Ɛsdras 10:14 - NYANMIƐN NDƐ'N 1998

¹⁴ Man e kpɛnngbɛn'm be jran e kwlakwla é nuan. Man be kle klɔ kunngun kwlaa bé cɛn nan be kwlaa nga be jali nvle nun bla'n, kɛ cɛn'n ko ju'n, be nin be kpɛnngbɛn mun nin be jɔlɛ difuɛ'm be bla. E ´siesie ndɛ sɔ'n kwlakwla e ´guɛ i lɔ weiin lele san e Nyanmiɛn i ya dan bɔ ɔ'a fa'n ɔ'a kan ase.»

Ɛsdras 10:14 ပူးပေါင်းရင်းမြစ်များ

2 Famiɛn Mun 23:26

I ti ya dan nga Anannganman fɛli i Zidafuɛ'm bé wun'n, ɔ'a yaci-man nun, afin like nga Manase yoli'n, ɔ fɔkɔli i anwlɛn dan.

2 Be Nyoliɛ 28:11

Amun `tie ndɛ nga n kan'n, amun `yaci Zidafuɛ bɔ amun trali be'n be nun, afin Anannganman ɔ'a fa amun wun ya.»

2 Be Nyoliɛ 29:10

N klo kɛ e nin Anannganman b'ɔ ti Izraɛl Nyanmiɛn'n e tra aenguɛ siɛn'n kɛ ɔ ´yo nan ɔ'a guɛ i ya dan b'ɔ fɛli i e wun'n i ase'n ti.

2 Be Nyoliɛ 30:8

Nán amun yo nyin kekle kɛ amun nannan'm be yoli'n sa. Amun `fa amun wun man Anannganman man ɔ sie amun. Amun `bla i sua'n bɔ i bɔbɔ ɔ'a yo i saun'n nun. Sua sɔ'n, ɔ ´yo saun tititi. Yɛ amun `su Anannganman amun Nyanmiɛn'n, kɛ ɔ ´yo nan i ya dan'n b'ɔ fɛli i amún wun'n ɔ'a jɔ'n ti.

Ɛsdras 10:13

sanngɛ e sɔnnin, yɛ e o nzue blɛ nun, e tran gua su wa-a, ɔ yo-man ye, kusu nán le kun annzɛ le nnyɔn ndɛ yɛ, afin e nga e yoli sa'n e sɔnnin.

Ɛsdras 10:15

Azaɛl i wa Zonatan, nin Tikva i wa Zakzia be kunngba yɛ be waan nán be yo i sɔ-ɔ. Mɛsilam ɔ nin Sabtai b'ɔ ti Levifuɛ'n be jin be sin.

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Kalɛ 25:4

Anannganman seli Moiz kɛ: «Tra Izraɛl kpɛnngbɛn nga be o Izraɛlfuɛ'm bé su'n be kwlaa, man be kpɛ bé nyin wia'n su lɔ, yɛ man be bo be kɔmin min nyrun. Kɛ ɔ ko yo sɔ liɛ'n, n ´gua min ya dan nga n fɛli amún wun'n i ase.»

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 17:9

Amun `ko wun Levifuɛ bɔ be ti Nyanmiɛn nyrun jranfuɛ mun'n ɔ nin jɔlɛ difuɛ ng'ɔ o lɛ'n be wun. Amun `kan ndɛ'n be kle be man be kle amun i buwlɛ.

Zozie 7:26

I sin be fali yɛbuɛ kpanngban kpa be guɛli i su kunndunngluun. Yɛbuɛ kwle sɔ'n tɛ o lɛ ndɛ. I sɔ'n ti yɛ be flɛli lɛ lika sɔ'n kɛ Nyrɛnnɛn kongo nin-ɔn. Kɛ ɔ yoli sɔ'n yɛ Anannganman yacili i ya nin-ɔn.