Ɛsdras 4:24 - NYANMIƐN NDƐ'N 1998

²⁴ Zerizalɛm lɔ Nyanmiɛn sua'n i kplanlɛ'n jrannin. Ɔ jrannin lele juli Dariis b'ɔ ti Pɛrs famiɛn'n i sielɛ'n i afuɛ nnyɔn'n su.

Ɛsdras 4:24 ပူးပေါင်းရင်းမြစ်များ

Ɛsdras 3:8

Kɛ be sali be sin Zerizalɛm bɔ lɛ yɛ Nyanmiɛn i sua'n wo'n, be afuɛ nnyɔn i anglo nnyɔn su'n, Sealtiɛl i wa Zorobabɛl nin Zozadak i wa Zozie, nin be niaan Nyanmiɛn nyrun jranfuɛ mun, ɔ nin Levifuɛ mun, ɔ nin be kwlaa nga be trali be lomuɛn bɔ be sali be sin'n, be boli junman'n bo. Be sieli Levifuɛ nga b'a di afuɛ ablaɔn annzɛ afuɛ ablaɔn ɔ'a tra'n kɛ be nian Anannganman i sua kplanlɛ junman'n su.

Ɛsdras 4:23

Kɛ be kannin famiɛn Artaksɛrksɛs i fluwa nun ndɛ mun kleli Rɛɔm nin Simsai b'ɔ ti i fluwa klɛfuɛ'n, ɔ nin be nga be nin be di junman kunngba mun cɛ'n, be ɔli Zerizalɛm ndɛndɛ. Be ko toli Zuif mun, be fa utre wlali be sin, be miannin be fii kpa, nan b'a jran junman'n.

Ɛsdras 4:5

Kɛ ɔ fɛ i Siris b'ɔ ti Pɛrs famiɛn'n i blɛ su lele b'ɔ ´fa ju Dariis b'ɔ wa yoli Pɛrs famiɛn'n i blɛ su'n, be mannin famiɛn i afɔtuɛ manfuɛ'm be sika kɛ be yo nan Zidafuɛ'm be like sɔ bɔ be waan be ´yo'n, nán man ɔ yo ye .

Ɛsdras 5:1

Yɛ Nyanmiɛn nuan ijɔfuɛ Aze ɔ nin Ido i wa Zakari be kannin Nyanmiɛn nuan su ndɛ kleli Zuif nga be o Zerizalɛm nin Zida lɔ'n.

Ɛsdras 5:5

Zuif kpɛnngbɛn sɔ'm be Nyanmiɛn'n i wla ɔ'a fi-man be. Ɔ man blɛ bɔ be ko bo su kleli Dariis lele nan ɔ'a tɛ be su'n, b'a se-man be kɛ be jran junman'n.

Ɛsdras 6:1

Famiɛn Dariis man be nian-niannin fluwa siewlɛ sua bɔ be fa ninnge kpakpa mun gua nun'n b'ɔ o Babilɔni lɔ'n nun. Be wunnin fluwa kun Medi bue liɛ'n su lɔ klɔ nga talɛ si i wun bɔ be flɛ i Akmɛta'n su lɔ. Fluwa sɔ nun'n, be klɛli i kɛ: «Wla kpɛnlɛ like.

Ɛsdras 6:14

Zuif kpɛnngbɛn'm be kplannin sua'n ɔ wieli weiin. Nyanmiɛn nuan ijɔfuɛ Aze, ɔ nin Ido i wa Zakari be ndɛ nga Nyanmiɛn fa wlali be nuan'n, ɔ wlali be fanngan. Be wieli sua'n kplan kɛ Izraɛl Nyanmiɛn'n kannin'n sa. Be fali Siris nin Dariis, nin Artaksɛrksɛs bɔ be ti Pɛrs famiɛn'n bé nuan ndɛ'n su.

Ɛsdras 6:15

Sua'n wieli Adar anglo'n i le nsan'n su. Kɛ famiɛn Dariis trannin bia'n su'n i afuɛ nsiɛn'n su-ɔ.

Neemi 6:3

Yɛ n sunmannin sran kɛ be se be kɛ: «Junman ng'ɔ o min sa nun'n ti-man kaan, n kwla ba-man. Sɛ min waan m ´ba'n, junman'n ´jran.»

Neemi 6:9

Be kwlaa sɔ'm be waan be ´wlanwlan ye. Be bu kɛ wuun é sa sin ´bubu ye nan e ´yaci junman'n dilɛ. «I ti Nyanmiɛn, wla min fanngan!»

Zɔb I Nyrɛnnɛn Wunlɛ 20:5

sran ng'ɔ bu-man Nyanmiɛn like fi'n, i anyrunnyan'n ɔ kɔ-man mmua, i aklunjuɛ'n cɛ-man? ?Yɛ a si-man ekun kɛ sran nga i nyin yi-man Nyanmiɛn'n, i klun jɔ-man kɔ-man mmua ?

Daniɛl 11:2

Siɛn'n n wa kan nanwlɛ ndɛ'n n kle wɔ.» «Famiɛn nsan be wa kaci be wiengu Pɛrs mɛn'n su. I sin famiɛn nnan su b'ɔ wa ba'n ɔ wa nyɛn i wun kpa tra be nga be dun mmua i nyrun'n. Blɛ bɔ i anyanbeun ninnge'm be wa mɛn i wunmiɛn'n, ɔ wa yo i kwlaa ng'ɔ kwla yo'n nan ɔ nin Grɛk mɛn'n b'a kun'n.

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Ndɛ Nga Nyanmiɛn I Nuan Ijɔfuɛ Aze Kannin'n 1:15

afuɛ kunngba sɔ'n i anglo nsiɛn'n i le ablaɔn-nin-nnan su.

Ndɛ Nga Nyanmiɛn I Nuan Ijɔfuɛ Aze Kannin'n 2:15

«Kɛ ɔ fin ndɛ'n, amun `sie amún nyin ase wɛtɛɛ be `nian like ng'ɔ wa ba siɛn'n, nan sɛ amun ´fa yɛbuɛ be ´siesie be wiengu su be bo min sua'n i kplanlɛ bo-ɔ amun a bo.

Ndɛ Nga Nyanmiɛn I Nuan Ijɔfuɛ Aze Kannin'n 2:18

Kɛ ɔ fin ndɛ'n, amun `sie bé nyin ase wɛtɛɛ be `nian like ng'ɔ wa ba'n. Cɛn nga be wlali mín sua nga i bo ase'n, yɛlɛ anglo ngwlan'n i cɛn ba ablaɔn-nin-nnan'n su. Man ɔ tran amun klun kpa.

Zakari 1:1

Kɛ be sieli Dariis famiɛn'n i afuɛ nnyɔn'n i anglo mɔcuɛ'n su'n Anannganman'n kannin ndɛ kleli Zakari, Ido i wa Berekia i wa liɛ'n,

1 Tɛsalonikfuɛ Mun 2:18

I sɔ'n ti, e klo kɛ e ´ko wun amun wun. M bɔbɔ m Pɔl n jao cɛn'n kwlaa kɛ n ´kɔ, sanngɛ Satan ɔ yoli man y'a kwla ɔ-man.