Ɛsdras 2:1 - NYANMIƐN NDƐ'N 1998

¹ Be nga Nɛbikadnɛzar b'ɔ ti Babilɔni famiɛn'n ɔ trali be lomuɛn ɔli Babilɔni'n, be sunman be sali be sin Zerizalɛm ɔ nin Zida mɛn nun. Be kwlaa be ɔli be klɔ kunngun'n be su.

Ɛsdras 2:1 ပူးပေါင်းရင်းမြစ်များ

2 Famiɛn Mun 25:11

Sran nga be kali klɔ'n nun'n, ɔ nin be nga be fa bé wun ko mannin Babilɔni famiɛn'n, ɔ nin ajuin difuɛ nga be kali'n, Nɛbizaradan trali be lomuɛn ɔli Babilɔni.

1 Be Nyoliɛ 9:1

Be kali Izraɛlfuɛ'm be kwlaa, be klɛli be dunman Izraɛl famiɛn'm be fluwa'n nun. Be trali Zidafuɛ mun lomuɛn ɔli Babilɔni, afin be kacili be sin sili Anannganman.

1 Be Nyoliɛ 9:2

Be nga be dun mmua sali bé sin be klɔ'm bé su'n, bɔ be ko fali be asiɛ mun ekun'n, yɛlɛ Izraɛlfuɛ wie mun nin Nyanmiɛn nyrun jranfuɛ mun, nin Levifuɛ mun, ɔ nin Nyanmiɛn sua'n nun junman difuɛ mun.

Ɛsdras 1:11

Kɛ be kan sika ɔkwlɛ ninnge nin jɛtɛ ufue ninnge'm be kwlaa bo nun'n, be ti akpi nnun ninnge ya nnan (5.400). Kɛ Izraɛlfuɛ'm b'a yo-man kanga kun, bɔ be fin Babilɔni be ´ba Zerizalɛm'n, Sɛsbazar fɛli kwlaa bali.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 2:70

Nyanmiɛn nyrun jranfuɛ mun, nin Levifuɛ mun, nin Izraɛlfuɛ kun nga mun, nin jue tofuɛ mun, nin anuan sunianfuɛ mun, ɔ nin Nyanmiɛn sua'n nun junman difuɛ mun be trannin be klɔ'm be su sɛsɛsɛ. Izraɛlfuɛ'm be kwlaa be trannin be klɔ'm be su.

Ɛsdras 5:8

E ɔli Zida nvle'n nun, kan Nyanmiɛn Kpli'n i sua'n wo lɔ'n. Be su kplan. Be sɛ yɛbuɛ yɛ be fa kplan-an. Be fa waka be wlɛwlɛ i talɛ'n nun. Be su nian nun di junman sɔ'n kpa. Ɔ kɔ i nyrun ndɛndɛ.

Ɛsdras 8:35

Izraɛlfuɛ nga be trali be lomuɛn bɔ be sali be sin'n, be yili tɛ mun be mannin Izraɛl Nyanmiɛn'n. Izraɛl wunmuan'n i dunman nun, be mannin nannin tola blu-nin-nnyɔn, nin bua nene ablangwlan-nin-nsiɛn, nin bua nga b'a kpɛ cro'n ableso-nin-nso, be fa yili tɛ nga be yrɛ i nnɛn kɔlikɔli'n. Be mannin boli kpakpuɛ blu-nin-nnyɔn, be fa yili Nyanmiɛn i kpatalɛ tɛ. Nnɛn sɔ'n kwlakwla be yrali be nnɛn kɔlikɔli be mannin Anannganman.

Neemi 12:1

Nyanmiɛn nyrun jranfuɛ nin Levifuɛ nga be nin Sealtiɛl i wa Zorobabɛl, ɔ nin Zozie be bali'n be yɛ: Sɛraza, Zeremi, Ɛsdras,

Ɛstɛr 1:1

Famiɛn Asieris blɛ su yɛ sa ng'ɔ o yɛ'n juli-ɔ. Asieris sɔ'n i sielɛ'n fɛli i Ɛnd lele fa juli Etiopi. Ɔ sieli mɛn akpasua-akpasua ya ablaɔn-nin-nso .

Ɛstɛr 1:11

Ɔ seli be kɛ be ko fa Vasti b'ɔ ti famiɛn bla'n be bla. I waan sɛ ɔ ´ba'n, ɔ `wlɛ i famiɛn kle'n, afin famiɛn'n waan i mantanfuɛ nin sran'm be kwlaa be wun kɛ i yi'n i klanman'n fa ti ju'n. Nanwlɛ, bla'n kusu ti klanman kekleke.

Ɛstɛr 1:3

i afuɛ nsan su'n, ɔ flɛflɛli i mɛn'n su kpɛnngbɛn mun, nin Pɛrs nin Medi sonja su kpɛn mun, ɔ nin nvle-nvle'm be siefuɛ mun, ɔ nin i akpasua su kpɛn mun. Ɔ flɛli be kɛ be wa di cɛn.

Ɛstɛr 1:8

Famiɛn'n waan nán be mian sran fi kɛ ɔ nɔn nzan, kusu nán be yo anwɛn nzan'n su. Ɔ seli i awlo'n nun junman difuɛ'm be kɛ like kwlaa nga sran'm be usa'n, be `fa man be.

Ɛstɛr 8:9

Be kali lɛ be flɛli famiɛn'n i fluwa klɛfuɛ mun Sivan anglo'n b'ɔ ti anglo'n nsan su'n i le ablaɔn-nin-nsan'n su nan b'a klɛ ndɛ nga Mardose waan be klɛ'n i kwlaa. Be fa fluwa nga be klɛli ko mannin Zuif mun nin kpɛnngbɛn mun, ɔ nin siefuɛ mun, ɔ nin akpasua ng'ɔ fɛ i Ɛnd lɛ lele fa ju Etiopi'n. Be ti akpasua-akpasua ya ablaɔn-nin-nso. Be niannin akpasua'm be fluwa klɛlɛ wafa liɛ'm be su, ɔ nin be aniɛn'm be su yɛ be klɛli fluwa sɔ nin-ɔn. Yɛ be niannin Zuif'm be fluwa klɛlɛ i wafa'm be su, ɔ nin be aniɛn'm be su yɛ be klɛli be liɛ'n kusu-ɔ.

Ezai 48:20

Amun `fin Babilɔni klɔ'n nun fite, amun `jaso Kaldefuɛ'm be afiɛn be `wanndi. Amun `bo sro. Amun `bo jasin fɛ sɔ'n, amun `kan man be ti. Amun `kan man ɔ ju asiɛ'n i awieliɛ lɔ. Amun `se kɛ: «Anannganman kpɔli Zakɔb i osu'n nunfuɛ mun bɔ be ti i sufuɛ'n bé ti.»

Zeremi 50:19

N ´fa Izraɛl n sɛ i sin i osu. N ´fɛ i n sɛ i sin Karmɛl nin Bazan lɔ didiwlɛ'm be nun. I klun ´jɔ Efraim oka'm be su nin Galaad mɛn'n nun.

Ngwlɛ Yilɛ 1:3

Zidafuɛ mun'n, kɛ be ko wun nyrɛnnɛn'n yɛ be wunnin i-ɔ. Kanga nga be flɛ-mɛn i kanga'n yɛ be su di-ɔ. B'a tra be lomuɛn b'a ɔ nvle wie nun. Be o be nga be si-man Nyanmiɛn'n be afiɛn, nán wunmiɛn kaan sa yɛ be ko de-ɔ. Be yalɛ klefuɛ'm bé su be su, be waan nán be nyan bé ti nɔn nzue, be mian-mian bé sa fii!

Ngwlɛ Yilɛ 1:5

Zerizalɛm i kpɔfuɛ'm be yɛ b'a kwla-a. B'a nyan manndran. I sa tɛ beblebe b'ɔ yo be'n ti, Anannganman ɔ'a kɛn i ase. I mma'm be yɛ be kpɔfuɛ'm be ´kankan be ´dun mmua be nyrun yɛ, be ´ko fa be yo be kanga .

Ngwlɛ Yilɛ 4:22

Siɔnfuɛ mun, amun sa tɛ'n i nuan akatua'n ɔ'a wie yia. Be su tra-man amun lomuɛn kɔ-man mɛn wie nun kun. Edɔmfuɛ mun, amun sa tɛ liɛ'n i nuan akatua i manlɛ blɛ'n yɛ ɔ'a ju-ɔ. Sa tɛtɛ nga amun yoli'n, be ´bo i jɔ .

Sofoni 2:7

I sɔ lika liɛ ng'ɔ o jenvie nuan lɔ'n, Zidafuɛ'm be ´fa be nnɛn'm be ´kɔ didilɛ lɔ, kpɛkuun nnɔsua be ´ko la Askalɔn sua'm be nun lɔ. Afin Anannganman be Nyanmiɛn'n ɔ wa nian be lika, ɔ ´fa be ´sie be osu laa'n nun .

Sa nga bé yôli'n 23:34

Kɛ ɔ kanngannin fluwa'n, ɔ usali Pɔl mɛn ng'ɔ fin nun'n. Kɛ ɔ tili kɛ ɔ fin Silisi'n,