Ɛsdras 4:20 - NYANMIƐN NDƐ'N 1998

²⁰ Famiɛn dandan wie'm be trannin lɔ, be sieli nzue'n i sin lɔ lika wunmuan'n, be deli lapo fanunfanun mun, yɛ be deli be nga be sin be mɛn'n nun lɛ'm be sika.

Ɛsdras 4:20 ပူးပေါင်းရင်းမြစ်များ

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

1 Famiɛn Mun 5:1

Famiɛn kanngan nga be o nzue ba bɔ be flɛ i Efrat'n ɔ nin Filistifuɛ'm be mɛn'm, be afiɛn lele ɔ fa to Ezipt mɛn'n, Salomɔn sieli be. Be kwlakwla nga be o lɛ'n be o Salomɔn bo. Be suli lapo be mɛnnin i lele yɛ ɔ fa wuli-ɔ.

1 Famiɛn Mun 5:4

Salomɔn sieli lika ng'ɔ o Efrat'n i sin lɔ'n, kɛ ɔ fɛ i Tifsak b'ɔ fa ju Gaza'n. Famiɛn nga be o afiɛn sɔ'n nun lɛ'n be o i bo. Sran fi ɔ'a jaso-mɛn i wun.

1 Be Nyoliɛ 18:13

Ɔ fali sran mun sieli Edɔm mɛn'n nun lɔ kɛ be yo lɔfuɛ'm be su kpɛn. Edɔm mɛn wunmuan'n nunfuɛ'm be kacili David i kanga. Lika kwlaa nga David sin lɛ'n, Anannganman man ɔ nyan kwlalɛ kpan.

1 Be Nyoliɛ 18:3

David kwlali Adarezɛr b'ɔ ti Zɔba famiɛn'n Amat wun lɔ. Kɛ ɔ ´yo sɔ'n, wuun Adarezɛr ɔ'a bu akunndan kɛ ɔ ´ko fa lika nga Efrat nzue ba'n sin lɔ'n.

1 Be Nyoliɛ 18:6

David fali sran mun sieli Damas lɔ kɛ be yo lɔfuɛ'm be su kpɛn. Sirifuɛ'm be yoli i kanga. Ɔ man be tua lapo'n be mɛn i. Kan kwlaa nga David ´kɔ lɛ'n, Anannganman man ɔ nyan kwlalɛ kpan.

1 Be Nyoliɛ 19:19

Kɛ famiɛn nga be su Adarezɛr'n be wunnin kɛ Izraɛlfuɛ'm b'a kwla be'n, be kwlaa be nin David be dili anuansɛ, kpɛkuun be suli i. Kɛ ɔ fin i lɛ'n, Sirifuɛ'm b'a kplin-man su kɛ be ´uka Amɔnfuɛ mun be kun.

2 Be Nyoliɛ 17:11

I kpa'n bɔbɔ, Filistifuɛ wie'm be wa cɛli Zozafat ninnge mun, yɛ be suli lapo be mɛnnin i. Yɛ Arabfuɛ wie'm be kusu be blɛli i bua nene akpi nso bua nene ya nso (7.700) nin boli kpakpuɛ akpi nso boli kpakpuɛ ya nso (7.700).

2 Be Nyoliɛ 9:14

Nga b'ɔ nyɛn i sika ɔkwlɛ atɛ yofuɛ'm be sa nun'n, ɔ nin sika ɔkwlɛ nin jɛtɛ ufue bɔ Arabfuɛ'm be famiɛn mun, nin mɛn siefuɛ'm be fa blɛ i'n, i kwlakwla ng'ɔ o lɛ'n, be ka wla-man nun.

Ɛsdras 4:13

Nannan, man e kan kle wɔ, sɛ be kplan klɔ nga uflɛ'n, sɛ be kplɛn i talɛ'n, be ko tua-man lapo fanunfanun nga be tua'n, kpɛkuun ɔ sika'n su ´kpɛ.

Ɛsdras 4:16

Nan i ti'n, nannan, man e kan kle wɔ, klɔ nga, sɛ be kplɛn i uflɛ'n, sɛ be kplɛn i wun talɛ'n, a su nyan-man lika nzue'n sin wa kun.»

Ɛsdras 4:19

N yoli man be nian-niannin fluwa'm be nun. Be wunnin kɛ klɔ sɔ'n, kɛ ɔ fin lalafuɛ nun'n yɛ i sufuɛ'm be boli famiɛn'm be wun jasolɛ bo-ɔ. Nyin kekle nin famiɛn'm bé wun jasolɛ'n ɔ ti be nzuɛn tititi.

Ɛsdras 4:21

Nan i ti'n, amun `yo man be tannin sran sɔ'm be kɛ nán be di junman sɔ'n kun. Sɛ m bɔbɔ n nian man-man atin'n, nán be kplan klɔ sɔ'n uflɛ.

Ɛsdras 7:24

I kun ekun b'ɔ nannan su'n, yɛlɛ Nyanmiɛn nyrun jranfuɛ mun, ɔ nin Levifuɛ mun, ɔ nin jue tofuɛ mun, ɔ nin anuan su nianfuɛ mun, ɔ nin Nyanmiɛn i sua nun junman difuɛ kun nga be lɛ su kpɛn mun, ɔ nin Nyanmiɛn i sua nun junman difuɛ nga'm be kwlaa be liɛ'n, nán be de be lapo fanunfanun'n wie fi.

Jue Mun 72:8

Man i yɛ ɔ sie mɛn nin-ɔn . Ɔ `sie i kɛ ɔ fɛ i asiɛ'n i bue kun su b'ɔ ´fa ju i bue kun lɔ'n su'n, yɛ kɛ ɔ fɛ i Efrat'n nuan b'ɔ ´fa ju asiɛ'n i awieliɛ lɔ'n.

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ezekiɛl 19:11

I sama'm be yoli dandan, yɛ be yoli famiɛn kpɔnman mun. I ti tra waka kun nga mun. I ti fleiin'n nin i sama kpanngban'n ti be niɛn i kpa.

Matthieu 9:9

Kɛ Jésus fin lɛ ɔli i nyrun lɔ kan'n, ɔ wunnin bian kun be flɛ i kɛ Matie, ɔ de gua bo sika, ɔ ti i junman diwlɛ lɛ. Jésus seli i kɛ: «Bla wa su n su.» Yɛ ɔ jao wa suli i su-ɔ.