Ɛsdras 10:18 - NYANMIƐN NDƐ'N 1998

¹⁸ Nyanmiɛn nyrun jranfuɛ nga be jali nvle nun bla mun yɛ: Maazeza, Eliezɛr, Zarib, ɔ nin Gɛdalia. Be wie ti Zozadak i wa Zozie i mma mun, be wie kusu ti i niaan mun.

Ɛsdras 10:18 ပူးပေါင်းရင်းမြစ်များ

Ɛsdras 10:17

Anglo klikli'n i cɛn klikli'n, be wieli be kwlaa nga be jali nvle nun bla'n be ndɛ'n siesie.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 2:36

Nyanmiɛn nyrun jranfuɛ mun yɛ: Zozie awlo nunfuɛ'm be nannan yɛlɛ Zɛdaɛza, i nunfuɛ sɔ'm be ti sran ya ngwlan sran ableso-nin-nsan.

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Ɛsdras 3:8

Kɛ be sali be sin Zerizalɛm bɔ lɛ yɛ Nyanmiɛn i sua'n wo'n, be afuɛ nnyɔn i anglo nnyɔn su'n, Sealtiɛl i wa Zorobabɛl nin Zozadak i wa Zozie, nin be niaan Nyanmiɛn nyrun jranfuɛ mun, ɔ nin Levifuɛ mun, ɔ nin be kwlaa nga be trali be lomuɛn bɔ be sali be sin'n, be boli junman'n bo. Be sieli Levifuɛ nga b'a di afuɛ ablaɔn annzɛ afuɛ ablaɔn ɔ'a tra'n kɛ be nian Anannganman i sua kplanlɛ junman'n su.

Ɛsdras 5:2

Yɛ Sealtiɛl i wa Zorobabɛl, ɔ nin Zozadak i wa Zozie, bé bo yoli kun nan b'a man Nyanmiɛn i sua'n b'ɔ o Zerizalɛm'n i kplanlɛ'n su ekun. Nyanmiɛn nuan ijɔfuɛ'm be jrannin be sin yɛ be ukali be .

Ɛsdras 9:1

I sin Izraɛl famiɛn i awlo lɔ sran dandan'm be wa seli min kɛ: «Nyanmiɛn nyrun jranfuɛ mun, nin Levifuɛ mun, nin Izraɛlfuɛ'm be nin nvle nga be tran mɛn nga nun wa'n, ngbaciɛ ɔ'a tran-man be afiɛn, afin tete like nga Kanaanfuɛ nin Ɛtfuɛ, nin Ferezfuɛ, nin Zɛbisfuɛ, nin Amɔnfuɛ, nin Moabfuɛ, nin Eziptfuɛ, nin Amɔrfuɛ'm be yo'n i wie yɛ be yo-ɔ,

Ɛsdras 9:2

afin b'a ja nvle sɔ'm be nun mmla mun. B'a ja wie b'a man be mma mun. Ɔ man b'a fa Nyanmiɛn i nvle b'a sanngan nvle sɔ'm be nun. Famiɛn i awlo lɔ sran dandan nin jɔlɛ difuɛ'm be yɛ be kleli be atin tɛ sɔ nin-ɔn .»

Neemi 12:10

Zozie wuli Zozakim, Zozakim wuli Zozada,

Neemi 13:28

Eliasib b'ɔ ti Nyanmiɛn nyrun jranfuɛ'm be su kpɛn'n, i wa Zozada i wa'm be nun kun i sia yɛlɛ Sanbalat b'ɔ fin Bɛt-Ɔrɔn'n. I ti n fuɛnnin i.

Neemi 8:4

Be fali waka be boboli lika nglo-nglo kun. I su'n ti kpɛkplɛkpɛ. I su yɛ Ɛsdras jrannin-ɔn, Matitia nin Sema, nin Anania, nin Iri, nin Ilkiza, nin Maazeza be o i sa fama su, yɛ Pɛdaza, nin Mikaɛl, nin Malkiza, nin Asɔm be o i sa bɛ su.

Neemi 8:7

I sin Levifuɛ mun, nin Zozie, Bani, Serebia, Zamɛn, Akib, Sabɛtai, Ɔdiza, Maazeza, Kɛlita, Azaria, Zozabad, Anan, ɔ nin Pɛlaza, be tuli Nyanmiɛn i mmla'n bo kleli sran mun. Be jin nglo yɛ be tie-ɔ.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 23:11

Anannganman'n wan yoo: ‹Min nuan ijɔfuɛ mun nin min nyrun jranfuɛ'm be kwlaa b'a saci. Be yo sa tɛ'n lele be fa wlu mín sua'n nun.

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Ezekiɛl 44:22

Nán min nyrun jranfuɛ'n ɔ ja angboti bla nin bla nga b'a yrɛ i'n, sanngɛ ɔ `ja talua ng'ɔ nian si-man bian le b'ɔ ti Izraɛlfuɛ'n, annzɛ ɔ `ja min nyrun jranfuɛ nga ɔ'a wu'n i angboti'n.

Saun Yolɛ 21:7

Bla nga b'ɔ kunndɛ bian faa sin'n, annzɛ bla nga b'ɔ nin bian uflɛ be lali laa'n, b'ɔ ti kɛ ɔ'a yo finfin'n, ɔ nin bla nga i wun ɔ'a yrɛ i'n, ɔ nun-man nun kɛ min nyrun jranfuɛ kun jɛ i. Afin ɔ ti min junman difuɛ klonglo.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Ndɛ Nga Nyanmiɛn I Nuan Ijɔfuɛ Aze Kannin'n 1:12

Sealtiɛl wa Zorobabɛl nin Zozadak wa Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be fali Anannganman be Nyanmiɛn'n i nuan su ndɛ ng'ɔ fa wlali i nuan ijɔfuɛ Aze nuan kɛ ɔ `kan kle be'n su. Ɔ man srɛ kunnin be Anannganman wun.

Ndɛ Nga Nyanmiɛn I Nuan Ijɔfuɛ Aze Kannin'n 2:4

I ti Zorobabɛl, mian ɔ́ nyin, Zozadak wa Zozie, wɔ bɔ a ti min nyrun jranfuɛ'm bé su kpɛn'n, tra wɔ anwlɛn! Amun kwlaa nga amun wo Izraɛl mɛn'n nun'n, amun `tra amun anwlɛn yɛ amun `di junman'n, afin m bɔbɔ min Anannganman bɔ n sie mɛn wunmuan'n, n jin amún sin. M bɔbɔ min yɛ n fua n kle amun sɔ-ɔ.

Zakari 3:1

Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i.

Zakari 6:11

Fa jɛtɛ ufue nin sika ɔkwlɛ fa yo kle nan fa wla Zozadak i wa Zozie b'ɔ ti Nyanmiɛn nyrun jranfuɛ'm be su kpɛn'n i ti.

1 Timote 3:11

Man bé yi'm be kusu be yo sran nanwlɛfuɛ, nán man be yo abla difuɛ, man be yo akunndanfuɛ, man be yo sran bɔ be kwla fa be wla gua be su sa'n kwlaa nun.