Ɛsdras 4:2 - NYANMIƐN NDƐ'N 1998

² Be wa toli Zorobabɛl nin Izraɛl awlobo kpɛnngbɛn mun nan b'a se be kɛ: «E klo kɛ e nin amun e ´kplan sua'n, afin Nyanmiɛn kunngba nga amun su i'n yɛ e su i-ɔ. Kɛ ɔ fin cɛn bɔ Ezar-Adɔn b'ɔ ti Asiri famiɛn'n ɔ fali ye bali wa'n, e yi tɛ e man Nyanmiɛn .»

Ɛsdras 4:2 ပူးပေါင်းရင်းမြစ်များ

Bo Bolɛ 10:11

ɔ fɛ i mɛn sɔ'n nun lɔ ɔli Asiri, ɔ ko kplannin Niniv nin Reobɔt-Ir, ɔ nin Kalak.

2 Famiɛn Mun 17:24

Asiri famiɛn'n fali sran mun Babilɔni, nin Kita, nin Ava, nin Amat, ɔ nin Sɛfarvaim lɔ bali. Ɔ man be trannin Izraɛlfuɛ'm be osu Samari klɔ'm bé su. Samari klɔ'n nin i sasu'n kwlaa be yoli be liɛ.

2 Famiɛn Mun 17:41

Nvle sɔ'n nunfuɛ'm be kunngba'n be su Anannganman, yɛ be kunngba'n be su be amuɛn mun. Be mma mun nin be anunman'm be kusu be yoli sa kunngba nga bé si'm be yoli'n wie. Lele ndɛ be tɛ yo i sɔ.

2 Famiɛn Mun 19:37

Le kun'n, ɔ koto i amuɛn bɔ be flɛ i kɛ Nisrɔk'n i sua'n nun lɔ, kpɛkuun i wa Adramelɛk nin Sarɛzɛr be ko kunnin i nin tokofi, nan b'a wanndi b'a ɔ Ararat mɛn'n nun lɔ. I wa Ezar-Adɔn yoli famiɛn, ɔ sinnin i osu.

Ɛsdras 1:5

Zida nin Bɛnzamɛn akpasua'm be nun awlobo kpɛnngbɛn mun, nin Nyanmiɛn nyrun jranfuɛ mun, nin Levifuɛ mun, ɔ nin be kwlaa nga Anannganman Nyanmiɛn'n suli be bo kɛ be ko kplɛn i sua'n Zerizalɛm'n, be siesieli be wun.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 3:12

Nyanmiɛn nyrun jranfuɛ, nin Levifuɛ, nin awlobo kpɛnngbɛn bɔ be ti kaklaakla, bɔ be wunnin Nyanmiɛn sua laa liɛ'n, bé sunman be o lɛ, kɛ be wunnin sua'n i bo ase bɔ be su wla'n, be tikeli bé ti be sunnin kekle kpa. Kɛ ɔ ´yo sɔ'n, wuun sran sunman kpa be ´kpan be klun b'ɔ ti jɔwa'n ti.

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 73:8

Be yo sran'm be finfin. Sran'm be nyrɛnnɛn klelɛ akunndan yɛ be bu-ɔ. Be ijɔ dandan.

Ezai 37:37

Yɛ Sankerib b'ɔ ti Asiri famiɛn'n ɔ jasoli lɛ-ɔ. Ɔ sɛli i sin ɔli Niniv ko trannin lɔ. Le kun b'ɔ koto i amuɛn bɔ be flɛ i kɛ Nisrɔk'n i sua'n nun lɔ, kpɛkuun i wa Adramelɛk nin Sarɛzɛr be ko kunnin i nin tokofi, nan b'a wanndi b'a ɔ Ararat mɛn'n nun lɔ. Nan i wa Ezar-Adɔn ɔ'a yo famiɛn ɔ'a sin i osu.

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Galasifuɛ Mun 2:4

San be nga be tɔn bé wun suɛn kɛ be ti e niaan'n, be yɛ be klo kɛ ɔ yo sɔ-ɔ. Be wluli e nun blɛlɛlɛlɛ kɛ be ´kpla e nian é ti bɔ e bɔ e nin Krist-Jésus y'a kaci sran wunmuan'n bɔ y'a nyɛn'n ti, be waan be ´fa e wla kanga'n nun.

2 Timote 3:8

Sran sɔ'm be si ndɛ nanwlɛ bɔ e kan'n i akplowa kɛ Zannɛs nin Zambrɛs be nin Moiz be sili akplowa'n sa. Sran sɔ'm b'a saci, be akunndan'n ti-man kpa kun, kɛ a nian be wafa nga be fa lafi Nyanmiɛn su'n, a wun kɛ be lafi-mɛn i su kpa .