Ɛsdras 2:69 - NYANMIƐN NDƐ'N 1998

⁶⁹ Sran kun man ng'ɔ kwla man'n. Be kwlakwla be mannin sika ɔkwlɛ kpɔlɛ akpi-akpi ablesiɛn-nin-kun (61.000), ɔ nin jɛtɛ ufue kilo akpi nnyɔn kilo ya nnun (2.500). Yɛ be mannin Nyanmiɛn nyrun jranlɛ tralɛ ya.

Ɛsdras 2:69 ပူးပေါင်းရင်းမြစ်များ

1 Famiɛn Mun 7:51

Famiɛn Salomɔn wieli Anannganman i sua'n su junman'n di. Ɔ man be fali ninnge nga i si David fa mannin Anannganman'n bali. Be yɛ: jɛtɛ ufue, sika ɔkwlɛ, ɔ nin ninnge wie mun ekun. Ɔ fɛli i kwlaa'n sieli kan be sie Anannganman i sua'n nun ninnge kpakpa'm be lɛ'n.

1 Be Nyoliɛ 22:14

Nian, junman nga n dili'n yɛ ɔ o yɛ: n nyannin sika ɔkwlɛ tɔnun akpi nsan (3.000), nin jɛtɛ ufue tɔnun akpi-akpi ablasan (30.000), ɔ nin aaba nin blalɛ kpanngban kpa, be si-mɛn i tɔnun'n nuan, yɛ n nyannin waka mun, nin yɛbuɛ mun. Sɛ ɔ yo-ɔ, kunndɛ wie uka su.

1 Be Nyoliɛ 29:7

Be mannin sika ɔkwlɛ tɔnun ya ableso, nin sika ɔkwlɛ mma akpi blu (10.000), nin jɛtɛ ufue b'ɔ tra tɔnun ya nsan, nin aaba tɔnun ko ju ya nsiɛn, ɔ nin blalɛ tɔnun akpi nsan (3.000) gua su.

Ɛsdras 2:68

Kɛ be juli Zerizalɛm bɔ lɛ yɛ Nyanmiɛn sua'n wo'n, awlobo kpɛnngbɛn sunman be mannin be klun klo cɛlɛ kɛ be fa kplan Nyanmiɛn sua'n kan be kplɛnnin i lɛ laa'n.