Ɛsdras 4:12 - NYANMIƐN NDƐ'N 1998

¹² E waan e ´se wɔ kɛ Zuif nga be fin ɔ wun lɔ toli ye wa'n, be su kplan Zerizalɛm b'ɔ ti nyin kekle nin sa tɛ yolɛ klɔ'n. Klɔ'n i bo ase bɔ be wlali b'ɔ sacili'n b'a yo i uflɛ, be su kplɛn i talɛ ng'ɔ si i wun'n.

Ɛsdras 4:12 ပူးပေါင်းရင်းမြစ်များ

2 Famiɛn Mun 18:20

?Kɛlɛ a bu i kɛ be nuan nun ndɛ kanlɛ ngbɛn'n yɛ be fa kun alɛ nin-ɔn? Be dun mmua jaja alɛ'n, kpɛkuun be tra be anwlɛn yɛ be kun-ɔn! ?Nan wan su yɛ a fa ɔ wla'n gua bɔ i ti yɛ a jaso mín wun nin-ɔn?

2 Famiɛn Mun 24:1

Zozakim blɛ su'n, Nɛbikadnɛzar b'ɔ ti Babilɔni famiɛn'n nin i sonja'm be fali Zida mɛn'n, nan Zozakim ɔ'a su i afuɛ nsan. I sin'n Zozakim jasoli famiɛn'n i wun.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Ɛsdras 4:11

Fluwa sɔ'n i nun ndɛ'n yɛ: «Nannan Artaksɛrksɛs, e bɔ e ti ɔ sufuɛ bɔ e tran Efrat nzue i wia atɔliɛ wa'n, e yɛ e klɛ fluwa nga-a.

Ɛsdras 4:15

Man be nian ɔ́ si'm be bia'n i wun ndɛ fluwa'n nun. Sɛ be nian fluwa sɔ nun'n, be ´wun kɛ klɔ sɔ'n ti nyin kekle klɔ kun b'ɔ kleli famiɛn nin siefuɛ'm be yalɛ kpa. I nunfuɛ'm be boli siefuɛ'm be wun jasolɛ bo-ɔ, nán andɛ sa-a. I sɔ'n ti yɛ klɔ sɔ'n nunnunnin nin-ɔn.

Ɛsdras 4:19

N yoli man be nian-niannin fluwa'm be nun. Be wunnin kɛ klɔ sɔ'n, kɛ ɔ fin lalafuɛ nun'n yɛ i sufuɛ'm be boli famiɛn'm be wun jasolɛ bo-ɔ. Nyin kekle nin famiɛn'm bé wun jasolɛ'n ɔ ti be nzuɛn tititi.

Ɛsdras 5:3

Blɛ kunngba sɔ nun'n, Tatnai b'ɔ ti nzue i bue kun lɔ nvle siefuɛ'n, nin Setar-Bɔznai, nin be nga be nin be di junman kunngba'n, be wa toli be, be usali be kɛ: «?Wan yɛ ɔ mannin amun atin kɛ amun kplan sua nga-a?»

Ɛsdras 5:9

E usali be kpɛnngbɛn'm be kɛ: ‹?Wan yɛ ɔ mannin amun atin kɛ amun kplan sua nga-a?›

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Neemi 6:6

Ɔ klɛli i nun kɛ: «E ti unkun-unkun sran'm be afiɛn kɛ a nin Zuif mun amun klo kɛ amun ´jaso famiɛn'n i wun i ti yɛ a kplan talɛ nin-ɔn. Be waan a klo kɛ a ´yo Zuif'm be famiɛn. E tili ndɛ kunngba'n Gesɛm i nuan nun ekun.

Ɛstɛr 3:8

Aman seli famiɛn Asieris kɛ: «Nvle kun flanflan nvle nga a sie be'n be kwlaa be nun. Nvle sɔ'n nunfuɛ'm be nzuɛn'n ti i ngunmin, be mmla'm be nin be nga'm be liɛ'n ti-man kun. Be di-man ɔ mmla'm be su. Ɔ nin i fata-man kɛ a yaci be lɛ sa ngbɛn.

Zeremi 52:3

Sa ti bɔ sa kekle'm be tɔli Zerizalɛmfuɛ mun nin Zidafuɛ'm be su'n yɛlɛ kɛ Anannganman fali ya dan kpa. Ɔ man ɔ fuannin be, siɛn'n ɔ klo-man kɛ ɔ wun be kun.

Daniɛl 3:8

I sin, ɔ'a cɛ-man bɔbɔ, Babilɔnifuɛ wie'm be ko dili Zuif'm bé bo abla kleli famiɛn'n.

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

Sa nga bé yôli'n 24:5

E wun kɛ bian nga ti-man kpa, ɔ saci Zuif'm bɔ be o mɛn wunmuan'n nun'n be afiɛn, yɛ ɔ ti Nazarɛtfuɛ'm bɔ be ti Zuif'm be akpasua kun'n i su kpɛn.

1 Tɛsalonikfuɛ Mun 5:22

an `nian amun wun sa tɛtɛ'n kwlaa be lika.