Ɛsdras 3:6 - NYANMIƐN NDƐ'N 1998

⁶ Anglo nso su'n i cɛn klikli'n nun yɛ be boli Anannganman i tɛ nga be yrɛ i nnɛn'n kɔlikɔli'n i yilɛ bo-ɔ. Kɛ ɔ ´yo sɔ'n, wuun be nian bo-man Anannganman i sua'n i bo ase wlalɛ'n i bo.

Ɛsdras 3:6 ပူးပေါင်းရင်းမြစ်များ

Ɛsdras 3:5

Kɛ ɔ fɛ lɛ'n, cɛn kwlaa be yi tɛ nga be yrɛ i nnɛn'n kɔlikɔli'n, ɔ nin anglo le kun tɛ mun, ɔ nin tɛ nga be yi i Anannganman i cɛn dilɛ'n be kwlaa nun'n, ɔ nin be klun klo tɛ nga be yi'n .

Ɛsdras 3:7

Be fali sika mannin yɛbuɛ sɛfuɛ nin sua su bofuɛ mun. Be mannin Sidɔnfuɛ nin Tirfuɛ mun be ninnge diwa, nin nzan, ɔ nin ngo. Be waan be sua sɛdri waka jenvie nyin su Liban lɔ be ko guɛ i Zafo man be. Siris b'ɔ ti Pɛrs famiɛn'n yɛ ɔ mannin be atin kɛ be yo i sɔ-ɔ.

Saun Yolɛ 23:24

ɔ `kan ndɛ yɛ mun kle Izraɛlfuɛ mun. I waan: «Anglo nso su'n i cɛn ba klikli'n, man be bo awɛ, kɛ awɛ'n tɛ'n, amun `yia min dunman nun nan amun `manman min.

Saun Yolɛ 23:25

Junman nga amun di i titi'n, i cɛn sɔ'n nun nán amun di, amun `yi tɛ nga be yrɛ i nnɛn'n kɔlikɔli'n be man min.»

Kalɛ 29:1

«Anglo nso su'n i cɛn ba klikli'n su'n, amun `yia, amun `su min. Nán amun di junman fi. Ɔ ti bo srolɛ cɛn.

Kalɛ 29:2

Amun `yi tɛ nga be yrɛ i nnɛn'n kɔlikɔli'n, b'ɔ bɔn min bue nun fannin'n, amun `man nannin tola nga ɔ'a kpɛ cro sɔ kun, nin bua nene kun, ɔ nin bua nga b'a kpɛ cro'n bɔ be lɛ afuɛ kun'n, i sɔ nso. Nán lɛ fi tran nnɛn sɔ'm bé wun.