Ɛsdras 2:64 - NYANMIƐN NDƐ'N 1998

⁶⁴ Izraɛlfuɛ nga be bali'n be kwlaa be ti sran akpi-akpi ablanan-nin-nnyɔn sran ya nsan sran ablesiɛn (42.360).

Ɛsdras 2:64 ပူးပေါင်းရင်းမြစ်များ

Ɛsdras 2:63

Nvle'n i Siefuɛ'n waan nán be di like ng'ɔ ti Nyanmiɛn liɛ klonglo'n wie, san Nyanmiɛn nyrun jranfuɛ kun ɔ ´dun mmua fa i ninnge nga be fa si Nyanmiɛn i klun sa ɔ ´fa usa Nyanmiɛn i nun ka.

Ɛsdras 2:65

Be sufuɛ bla nin yasua'm be ti sran akpi-akpi nso sran ya nsan sran ablasan-nin-nso (7.337). Jue tofuɛ bla nin yasua'm be ti sran ya nnyɔn.

Ɛsdras 9:8

Yɛ ndɛ Anannganman e Nyanmiɛn, w'a si ye aunnvuɛ man e nvle nunfuɛ wie'm b'a nyan atin b'a sa be sin. W'a man e kpata kan kplanwlɛ wɔ lika kpa'n nun, w'a kpaja e nyrun man y'a wun atin'n, w'a man e nguan kan e kanga yolɛ'n nun,

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.