Ɛsdras 3:11 - NYANMIƐN NDƐ'N 1998

¹¹ Nyanmiɛn i ayɛ yilɛ nin i manmanlɛ jue ng'ɔ o yɛ'n, be ´to'n wuun be ´sɔ su. Be se kɛ: «Anannganman ti kpa, afin i klun-ufue'n ng'ɔ yo Izraɛlfuɛ mun'n wo lɛ tititi.» Nzrafuɛ'm be kpannin kekle kpa, afin be klun ti jɔwa, be manmannin Anannganman i sua'n i bo ase bɔ be su wla'n ti.

Ɛsdras 3:11 ပူးပေါင်းရင်းမြစ်များ

1 Be Nyoliɛ 16:34

Amun `manman Anannganman'n, afin ɔ ti kpa, yɛ i klun-ufue'n wo lɛ tititi.

1 Be Nyoliɛ 16:41

Eman nin Zɛditɛn, ɔ nin be nga bɔ kɛ be ´bo flɛ Anannganman'n be mantan lɛ'n, be waan be `manman Anannganman, afin i klun-ufue'n wo lɛ tititi.

2 Be Nyoliɛ 5:13

Be kwlaa, i awɛ bofuɛ o, i jue tofuɛ o, be o likawlɛ, be sroli jue, be manmannin Anannganman, be bo flɛli i. Kɛ bɔ be ´to jue sɔ'n, wuun be ´bo ninnge nga be tɛ'n: awɛ mun, nin aaba ndɛ mun, ɔ nin like uflɛ mun. Be se kɛ: «Ɔ ti kpa, i aunnvuɛ silɛ'n wo lɛ tititi.» Kɛ ɔ yoli sɔ'n, nyanmiɛn ble'n yili Anannganman i sua'n.

2 Be Nyoliɛ 7:3

Izraɛlfuɛ'm be kwlaa be wunnin sin b'ɔ jra'n nin Anannganman nyrun nyannyan'n b'ɔ o sua'n su'n. Be kotoli yɛ be utuli be nyin ase dalasi'n su, be manmannin Anannganman. Be seli ke: «Ɔ ti kpa, i aunnvuɛ silɛ'n wo lɛ tititi.»

Neemi 12:24

Asabia nin Serebia, nin Kadmiɛl i wa Zozie bɔ be ti Levifuɛ'm be kpɛnngbɛn'n, be nin be niaan mun, be yɛ be to Nyanmiɛn i manmanlɛ nin i ayɛ yilɛ jue mun-ɔn. Be tran Levifuɛ kun nga'm be nyrun ndɛnman su. Be niannin nga David b'ɔ ti Nyanmiɛn i sran'n ɔ siesieli'n su yɛ be yoli-ɔ.

Neemi 12:40

Jue tofuɛ akpasua nnyɔn'm be jrannin Nyanmiɛn i sua'n nun. N kusu e nin jɔlɛ difuɛ nga be nin min ba'n e jrannin,

Jue Mun 100:5

Afin ɔ ti kpa. I klun-ufue'n wo lɛ tititi. Ɔ di nanwlɛ tititi.

Jue Mun 103:17

Sanngɛ Anannganman yo be bɔ bé nyin yi i'n be ye tititi, nán ndɛ sa yɛ ɔ sɔtɔ i sɔ yolɛ-ɔ. Yɛ ɔ yo sa ng'ɔ ti i nuan su'n man be mma mun nin be klun ba liɛ mun .

Jue Mun 106:1

An `manman Anannganman! An `yi i ayɛ, afin ɔ ti kpa. Afin i klun-ufue'n wo lɛ tititi.

Jue Mun 107:1

An `manman Anannganman, afin ɔ ti kpa, afin i klun-ufue'n wo lɛ tititi.

Jue Mun 118:1

An `manman Anannganman, afin ɔ ti kpa. I klun-ufue'n wo lɛ tititi.

Jue Mun 131:1

Zerizalɛm kɔlɛ'n i su jue. Jue sɔ'n ɔ ti David liɛ. I waan: Anannganman, n ti-man wun tufuɛ, n yo-man mín wun dandan, like ng'ɔ ti-man mín wun su liɛ'n, n yo-man.

Jue Mun 135:3

An `mɛnmɛn i, afin ɔ ti kpa. An `bo flɛ i, afin i klun ti ufue.

Jue Mun 47:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Be waan:

Jue Mun 47:5

Ɔ kpali e lika b'ɔ ti e aja like'n mannin ye. Lika sɔ'n, ɔ ti e bɔ e ti Zakɔb i nvle'n nunfuɛ bɔ Nyanmiɛn klo ye'n e anyrunnyan like .

Ezipt Lɔ Tulɛ'n 15:21

Mari sɔ jue'n su kɛ: «Amun `to jue be `manman Anannganman, afin kwlalɛ ng'ɔ kwlali yɛ'n, kwlalɛ sɔ'n ɔ yoli dan sakpa. Ɔ toli nnɛn kpanngɔ nin bé su fufuɛ mun yili jenvie'n nun lɔ!»

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 44:23

Nglo lɔ lika mun, amun `bo ndɛ! Afin min Anannganman m'an di junman. Asiɛ'n bo lɔ lika mun, amun `bo sro. Oka mun, amun `bo ndɛ. Bo mun, amun nin amun nun waka mun, amun kusu, amun `bo ndɛ. Afin min Anannganman m'an kpɔ Zakɔb osu'n nunfuɛ'm be ti, yɛ m'an yi Zakɔb i nyrun b'ɔ lɛ i'n i nglo Izraɛl mɛn'n nun.»

Ezai 6:3

Be kpan be se be wiengu kɛ: «Anannganman b'ɔ sie mɛn wunmuan'n, i nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. I anyrunnyan ɔ'a de asiɛ'n wunmuan'n .»

Ndɛ Nga Nyanmiɛn I Nuan Ijɔfuɛ Aze Kannin'n 2:3

‹?Laa, kɛ Anannganman i sua'n i klanman fa ti ju'n, amun nun'n, wan yɛ ɔ wunnin i bɔ i wla tɛ o su-ɔ? ?Yɛ kɛ amun wun i ndɛ'n, ɔ ti sɛ? ?Kɛ amun nian'n, i klanman'n ɔ'a kpɛ-man su yɛ ɔ o lɛ-ɔ ?

Zakari 4:7

?Oka dan, a ti nzu Zorobabɛl nyrun? Zorobabɛl ´trɛtrɛ wɔ nun kpɛtɛɛ. Ɔ nun yɛ be yi yɛbuɛ nga be fa sie i Nyanmiɛn i sua'n i ti nun lɔ nin-ɔn. Be ´yi wuun be ´kpan: Ɔ ti klanman o! Ɔ ti klanman o!› »

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

JÉSUS-CHRIST I DYASIN FE'N BO LUC KLELI'N 1:50

Kɛ ɔ fin lalafuɛ nun lele b'ɔ ´fa ju ndɛ'n, ɔ si be bɔ be sro i'n be aunnvuɛ titi.

Zozie 6:10

Zozie seli sran'm be kɛ: «Nán n ti kɛ amun wie su kpan annzɛ ɔ su ijɔ. Sɛ m bɔbɔ n se kɛ: ‹Amun `kpan'n!› Amun ko kpan.»

Zozie 6:16

I kpɛ nso'n su'n, kɛ Nyanmiɛn nyrun jranfuɛ'm be fitali awɛ nun'n, Zozie seli nzrafuɛ'm be kɛ: «Amun `kpan! Anannganman fali klɔ'n mannin amun.

Zozie 6:5

Sɛ be fita nun cuɛn i bo'n, man sran'm be kpan alɛ kpanlɛ kekle kpa! Kpɛkuun talɛ ng'ɔ sin yia klɔ'n ɔ ´bu gua. Kɛ ɔ ko bu'n, man Izraɛlfuɛ'm be wlu klɔ'n nun, sran kun `wɔ i nyrun ndɛnman su, sran kun `wɔ i nyrun ndɛnman su!»