sacili Zida mɛn'n kɛ Anannganman fa wlɛli i sufuɛ bɔ be ti i nuan ijɔfuɛ'm be nuan bɔ be kannin'n sa.

2 Famiɛn Mun 25:1

Ɔ man Nɛbikadnɛzar nin i sonja'm be kwlakwla be bali kɛ be nin Zerizalɛmfuɛ be ´kun. Kɛ ɔ ´yo sɔ'n, wuun Sedesias yoli famiɛn ɔ'a di afuɛ ngwlan. Afuɛ ngwlan su'n i anglo blu'n su yɛ be bali-ɔ, wuun anglo'n ɔ'a di le blu. Be takali be nanmue'n klɔ'n sin. Lika gbagblagba nga be ko jran su ko kun alɛ'n, be kplɛnnin i sɔ kpanngban bo sin yiali klɔ'n.

2 Be Nyoliɛ 36:20

Be nga tokofi'n ɔ'a nyan-man be bɔ b'a kun-man be'n, Nɛbikadnɛzar trali be ɔli Babilɔni. Ɔ ko fali be yoli i kanga. I sin'n, be yoli i osu'n nunfuɛ'm be kanga lele Pɛrsfuɛ'm be wa fali lika'n.

Jue Mun 106:40

Anannganman kusu wa fali ya dan kpa i nvlefuɛ sɔ'm bé wun. I sran sɔ'm bɔ be ti kɛ i anyanbeun like sa'n, bé wun wa yoli i tɛ.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 5:29

?Sran kɛ nga sa'n, nán fɔ cɛ yɛ n ´tu be-ɔ? ?Nvle kɛ nga sa'n, klunngbɔ ng'ɔ o min klun'n, nɛ́n i tulɛ cɛ yɛ n ´tu i be su-ɔ?

Zeremi 51:59

Sedesias b'ɔ ti Zida famiɛn'n, kɛ be sieli i famiɛn'n, i afuɛ nnan'n su'n b'ɔ ´kɔ Babilɔni'n, ɔ nin Maazeza i wa bɔ be flɛ i Sɛraza b'ɔ Neriza i anunman'n yɛ be ɔli-ɔ. Sɛraza ti i awlo lɔ sonja su kpɛn. Kɛ be ´kɔ'n, Zeremi mannin Sɛraza i ngaliɛ.

Zeremi 52:12

Nɛbizaradan ti gladi difuɛ'm be su kpɛn, i kunngba'n ɔ ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun'n su yɛ ɔ bali sɔ nin-ɔn, wuun anglo'n ɔ'a di le blu.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Mmla'n 31:17

Kɛ be ko yo sɔ'n, n wa fa ya bé wun, n ´yi be ase, n ´kaci mín sin n ´si be. Nvle kun nga'm be ´nunnun be. Sa yalɛ sunman kpa nin nyrɛnnɛn sa'm be wa tɔ bé su. Kpɛkuun be wa wun i wlɛ kɛ Nyanmiɛn b'ɔ nun-man be afiɛn'n i ti yɛ sa sɔ'm be tɔ bé su nin-ɔn.

Mmla'n 32:30

?Sran kunngba cenje kwla fuan sran akpi? ?Sran nnyɔn cɛ be kwla fuan sran akpi blu? N ´tɛ su kɛ: Ɛɛn! Sɛ min Anannganman bɔ n ti kɛ yɛbuɛ sa bɔ be talo min'n, sɛ n fa be n wla be kpɔfuɛ'm be sa nun'n, be kwla yo be sɔ.

Jɔlɛ Difuɛ Mun 2:14

Yɛ Anannganman ɔ wa fali ya dan kpa Izraɛlfuɛ'm bé wun nan ɔ'a man ninnge fɛnfuɛ'm be atin kɛ be `fɛn bé bo ninnge mun. Ɔ yoli man b'a kwla jran-man be kpɔfuɛ nga be mantan be lɛ'n be nyrun kun.

Jɔlɛ Difuɛ Mun 4:2

Yɛ Anannganman fali be wlɛli i Zabɛn b'ɔ ti Kanaan famiɛn ng'ɔ tran Azɔr'n i sa nun-ɔn. Zabɛn i alɛ kunfuɛ'm be kpɛnngbɛn yɛlɛ Sizɛra. Ɔ trɛn i liɛ Arɔsɛt-Gɔim.

Jɔlɛ Difuɛ Mun 6:1

Izraɛlfuɛ'm be yoli like nga Anannganman klo-mɛn i ekun, nan Anannganman ɔ'a fa be a wlɛ i Madianfuɛ'm bé sa nun afuɛ nso.