Ɛsdras 2:68 - NYANMIƐN NDƐ'N 1998

⁶⁸ Kɛ be juli Zerizalɛm bɔ lɛ yɛ Nyanmiɛn sua'n wo'n, awlobo kpɛnngbɛn sunman be mannin be klun klo cɛlɛ kɛ be fa kplan Nyanmiɛn sua'n kan be kplɛnnin i lɛ laa'n.

Ɛsdras 2:68 ပူးပေါင်းရင်းမြစ်များ

1 Be Nyoliɛ 21:18

Anannganman i anz'n seli Gad kɛ: «Kan kle David kɛ ɔ `fu wɔ lika nga Ɔrnan b'ɔ ti Zɛbisfuɛ'n bo i ble lɔ'n, nan ɔ `ko kplan min sɔwlɛ kun.»

1 Be Nyoliɛ 22:1

Yɛ David waan: «Wa yɛ Anannganman Nyanmiɛn i sua'n wo-ɔ. Wa yɛ Izraɛlfuɛ'm be tɛ nga be yrɛ i nnɛn'n kɔlikɔli'n i yiwlɛ'n wo-ɔ.»

2 Be Nyoliɛ 3:1

Salomɔn boli Anannganman i sua'n kplanlɛ bo Moriza oka'n b'ɔ o Zerizalɛm lɛ'n su. Lɛ yɛ Anannganman fɛli i wun kleli Salomɔn i si David laa nin-ɔn. Lɛ yɛ David siesieli lika Ɔrnan b'ɔ ti Zɛbisfuɛ'n i asiɛ'n su nin-ɔn .

Ɛsdras 2:67

Nyɔnngɔnmɛn'm be ti ya nnan ablasan-nin-nnun. Aflunmun'm be ti akpi nsiɛn aflunmun ya nso aflunmun ablaɔn (6.720).

Ɛsdras 2:69

Sran kun man ng'ɔ kwla man'n. Be kwlakwla be mannin sika ɔkwlɛ kpɔlɛ akpi-akpi ablesiɛn-nin-kun (61.000), ɔ nin jɛtɛ ufue kilo akpi nnyɔn kilo ya nnun (2.500). Yɛ be mannin Nyanmiɛn nyrun jranlɛ tralɛ ya.

Ɛsdras 3:3

Srɛ kunnin be, be nga be fali be mɛn'n be trannin nun'n be ti, sanngɛ ɔ nin sɔ ngba'n, be kplannin Nyanmiɛn i sɔwlɛ'n, be kplɛnnin i i takawlɛ laa'n nun. Be yili tɛ nga be yrɛ i nnɛn'n kɔlikɔli'n be mannin Anannganman. Be yoli i sɔ nglɛmun kwlaa nin nnɔsua kwlaa.

Ɛsdras 9:9

afin e ti kanga, sanngɛ e Nyanmiɛn, w'a yi-man ye ase e kanga yolɛ'n nun. A fali wɔ aunnvuɛ silɛ'n wlali Pɛrs famiɛn'm be nun kɛ ɔ ´yo nan y'a wu-man, nan y'a kwla kplan wɔ bɔ a ti e Nyanmiɛn'n ɔ sua b'ɔ buli'n, nan y'a nyan fiawlɛ Zerizalɛm klɔ'n, ɔ nin Zida nvle nun'n ti.»

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Ezipt Lɔ Tulɛ'n 25:2

«Kan kle Izraɛlfuɛ'm be kɛ be `man min like. Like kwlaa nga sran'm be ´man'n nan be mɛn i klun-ufue su'n, amun `sɔ nun.

Ezipt Lɔ Tulɛ'n 35:21

I sin, be nga be ti klun-ufuefuɛ'm be kwlaa be tuli be klun be bali. Ninnge nga be fa man Anannganman'n be fa be blɛli i kɛ be fa wie di tannin sua'n i wun junman mun, nan be fa wie kusu di junman nga be o lɛ'n be kwlaa, yɛ be fa wie kpa Nyanmiɛn nyrun jranfuɛ'm be tralɛ.

Ezipt Lɔ Tulɛ'n 35:29

Izraɛlfuɛ kwlaa nga be klun ti ufue'n, bla o, yasua o, be tuli be klun be fali be klun klo ninnge mun be blɛli Anannganman kɛ be `fa di junman nga Anannganman seli Moiz kɛ ɔ `di'n.

Ezipt Lɔ Tulɛ'n 36:3

Ninnge nga Izraɛlfuɛ'm be yi bali kɛ be `fa di Nyanmiɛn i tannin sua'n i wun junman mun'n, Moiz fa mannin junman difuɛ mun. Sanngɛ kɛ ɔ ´yo sɔ'n, wuun nglɛmun kwlaa sran'm be tɛ tu be klun be tɛ fa ninnge mun tɛ blɛ Moiz.

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.

2 Korɛntfuɛ Mun 8:3

Nanwlɛ, n wun i kɛ like nga bé sa ju su'n be mannin, be man trali su bɔbɔ be klun-ufue su.

2 Korɛntfuɛ Mun 9:7

Man sran kun i like ng'ɔ bu i akunndan kɛ sɛ ɔ man-an ɔ ti kpa'n, ɔ fa man, nán man ɔ yo i klunngbɔ su nin mianlɛ su, afin sran ng'ɔ man Nyanmiɛn like i klun-ufue su'n, i klun jɔ i wun .