Ɛsdras 4:11 - NYANMIƐN NDƐ'N 1998

¹¹ Fluwa sɔ'n i nun ndɛ'n yɛ: «Nannan Artaksɛrksɛs, e bɔ e ti ɔ sufuɛ bɔ e tran Efrat nzue i wia atɔliɛ wa'n, e yɛ e klɛ fluwa nga-a.

Ɛsdras 4:11 ပူးပေါင်းရင်းမြစ်များ

1 Famiɛn Mun 21:8

Yɛ ɔ klɛli fluwa Akab dunman nun-ɔn. Ɔ fali Akab i nzɔliɛ'n sieli su. Ɔ fa ko mannin klɔ nga Nabɔt tran su'n i su kpɛnngbɛn mun nin i su sran lɔuun-lɔuun mun.

Ɛsdras 3:3

Srɛ kunnin be, be nga be fali be mɛn'n be trannin nun'n be ti, sanngɛ ɔ nin sɔ ngba'n, be kplannin Nyanmiɛn i sɔwlɛ'n, be kplɛnnin i i takawlɛ laa'n nun. Be yili tɛ nga be yrɛ i nnɛn'n kɔlikɔli'n be mannin Anannganman. Be yoli i sɔ nglɛmun kwlaa nin nnɔsua kwlaa.

Ɛsdras 4:10

Ɔsnapar b'ɔ ti sran dan b'ɔ lɛ nyrun'n, ɔ trali sran wie'm be lomuɛn. Ɔ fali be sieli i Samari klɔ'm be su, annzɛ Efrat nzue ba'n i sin lɔ nvle'm be nun. E nin i yɛ e klɛli fluwa sɔ nin-ɔn.»

Ɛsdras 4:12

E waan e ´se wɔ kɛ Zuif nga be fin ɔ wun lɔ toli ye wa'n, be su kplan Zerizalɛm b'ɔ ti nyin kekle nin sa tɛ yolɛ klɔ'n. Klɔ'n i bo ase bɔ be wlali b'ɔ sacili'n b'a yo i uflɛ, be su kplɛn i talɛ ng'ɔ si i wun'n.

Ɛsdras 5:6

Fluwa nga Tatnai b'ɔ ti nzue'n sin lɔ nvle'n i siefuɛ'n, nin Setar-Bɔznai, ɔ nin be nga be o Afarsak bɔ be nin be di junman kunngba'n, bɔ be tran nzue'n i bue kun lɔ'n be fa ko mannin Dariis'n,

Ɛsdras 7:11

Ɛsdras ti Nyanmiɛn nyrun jranfuɛ, i kunngba'n ti mmla klefuɛ, ɔ si mmla nga Anannganman fa mannin Izraɛlfuɛ mun'n. Fluwa nga famiɛn Artaksɛrksɛs fa mɛnnin i'n yɛ:

Jean 4:9

Zuif'm be nin Samarifuɛ mun di-man. I sɔ'n ti bla'n usɛli i kɛ: «?Ɔ yo sɛ yɛ a srɛ min nzue-ɔ ?»