Ɛsdras 10:5 - NYANMIƐN NDƐ'N 1998

⁵ Ɛsdras jasoli, ɔ yoli man Nyanmiɛn nyrun jranfuɛ kpɛnngbɛn mun, nin Levifuɛ kpɛnngbɛn mun, ɔ nin Izraɛl kpɛnngbɛn'm be kwlaa be tali nda kɛ be ´nian nga be kannin'n su be ´yo.

Ɛsdras 10:5 ပူးပေါင်းရင်းမြစ်များ

Ɛsdras 10:3

Man e ta Nyanmiɛn i nda kɛ e ´fuan nvle nun bla sɔ mun ɔ nin ba nga e nin be e wuli be'n. Min min, afɔtuɛ nga a nin be nga bé wun blibli be'n Nyanmiɛn i mmla i su falɛ nun amun kan'n, e fa su. Man e yo kɛ i mmla'n kle i sa.

Neemi 10:29

Izraɛlfuɛ kun nga'm be yɛ: Nyanmiɛn nyrun jranfuɛ mun, nin Levifuɛ mun, nin anuan su nianfuɛ mun, nin jue tofuɛ mun, nin Nyanmiɛn i sua'n nun junman difuɛ bɔ be lɛ su kpɛn mun'n, ɔ nin be kwlaa nga be nin nvle uflɛ'm be tili nun afin be kunndɛ kɛ be ´fa Nyanmiɛn mmla'n su'n, be sɔfuɛ mun nin bé yi, nin be mma bla annzɛ yasua nga be wun sa wlɛ'n.

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Neemi 5:12

Be tɛli min su kɛ: «E ´yo nga a kan'n, e ´yi be ninnge nga e fali'n, e usɛ-mɛn i sin like uflɛ.» Yɛ n flɛli Nyanmiɛn nyrun jranfuɛ mun nan m'an yo man sran sɔ'm b'a ta nda be nyrun kɛ ndɛ nga be kannin'n, be nian su yo.

Nyanndra Mun 1:5

Sɛ bɔ akunndanfuɛ'n bɔbɔ sie i su ti'n, ɔ ´si sa uflɛ uka laa liɛ'n su. Sɛ sran nga be ti ngwlɛlɛfuɛ'n be ti'n, be ´wun wafa ng'ɔ fata kɛ be nanti'n.

Nyanndra Mun 15:23

Sɛ be usa wɔ ndɛ nan a si su tɛ klanman'n, ɔ man wɔ aklunjuɛ. Ndɛ ng'ɔ ju i kanwlɛ cɛ kpɛkuun b'a kan'n, i fɛ b'ɔ yo'n, be kan-man.

Nyanndra Mun 27:9

Nyanngo nin parfɛn'n, be jɔ sran anwlɛn. Afɔtuɛ kpa bɔ sran kun mɛn i janvuɛ'n, i klolɛ ti'n, ɔ jɔ anwlɛn tra su.

Nyanndra Mun 9:9

Man ngwlɛlɛfuɛ'n i akunndan, mɛn i akunndan man ɔ si wie ekun tra su. Kle sran kpa'n i ngwlɛlɛ. Kle i ngwlɛlɛ man ɔ si sa uka laa liɛ'n su.

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»