Ɛsdras 4:1 - NYANMIƐN NDƐ'N 1998

¹ Zidafuɛ mun nin Bɛnzamɛnfuɛ'm be kpɔfuɛ'm be tili kɛ be nga be trali be lomuɛn bɔ be sali be sin be su kplan Anannganman b'ɔ ti Izraɛl Nyanmiɛn'n i sua'n.

Ɛsdras 4:1 ပူးပေါင်းရင်းမြစ်များ

Ɛsdras 1:11

Kɛ be kan sika ɔkwlɛ ninnge nin jɛtɛ ufue ninnge'm be kwlaa bo nun'n, be ti akpi nnun ninnge ya nnan (5.400). Kɛ Izraɛlfuɛ'm b'a yo-man kanga kun, bɔ be fin Babilɔni be ´ba Zerizalɛm'n, Sɛsbazar fɛli kwlaa bali.

Ɛsdras 10:16

Izraɛlfuɛ kun nga'm be kplinnin su. Ɛsdras b'ɔ ti Nyanmiɛn nyrun jranfuɛ'n, ɔ fali akpasua'n kwlaa nun awlobo kpɛnngbɛn wie mun, be boboli bé dunman kunngunngun. Nan be sɔfuɛ'm b'a yia anglo blu'n i cɛn klikli'n su, nan b'a siesie sran'm be ndɛ'n.

Ɛsdras 10:7

I sin be boli ndolo sinnin Zerizalɛm nin Zida mɛn'n nun kɛ be kwlaa nga be fin kanga'n nun bali'n be `yia Zerizalɛm lɔ.

Ɛsdras 3:13

Be aklunjuɛ kpanlɛ nin be sunlɛ'n, be lɛ-man ngbaciɛ, i kwlakwla sanngan nun kunngba. Nganniɛn dan b'ɔ Izraɛlfuɛ'm be yoli'n be ti i mmua lɔ.

Ɛsdras 6:16

Izraɛlfuɛ mun nin Nyanmiɛn nyrun jranfuɛ mun, nin Levifuɛ mun, ɔ nin be kwlaa nga be fin kanga'n nun bali'n, be yili Nyanmiɛn sua'n i nglo aklunjuɛ nun.

Ɛsdras 7:9

Anglo klikli'n i cɛn klikli'n su yɛ ɔ tuli i bo Babilɔni lɔ-ɔ, kpɛkuun ɔ juli Zerizalɛm anglo nnun'n i cɛn klikli'n su, afin i Nyanmiɛn'n i sa kpa'n wo i su.

Daniɛl 5:13

Yɛ be fali Daniɛl ɔli famiɛn'n i nyrun lɔ-ɔ. Famiɛn'n ɔ usɛli i kɛ: «?Wɔ yɛ a suan Daniɛl nin-ɔn? ?A ti Zuif nga mín si b'ɔ ti famiɛn'n ko fali be kɛ kanga sa Zida lɔ bali'n be nun kun?

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

1 Korɛntfuɛ Mun 16:9

afin b'a man min atin dan, ɔ man n kwla di junman kpa, sanngɛ e kpɔfuɛ'm be sɔnnin.