Ɛsdras 3:1 - NYANMIƐN NDƐ'N 1998

¹ Anglo nso su'n, Izraɛlfuɛ mun bɔ be o be klɔ'm be su'n, bé nuan yoli kun yɛ be yiali Zerizalɛm lɔ.

Ɛsdras 3:1 ပူးပေါင်းရင်းမြစ်များ

Neemi 7:72

Izraɛlfuɛ kun nga'm be mannin sika ɔkwlɛ kpɔlɛ akpi-akpi ablaɔn (20.000), nin jɛtɛ ufue kilo akpi, ɔ nin Nyanmiɛn nyrun jranfuɛ'm be tralɛ ablesiɛn-nin-nso.

Neemi 7:73

Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, ɔ nin Nyanmiɛn i sua'n nun junman difuɛ bɔ be lɛ su kpɛn mun, ɔ nin Izraɛlfuɛ nga mun, be kwlaa be ko trannin klɔ nga be fin su'n be su. Kɛ anglo nso'n ´ju'n, wuun Izraɛlfuɛ'm b'a trantran be klɔ'm be su sɛsɛsɛ.

Neemi 8:1

Anglo nso'n i cɛn klikli'n su'n, be kwlaa be yiali anuan nga be flɛ i Nzue anuan'n i nyrun lɛ gbaun'n nun. Be seli Ɛsdras b'ɔ ti mmla klefuɛ'n kɛ ɔ fa mmla fluwa nga Anannganman man Moiz klɛ mannin Izraɛlfuɛ mun'n bla.

Neemi 8:14

Be wunnin i mmla sɔ'n bɔ Anannganman man Moiz klɛli'n i nun kɛ anglo nso'n i cɛn dilɛ nun'n, man Izraɛlfuɛ'm be tran kpata'm bé bo.

Saun Yolɛ 16:29

Nian, mmla kun yɛ ɔ o yɛ, amun `di su titi: afuɛ kwlaa kɛ anglo nso'n ko ju'n, i cɛn ba blu'n su'n, amun Izraɛlfuɛ mun, ɔ nin aofuɛ ng'ɔ o Izraɛl asiɛ'n su'n, amun kwlakwla, amun `ci nglɛmun, yɛ nán amun di junman fi.

Saun Yolɛ 23:24

ɔ `kan ndɛ yɛ mun kle Izraɛlfuɛ mun. I waan: «Anglo nso su'n i cɛn ba klikli'n, man be bo awɛ, kɛ awɛ'n tɛ'n, amun `yia min dunman nun nan amun `manman min.

Sofoni 3:9

«Kpɛkuun n ´kaci nvle-nvle'm be nunfuɛ'm be anwlɛn'n, ndɛ tɛ su fin-man bé nuan fite-man kun. Ɔ man be ´su min Anannganman. Be kwlaa bé bo ´yo kun be ´srɛ min.

Sa nga bé yôli'n 2:46

Yɛ cɛn kwlaa bé bo ti kun be yia Nyanmiɛn i sua'n nun. Be yo aklunye, yɛ be kɔ nga awlo be ko nga awlo be di like likawlɛ. Kɛ be ´di be aliɛ sɔ'n, be klun ti jɔwa dan kpa.

Sa nga bé yôli'n 4:32

Sran kaka nga be lafili Krist su'n, bé bo yoli kun, yɛ be akunndan'n ti kun. Be nun wie fi se-man kɛ i ninnge'm be ti i ngunmin liɛ, sanngɛ like ng'ɔ ti sran kun liɛ'n, ɔ ti be kwlaa be liɛ.

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

Mmla'n 16:16

Afuɛ nuan kwlakwla man amun nvle'n nun yasua'm be kwlakwla be wɔ Anannganman amun Nyanmiɛn'n i nyrun kpɛ nsan lika ng'ɔ kle'n nun. Be ko di cɛn nga be o yɛ mun: kpaun nga kpaun ayre nun-man nun'n i cɛn'n dilɛ'n, Pantkɔt, kpata bo tranlɛ i cɛn'n dilɛ'n. Nán amun bla Anannganman i nyrun ɔ nin amun sa ngbɛn.

Jɔlɛ Difuɛ Mun 20:1

Izraɛlfuɛ'm bɔ be o kan ɔ fɛ i Dan b'ɔ o nglo lɔ'n b'ɔ fa ju Beɛr-Seba b'ɔ o ngua lɔ'n, be kwlaa be bali. Be nga be o Galaad b'ɔ o wia afiliɛ lɔ'n be bali wie. Bé nuan yoli kun be yiali Anannganman nyrun Mizpa lɔ.