Ɛsdras 4:4 - NYANMIƐN NDƐ'N 1998

⁴ Kɛ ɔ fin lɛ'n, sran sɔ'm bɔ be tran Izraɛl mɛn'n nun lɛ'n, be yoli nga be ko yo nan b'a bubu Zidafuɛ'm bé sa sin'n. Be wlan-wlannin be.

Ɛsdras 4:4 ပူးပေါင်းရင်းမြစ်များ

2 Samiɛl 4:1

Kɛ Sail i wa'n tili i kɛ Abnɛr wuli Ebrɔn lɔ'n, i sa sin bubuli i. Srɛ kunnin Izraɛlfuɛ'm be kwlaa dan kpa.

Ɛsdras 3:3

Srɛ kunnin be, be nga be fali be mɛn'n be trannin nun'n be ti, sanngɛ ɔ nin sɔ ngba'n, be kplannin Nyanmiɛn i sɔwlɛ'n, be kplɛnnin i i takawlɛ laa'n nun. Be yili tɛ nga be yrɛ i nnɛn'n kɔlikɔli'n be mannin Anannganman. Be yoli i sɔ nglɛmun kwlaa nin nnɔsua kwlaa.

Ɛsdras 4:5

Kɛ ɔ fɛ i Siris b'ɔ ti Pɛrs famiɛn'n i blɛ su lele b'ɔ ´fa ju Dariis b'ɔ wa yoli Pɛrs famiɛn'n i blɛ su'n, be mannin famiɛn i afɔtuɛ manfuɛ'm be sika kɛ be yo nan Zidafuɛ'm be like sɔ bɔ be waan be ´yo'n, nán man ɔ yo ye .

Neemi 4:11

Be nga be kplan talɛ'n, ɔ nin be nga be wla trɔ annzɛ be sua trɔ'n be fa bé sa kun di junman, yɛ alɛ kunlɛ like o bé sa kun'n nun.

Neemi 4:2

Nan b'a gugu kɛ bé bo `yo kun nan be nin ye bɔ e ti Zerizalɛmfuɛ mun'n e `kun nan be `sanngan e nun.

Neemi 6:9

Be kwlaa sɔ'm be waan be ´wlanwlan ye. Be bu kɛ wuun é sa sin ´bubu ye nan e ´yaci junman'n dilɛ. «I ti Nyanmiɛn, wla min fanngan!»

Zeremi 38:4

Kɛ famiɛn'n i awlo lɔ sran dandan sɔ'm be tili i sɔ'n, be seli famiɛn'n kɛ: «Yasua nga, ɔ nin wulɛ yɛ ɔ fata-a. Afin ndɛ ng'ɔ kan be'n, be bubu sonja kanngan bɔ be ka'n, ɔ nin Zidafuɛ'm bé sa sin. Yasua nga kunndɛ-man kɛ nvle nga yo kpa. Sa tɛ yɛ ɔ sunnzun i nin i-ɔ.»

Daniɛl 10:13

Sanngɛ wawɛ ng'ɔ sasa Pɛrs famiɛn diwlɛ'n, ɔ buli min nyrun cɛn ba ablaɔn-nin-kun. Mikaɛl b'ɔ ti anz dan kun'n, ɔ wa ukali min. Yɛ n kali Pɛrs famiɛn'm bé wun lɛ lɔuun.

Daniɛl 10:20

Ɔ seli min kɛ: ‹?A si sa nga ti yɛ m ba ɔ sin'n? M bali kɛ n wa kan sa nga be klɛli i nanwlɛ fluwa'n nun'n n ´kle wɔ. Ng'ɔ o lɛ ekun'n, yɛlɛ kɛ min nin wawɛ ng'ɔ sasa Pɛrs mɛn'n e su ko kun. Kɛ n wa kɔ cɛ'n, wawɛ ng'ɔ sasa Grɛk mɛn'n ɔ wa ba.