Ɛsdras 3:8 - NYANMIƐN NDƐ'N 1998

⁸ Kɛ be sali be sin Zerizalɛm bɔ lɛ yɛ Nyanmiɛn i sua'n wo'n, be afuɛ nnyɔn i anglo nnyɔn su'n, Sealtiɛl i wa Zorobabɛl nin Zozadak i wa Zozie, nin be niaan Nyanmiɛn nyrun jranfuɛ mun, ɔ nin Levifuɛ mun, ɔ nin be kwlaa nga be trali be lomuɛn bɔ be sali be sin'n, be boli junman'n bo. Be sieli Levifuɛ nga b'a di afuɛ ablaɔn annzɛ afuɛ ablaɔn ɔ'a tra'n kɛ be nian Anannganman i sua kplanlɛ junman'n su.

Ɛsdras 3:8 ပူးပေါင်းရင်းမြစ်များ

1 Be Nyoliɛ 23:4

David kpali be nun sran akpi-akpi ablaɔn-nin-nnan (24.000) kɛ be nian Nyanmiɛn i sua'n i kplanlɛ junman'n su. Ɔ yili be nun akpi nsiɛn (6.000) kɛ be yo kpɛnngbɛn annzɛ jɔlɛ difuɛ.

1 Be Nyoliɛ 3:17

Zekɔnias bɔ be trɛli i ɔli Babilɔni'n i mma mun yɛlɛ Sealtiɛl, nin

Ɛsdras 10:18

Nyanmiɛn nyrun jranfuɛ nga be jali nvle nun bla mun yɛ: Maazeza, Eliezɛr, Zarib, ɔ nin Gɛdalia. Be wie ti Zozadak i wa Zozie i mma mun, be wie kusu ti i niaan mun.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Ɛsdras 4:24

Zerizalɛm lɔ Nyanmiɛn sua'n i kplanlɛ'n jrannin. Ɔ jrannin lele juli Dariis b'ɔ ti Pɛrs famiɛn'n i sielɛ'n i afuɛ nnyɔn'n su.

Ɛsdras 4:3

Zorobabɛl nin Zozie nin awlobo kpɛnngbɛn kun nga'm be tɛli be su kɛ: «Kɛ e nin amun e `kplan e Nyanmiɛn i sua'n, ɔ ti-mɛn i su. E kunngba yɛ e ´kplan Anannganman b'ɔ ti Izraɛl Nyanmiɛn'n i sua nin-ɔn. Siris, b'ɔ ti Pɛrs famiɛn'n yɛ i waan e `yo i sɔ-ɔ.»

Ɛsdras 5:16

Yɛ Sɛsbazar bali nan ɔ'a bo Zerizalɛm Nyanmiɛn sua'n i kplanlɛ bo. Kɛ ɔ fɛli lɛ'n yɛ e sɔli i kplanlɛ-ɔ, lele ndɛ e nian wie-mɛn i kplan.›

Ɛsdras 5:2

Yɛ Sealtiɛl i wa Zorobabɛl, ɔ nin Zozadak i wa Zozie, bé bo yoli kun nan b'a man Nyanmiɛn i sua'n b'ɔ o Zerizalɛm'n i kplanlɛ'n su ekun. Nyanmiɛn nuan ijɔfuɛ'm be jrannin be sin yɛ be ukali be .

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Zakari 4:9

«Zorobabɛl b'ɔ wlali sua nga bo ase'n, i kunngba'n yɛ ɔ ´wie i kplan-an.» Kɛ ɔ ko yo sɔ'n, amun wa wun i wlɛ sakpa-sakpa kɛ Anannganman b'ɔ sie mɛn'n wunmuan'n yɛ ɔ sunmannin min-ɔn.

Zakari 6:12

Nan se i kɛ Anannganman b'ɔ sie mɛn wunmuan'n waan: ‹Sran kun wo wa be flɛ i anyɛn. Ɔ ´fifi kan ɔ tran lɛ'n. I yɛ ɔ wa kplan mín sua nin-ɔn.

Kalɛ 4:3

Be nga be ´klɛ be dunman sɔ'n yɛlɛ sran nga b'a di afuɛ ablasan nin afuɛ ablasan gua su'n lele b'ɔ ´fa ju afuɛ ablenun'n. Be kwlaa be kwla di junman tannin sua nga n yi min wun nglo nun'n i nun.