Ɛsdras 4:13 - NYANMIƐN NDƐ'N 1998

¹³ Nannan, man e kan kle wɔ, sɛ be kplan klɔ nga uflɛ'n, sɛ be kplɛn i talɛ'n, be ko tua-man lapo fanunfanun nga be tua'n, kpɛkuun ɔ sika'n su ´kpɛ.

Ɛsdras 4:13 ပူးပေါင်းရင်းမြစ်များ

Ɛsdras 4:14

E kusu, sɛ e ´di njin-ɔn , ɔ fin wɔ awlo lɔ, ɔ man e kwla tran-man lɛ sa man be yo-man ɔ finfin'n e nyrun, i ti yɛ e klɛ wɔ fluwa nga kɛ e ´kan wa jasin'n ´kle wɔ-ɔ.

Ɛsdras 4:20

Famiɛn dandan wie'm be trannin lɔ, be sieli nzue'n i sin lɔ lika wunmuan'n, be deli lapo fanunfanun mun, yɛ be deli be nga be sin be mɛn'n nun lɛ'm be sika.

Ɛsdras 7:24

I kun ekun b'ɔ nannan su'n, yɛlɛ Nyanmiɛn nyrun jranfuɛ mun, ɔ nin Levifuɛ mun, ɔ nin jue tofuɛ mun, ɔ nin anuan su nianfuɛ mun, ɔ nin Nyanmiɛn i sua nun junman difuɛ kun nga be lɛ su kpɛn mun, ɔ nin Nyanmiɛn i sua nun junman difuɛ nga'm be kwlaa be liɛ'n, nán be de be lapo fanunfanun'n wie fi.

Neemi 5:4

Yɛ be bue kun waan: «E fie nin vinyi fie'm bé su lapo nga e fa man famiɛn'n, kɛ i tanninlɛ'n ko ju'n, e usa afɛ yɛ e fa tua-a.

Jue Mun 119:69

Ato'n yɛ wun tufuɛ'm be bua be fa gua mín su-ɔ. Sanngɛ min liɛ'n, n tu n klun n fa ɔ mmla nga a sie'n bé su.

Matthieu 17:25

Yɛ ɔ seli kɛ: «Ɔ tua wie.» Kɛ Piɛr wluli awlo lɔ'n, Jésus yɛ ɔ dun mmua mannin ndɛ'n su-ɔ, ɔ usɛli i kɛ: «?Simɔn, wan'm bé sa nun yɛ asiɛ'n su famiɛn'm be de gua bo sika nin lapo nin-ɔn? ?Be bɔbɔ be nvle'n nun sran'm bé sa nun annzɛ aofuɛ'm bé sa nun-ɔn? ?A bu i sɛ?»

Matthieu 9:9

Kɛ Jésus fin lɛ ɔli i nyrun lɔ kan'n, ɔ wunnin bian kun be flɛ i kɛ Matie, ɔ de gua bo sika, ɔ ti i junman diwlɛ lɛ. Jésus seli i kɛ: «Bla wa su n su.» Yɛ ɔ jao wa suli i su-ɔ.