Ɛsdras 5:11 - NYANMIƐN NDƐ'N 1998

¹¹ Be tɛli e su kɛ: ‹E ti Nyanmiɛn b'ɔ yili nglo nin asiɛ'n i sufuɛ. Nyanmiɛn i sua nga e ´kplɛn i yɛ'n, Izraɛl famiɛn dan kun yɛ ɔ dun mmua kplannin-ɔn. Ɔ wieli i kplan ɔ'a cɛ kpa,

Ɛsdras 5:11 ပူးပေါင်းရင်းမြစ်များ

Bo Bolɛ 24:3

nan fa Anannganman b'ɔ ti nglo nin asiɛ'n be Nyanmiɛn'n i dunman ta min nda kɛ a su ja-man Kanaanfuɛ nga e nin be tran wa yɛ'n bé sa nun bla a su man-man mín wa'n.

1 Famiɛn Mun 6:38

Yɛ kɛ Salomɔn yoli famiɛn sɔ'n i afuɛ blu-nin-kun su yɛ be wieli i kplan-an. Anglo nga be flɛ i Bil b'ɔ ti anglo'n i mɔcuɛ su'n i nun yɛ be wieli i kplan-an. Be niannin sua'n i jajalɛ nga be jajali'n i kwlaa su yɛ be kplannin-ɔn. Sua'n i kplanlɛ'n dili afuɛ nso.

1 Famiɛn Mun 9:10

Salomɔn fali afuɛ ablaɔn yɛ ɔ fa kplannin Anannganman i sua'n nin i bɔbɔ i famiɛn sua nin-ɔn.

Ɛsdras 5:10

E usali be dunman. E waan e ´klɛ be blɛ wɔ nan a si be nga be dun be nyrun mmua'n.

Jue Mun 119:46

Afin sa nga a sie be'n, n ´kan be famiɛn'm be nyrun, n su sa-man nun nyan.

Jue Mun 136:26

An `la nglo lɔ Nyanmiɛn'n i ase, afin i klun-ufue'n wo lɛ tititi.

Daniɛl 3:26

I sin'n, Nɛbikadnɛzar ko jrannin fur nga be trɔli sin'n i nun'n i anuan'n nun, kpɛkuun ɔ flɛli be, i waan: «Sadrak, Mesak, Abɛd-Nego, Nyanmiɛn b'ɔ o nglo-nglo'n i sufuɛ mun, amun `fite amun `bla.» Yɛ be nsan'n be fin sin'n nun lɔ fiteli-ɔ.

Zonas 1:9

Zonas tɛli be su kɛ: «N ti Ebre, n su Anannganman b'ɔ ti nglo lɔ Nyanmiɛn'n. I yɛ ɔ boli jenvie'n nin asiɛ nin-ɔn.»

Matthieu 10:32

«I sɔ'n ti, sran ng'ɔ bo n dunman sran'm be nyrun'n, n kusu m ´bo i dunman n Si b'ɔ o nyanmiɛn su lɔ'n i nyrun,

JÉSUS-CHRIST I DYASIN FE'N BO LUC KLELI'N 12:8

«Nanwlɛ, sran ng'ɔ bo n dunman sran'm be nyrun'n, m bɔ n kacili Sran'n kusu m ´bo i dunman Nyanmiɛn i anz'm be nyrun.

Sa nga bé yôli'n 27:23

Nyanmiɛn bɔ n ti i liɛ bɔ n su i'n, i anz kun bali min wun ndɛ kɔnguɛ yɛ ɔ seli min kɛ:

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 6:16

?An si-man kɛ sɛ an fa amún wun man sran kun bɔ an kaci i sran'n bɔ amún nyin yi i'n, wuun an ti i kanga? Ɔ man an kwla fa amún wun man sa tɛ yolɛ bɔ i agualiɛ yɛlɛ wie'n annzɛ anyinyiɛ bɔ amun fa man Nyanmiɛn bɔ i agualiɛ yɛlɛ sran i sran kpa kacilɛ'n.

Galasifuɛ Mun 6:14

N liɛ'n, n su fa-man like fi di-man min nuan mlɔnmlɔn san e Min Jésus-Krist i waka'n, i waka sɔ'n ti n ti kɛ sran bɔ ɔ'a wu b'ɔ nin mɛn'n ɔ'a bu'n sa, yɛ mɛn'n kusu ti kɛ sran bɔ ɔ'a wu b'ɔ nin min a bu'n sa.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»