Ɛsdras 1:9 - NYANMIƐN NDƐ'N 1998

⁹ Ninnge sɔ'm be yɛ: sika ɔkwlɛ kpongbo ablasan, jɛtɛ ufue kpongbo akpi kun, laliɛ ablaɔn-nin-ngwlan,

Ɛsdras 1:9 ပူးပေါင်းရင်းမြစ်များ

1 Famiɛn Mun 7:50

kpongbo mun, laliɛ mun, klowa nga be gua nun like bɔ be fa kpɛntɛn-kpɛntɛn ninnge'm be su, klowa mun, nzuɛn guawlɛ bɔ be fali sika ɔkwlɛ jrɛiin be yoli'n, like nga be fa tra Nyanmiɛn i lika kpa tra su'n i anuan'm be ase'n, ɔ nin like nga be fa tra Nyanmiɛn i sua'n i anuan'm be ase'n, ninnge sɔ'm be ti sika ɔkwlɛ.

2 Famiɛn Mun 25:15

Gladi difuɛ'm bé su kpɛn'n fali ninnge nga be fa tu nzuɛn'n nin klowa mun. Ninnge sɔ'm be kwlaa be ti sika ɔkwlɛ nin jɛtɛ ufue.

2 Be Nyoliɛ 24:14

Kɛ be wieli junman'n di'n, be fali sika'n i onga'n blɛli famiɛn'n nin Zɛozada. Be fa wie yoli Nyanmiɛn i sua'n nun lɔ ninnge nga be fa di i sulɛ junman'n mun. Be fa wie yoli ninnge nga be fa yi tɛ bɔ be yra be nnɛn'n kɔlikɔli'n. Yɛ be fa wie yoli klowa mun nin ninnge uflɛ bɔ be ti sika ɔkwlɛ nin jɛtɛ ufue'n. Zɛozada nyin su'n, tɛ bɔ be yra be nnɛn'n kɔlikɔli'n, b'a yaci-man be yilɛ Anannganman i sua'n nun.

2 Be Nyoliɛ 4:11

Iram yoli nzuɛn guawlɛ mun, nin peli mun, ɔ nin klowa mun. Kɛ ɔ yoli ninnge sɔ mun'n yɛ Nyanmiɛn i sua'n i wun junman bɔ Salomɔn fa wlɛli i sa nun kɛ ɔ yo'n wieli-ɔ.

2 Be Nyoliɛ 4:8

Be yoli tabli blu. Be fa be sieli Nyanmiɛn i sua nun, nnun o fama su, nnun ekun o bɛ su. Be fali sika ɔkwlɛ be yoli klowa conjronjo ya.

Ɛsdras 1:10

sika ɔkwlɛ klowa ablasan, jɛtɛ ufue klowa ya nnan jɛtɛ ufue klowa blu, yɛ ninnge uflɛ akpi.

Ɛsdras 8:26

N fali ninnge nga be o yɛ mun n fa wlali bé sa nun: jɛtɛ ufue tɔnun ablaɔn, ninnge nga be fa jɛtɛ ufue kpakpa yɛ be yoli'n tɔnun nsan, sika ɔkwlɛ tɔnun nsan,

Ɛsdras 8:27

sika ɔkwlɛ klowa ablaɔn b'ɔ nin sika ɔkwlɛ kpɔlɛ akpi sɛ, nin aaba sɛ nglannglan nnyɔn, be ti klanman kpa kɛ sika ɔkwlɛ sɛ sa.

Ɛsdras 8:30

Yɛ Nyanmiɛn nyrun jranfuɛ nin Levifuɛ'm be fali ninnge sɔ'm bɔ be sunnzunnin'n, i jɛtɛ ufue o, i sika ɔkwlɛ o, i kpongbo mun o, be fali be kɛ be ´fa kɔ Zerizalɛm, Nyanmiɛn i sua'n nun.

Matthieu 14:8

I nin di wlɛli i kɛ ɔ se kɛ: «Man be fa Zan batɛm yofuɛ'n i ti'n talie kpɛkplɛkpɛ kun nun be blɛ min icra'n.»