Ɛsdras 10:1 - NYANMIƐN NDƐ'N 1998

¹ Kɛ Ɛsdras kotoli Nyanmiɛn i sua'n nyrun lɛ b'ɔ ´srɛ Nyanmiɛn'n, b'ɔ ´kpɛtɛ i, wuun ɔ ´sun. Izraɛlfuɛ kpanngban kpa, yasua nin bla, nin ba kanngan'm be wa yiɛli i wun lɛ. Be kwlaa be sunnin kpa.

Ɛsdras 10:1 ပူးပေါင်းရင်းမြစ်များ

1 Famiɛn Mun 8:30

Kɛ a o ɔ tranwlɛ'n nun nyanmiɛn su lɔ'n, tie min bɔ n ti ɔ sufuɛ'n, ɔ nin Izraɛlfuɛ'm bɔ be ti ɔ nvle'n nunfuɛ mun ye aunnvuɛ srɛlɛ'n nga e ´jran lika nga nun e ´srɛ wɔ'n. Tie nan yaci é wun sa mun cɛ ye.

1 Famiɛn Mun 9:3

Anannganman seli i kɛ: «Aunnvuɛ srɛlɛ nga a srɛli'n, n tili. Sua bɔ a kplannin'n, m'an sie i ngunmin. N ´tran nun tititi. Mín nyin ´ta su yɛ n ´yo amun ye tititi.

2 Be Nyoliɛ 20:13

Zidafuɛ'm be kwlaa, be nin be anunman mun, nin bé yi mun, ɔ nin be mma mun, be jrannin Anannganman nyrun lɛ.

2 Be Nyoliɛ 20:9

‹Sɛ nyrɛnnɛn sa ju e su'n, sɛ be fa alɛ wla e sin'n, sɛ a fa like tɛ b'ɔ saci like kɛ tukpacɛ b'ɔ sa ndɛndɛ sa annzɛ kɛ awe sa a fa bu ye fɔ'n, e ´ba sua nga nyrun wa, e ´ba ɔ nyrun wa, afin a ´yi ɔ́ wun nglo sua nga nun, yɛ e ´flɛ wɔ kɛ a wa de ye nyrɛnnɛn nun, yɛ a ´tɛ e su, yɛ a ´de ye.›

Ɛsdras 10:6

Ɛsdras jasoli Nyanmiɛn sua'n nyrun lɛ, ɔ ɔli Eliasib i wa Zosanan i sua lɔ. Kɛ ɔ ɔli'n, ɔ'a di-man like, ɔ'a nɔn-man nzue, afin Izraɛlfuɛ nga be fin kanga nun bali'n be Nyanmiɛn wun fɔnlɛ'n ti i wla'n boli i wun kpa.

Neemi 1:4

Kɛ n tili ndɛ sɔ'n, n trannin ase, n sunnin, n trannin awlaboɛ sɔ'n nun n dili le nnyɔn kun. N kpɛli srɛ nun, n srɛli Nyanmiɛn b'ɔ o nglo lɔ'n.

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Jue Mun 119:136

Kɛ n wun kɛ be fa-man ɔ mmla'n su'n, n sun sa ploploplo.

Jue Mun 32:5

Yɛ n seli min wun kɛ: «Man n sin n di min sa tɛ'n i nanwlɛ n kle Anannganman ke!» Yɛ n kannin min fɔnlɛ bɔ n fɔnnin'n n kleli wɔ-ɔ, m'an fia-man su. Kpɛkuun ɔ kusu, min wun sa sɔ'n b'ɔ ti kɛ trɔ sa b'ɔ jin min ti su'n, a sike jinnin.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 9:1

Sɛ n kwla nyan min lika wie aawlɛ flɛnnɛn nun lɔ kɛ lika nga lika kɔfuɛ'm be fia nun sa'n, wuun n ´yaci min nvle'n wa n ´kɔ mmua. Yɛlɛ kɛ sɛ e ´kwla se'n, be kunndɛ bian bé wun bo. Sɛ a lafi be su-ɔ, a lafi asiɛ wun.

Daniɛl 9:20

«N kannin ndɛ ekun, n srɛli Nyanmiɛn, n dili mín sa tɛ'm be nanwlɛ, n kannin Izraɛlfuɛ bɔ be ti min nvle'n nunfuɛ mun bé sa tɛ'm bé wun ndɛ. N sun flɛli Anannganman min Nyanmiɛn'n i lika b'ɔ ti i liɛ klonglo'n i dunman nun ti.

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

Matthieu 3:6

Kɛ be di sa nga be yoli'n i nanwlɛ'n, ɔ yo be batɛm nzue ba bɔ be flɛ i kɛ Zurdɛn'n i nun.

JÉSUS-CHRIST I DYASIN FE'N BO LUC KLELI'N 19:41

Kɛ be wa ju klɔ lɔ bɔ Jésus wunnin klɔ'n, ɔ sunnin,

Sa nga bé yôli'n 10:30

Yɛ Kɔrnɛyi seli i kɛ: «Le kun nnɔsua wia'n nun kɛ n wo ń sua lɔ bɔ n ´koko yalɛ kle Nyanmiɛn'n, n ´nian-an, bian kun bɔ i wun tralɛ ti nyɛnnyɛnnyɛn kpa'n yɛ, ɔ wa jrannin min nyrun lɛ. Kɛ ɔ yoli sɔ'n, i le nnan yɛ.

Sa nga bé yôli'n 21:5

sanngɛ kɛ e dili lɛ le nso'n, e tuli e bo lɛ. Be nin bé yi nin be mma'm be kwlaa be ko sunmannin ye lele be kpɛli klɔ'n. E kotoli jenvie'n nuan lɛ, e nin Nyanmiɛn e kokoli yalɛ.

Mmla'n 31:12

Amun `yiayia sran mun, i yasua mun o, i bla mun o, i bakan mun o, ɔ nin aofuɛ nga amun sike be'n, man be ti. Amun `kle be kɛ be `sro Anannganman amun Nyanmiɛn'n, yɛ be `fa mmla'n nun ndɛ'm be sie be klun, yɛ be `nian su be `nanti.

Zozie 7:6

Zozie nin Izraɛl kpɛnngbɛn'm be titili be wun tralɛ'm be nun, be fali ndutre guali be ti'n su yɛ be kotoli, be utuli bé nyin ase Anannganman i alaka'n nyrun lele nnɔsua, bé wla b'ɔ boli'n ti.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.