Ɛsdras 4:8 - NYANMIƐN NDƐ'N 1998

⁸ Rɛɔm b'ɔ ti nvle siefuɛ'n, ɔ nin Simsai b'ɔ ti fluwa klɛfuɛ'n, be klɛli Zerizalɛmfuɛ'm be wun fluwa ng'ɔ o yɛ'n ko mannin famiɛn Artaksɛrksɛs. Be klɛli i kɛ:

Ɛsdras 4:8 ပူးပေါင်းရင်းမြစ်များ

2 Samiɛl 20:25

Sɛza ti fluwa klɛfuɛ, Zadɔk nin Abiatar be ti Nyanmiɛn nyrun jranfuɛ.

2 Samiɛl 8:17

Asitib i wa Zadɔk, ɔ nin Abiatar i wa Asimelɛk be ti Nyanmiɛn nyrun jranfuɛ. Sɛraza ti fluwa klɛfuɛ.

2 Famiɛn Mun 18:18

Be waan be ´kan ndɛ kle famiɛn'n. Ilkiza i wa Eliakim b'ɔ ti famiɛn'n i awlo'n i su kpɛn'n, ɔ nin Sɛbna b'ɔ ti famiɛn'n i fluwa klɛfuɛ'n, ɔ nin Azaf i wa Zɔas b'ɔ ti famiɛn'n i nuan ijɔfuɛ'n be ɔli be ko toli be kan be jrannin lɔ'n.

Ɛsdras 4:17

Famiɛn'n klɛli fluwa ko mannin Rɛɔm b'ɔ ti nvle siefuɛ'n, ɔ nin Simsai b'ɔ ti i fluwa klɛfuɛ'n ɔ nin be nga be nin be di junman kunngba'n, bɔ be o Samari annzɛ nzue'n i bue kun lɔ'n. Ɔ seli be kɛ: «N ´yo amun like.

Ɛsdras 4:7

Yɛ Artaksɛrksɛs b'ɔ ti Pɛrs famiɛn'n i blɛ su'n, Bislam, Mitrɛdat, Tabeɛl, ɔ nin be nga be nin be di junman'n, be klɛli fluwa ko mɛnnin i. Fluwa sɔ'n be fali Aramfuɛ'm be aniɛn'n i fluwa mma nga be fa klɛ'n yɛ be klɛli-ɔ. Be klɛli i Aramfuɛ'm be aniɛn'n nun.

Ɛsdras 4:9

«Min Rɛɔm bɔ n ti nvle siefuɛ'n, min nin Simsai b'ɔ ti min fluwa klɛfuɛ'n, e nin be nga e nin be di junman kunngba'n, bɔ be o Dɛn annzɛ Afarsatak, Tarpɛl, Afaras, Erɛk, Babilɔni, Siz, Dea, ɔ nin Elam, e yɛ e klɛ fluwa nga-a.