Ɛsdras 10:8 - NYANMIƐN NDƐ'N 1998

⁸ Nan sran ng'ɔ ´ju cɛn nsan nan ɔ'a ba-man'n, famiɛn i awlo lɔ sran dandan mun nin siefuɛ'm be waan be `de i bo ninnge mun be `sie. Yɛ be `fuɛn i bɔbɔ'n Izraɛl nvle'n nun.

Ɛsdras 10:8 ပူးပေါင်းရင်းမြစ်များ

Ɛsdras 10:7

I sin be boli ndolo sinnin Zerizalɛm nin Zida mɛn'n nun kɛ be kwlaa nga be fin kanga'n nun bali'n be `yia Zerizalɛm lɔ.

Ɛsdras 10:9

Kɛ cɛn nsan'n juli'n, anglo ngwlan'n i le ablaɔn su'n, Zida nin Bɛnzamɛn nun yasua'm be kwlaa be bali Zerizalɛm. Be kwlaa be yiali Nyanmiɛn sua'n i awlo klun lɔ. Be lɛ usulɛ, sa nga ti bɔ be flɛ be'n ti, ɔ nin nzue b'ɔ tɔ'n ti.

Ɛsdras 7:26

Sran kwlaa nga ɔ'a fa-man ɔ Nyanmiɛn i mmla'n su sɛsɛ annzɛ min mmla'n su sɛsɛ'n, man be tu i fɔ. Sɛ ɔ ti kunlɛ-ɔ, man be kun i. Sɛ ɔ ti i mɛn'n nun fuanlɛ-ɔ, man be fuɛn i! Sɛ sika yɛ be ´de i-ɔ, man be de i. Sɛ ɔ ti bisua-a, man be wlɛ i.»

Neemi 13:28

Eliasib b'ɔ ti Nyanmiɛn nyrun jranfuɛ'm be su kpɛn'n, i wa Zozada i wa'm be nun kun i sia yɛlɛ Sanbalat b'ɔ fin Bɛt-Ɔrɔn'n. I ti n fuɛnnin i.

Neemi 13:3

Kɛ e tili mmla sɔ'n, e fuannin aofuɛ'm be kwlaa Izraɛl nvle'n nun.

Saun Yolɛ 27:28

Like nga bɔ sran kun ko fa ko man min mlɔnmlɔn'n, i sɔ like liɛ'n, be kwla yo-mɛn i atɛ kun, kusu be kwla kpɔ-mɛn i kun. Sɛ klɔ sran o, sɛ nnɛn o, sɛ wie kusu fie o, b'ɔ ti aja like'n, sɛ be ko fɛ i sɔ like'n be ko man min'n, wuun ɔ'a yo min liɛ mlɔnmlɔn.

Matthieu 18:17

Sɛ ɔ fa-man be ndɛ'n su'n, kɛn i asɔnunfuɛ'm be nyrun, sɛ ɔ fa-man'n, bu i kɛ sran b'ɔ nun-man amun nun sa, bu i kɛ gua bo sika defuɛ sa.»

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Jean 9:22

Sa ti bɔ i si nin i nin be seli sɔ'n yɛlɛ kɛ srɛ kun be Zuif'm bé wun. Afin Zuif'm b'a dun mmua wun bé wun be nɛn a sɛ su kɛ sran kwlaa ng'ɔ se kɛ Jésus ti Krist'n, be ´kɛn i bo ɔ su wlu-man Nyanmiɛn ndɛ suanlɛ nin i srɛlɛ sua'n nun kun.

Jean 9:34

Be seli i kɛ: «?Ɔ bɔ kɛ be wuli wɔ'n, sa tɛtɛ'n yɛ ɔ ti ɔ junman'n, a wa kle ye like?» Yɛ be kɛnnin i bo-ɔ.

1 Korɛntfuɛ Mun 5:13

Be bɔ be nin ye ti-man kun'n, Nyanmiɛn yɛ ɔ nin be lɛ i-ɔ. An `kan sa tɛ yofuɛ'n i bo amun nun lɛ .

Zozie 6:19

I jɛtɛ ufue o, i sika ɔkwlɛ o, blalɛ fanunfanun mun o, be kwlaa be ti Anannganman liɛ. Be `fa guɛ i sika bɔlɛ'n nun.»

Jɔlɛ Difuɛ Mun 21:5

Kpɛkuun be usali kɛ: «?Yialɛ nga y'a yia yɛ'n, Izraɛlfuɛ wie'm b'a yia-man wie?» Afin be tali nda kɛ sran kwlaa bɔ be ´ko yia Mizpa lɔ bɔ ɔ'a ɔ-man wie'n, be ´kun i.

1 Samiɛl 11:7

Ɔ trali nannin nnyɔn yɛ ɔ kpɛkpɛli be nun-ɔn, nan ɔ'a fa sunman sran kɛ be ko kan kle Izraɛlfuɛ'm be kwlakwla kɛ: «Sran kwlaa nga ɔ'a su-man Sail nin Samiɛl bé su'n, kɛ be ´yo i nannin liɛ'm be sa.» Anannganman man srɛ dan kpa kunnin Izraɛlfuɛ mun. Ɔ man be yiali ndɛndɛ kpa kɛ sran kunngba yɛ b'a flɛ i sa.