Ɛsdras 1:8 - NYANMIƐN NDƐ'N 1998

⁸ Famiɛn'n man Mitrɛdat b'ɔ ti bɔlɛ siefuɛ'n ɔ yili be fiteli nan ɔ'a fa be ɔ'a man Sɛsbazar b'ɔ ti Zida kpɛnngbɛn'n.

Ɛsdras 1:8 ပူးပေါင်းရင်းမြစ်များ

Ɛsdras 1:11

Kɛ be kan sika ɔkwlɛ ninnge nin jɛtɛ ufue ninnge'm be kwlaa bo nun'n, be ti akpi nnun ninnge ya nnan (5.400). Kɛ Izraɛlfuɛ'm b'a yo-man kanga kun, bɔ be fin Babilɔni be ´ba Zerizalɛm'n, Sɛsbazar fɛli kwlaa bali.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 5:14

Yɛ Nyanmiɛn i sua b'ɔ o Zerizalɛm lɔ'n i nun sika ɔkwlɛ nin jɛtɛ ufue ninnge nga Nɛbikadnɛzar yili ko sieli Babilɔni amuɛn sua nun'n, Famiɛn Siris yili be Babilɔni amuɛn sua sɔ'n nun lɔ. Ɔ fali be wlali bian wie bɔ be flɛ i Sɛsbazar'n i sa nun. Ɔ sieli bian sɔ'n kpɛnngbɛn.

Ɛsdras 5:16

Yɛ Sɛsbazar bali nan ɔ'a bo Zerizalɛm Nyanmiɛn sua'n i kplanlɛ bo. Kɛ ɔ fɛli lɛ'n yɛ e sɔli i kplanlɛ-ɔ, lele ndɛ e nian wie-mɛn i kplan.›

Ɛsdras 5:2

Yɛ Sealtiɛl i wa Zorobabɛl, ɔ nin Zozadak i wa Zozie, bé bo yoli kun nan b'a man Nyanmiɛn i sua'n b'ɔ o Zerizalɛm'n i kplanlɛ'n su ekun. Nyanmiɛn nuan ijɔfuɛ'm be jrannin be sin yɛ be ukali be .

Zeremi 51:44

Anannganman'n wan yoo: «Babilɔni lɔ amuɛn nga be flɛ i kɛ Bɛl'n, e nin i y'a nyɛn i. Like ng'ɔ dili'n, n ´yo man ɔ ´fi. Ɔ man nvle-nvlefuɛ nga be kɔ lɔ beblebe'n, be ´yaci lɔ kɔlɛ. Talɛ ng'ɔ si Babilɔni wun'n, ɔ'a bu ɔ'a tɔ.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Ndɛ Nga Nyanmiɛn I Nuan Ijɔfuɛ Aze Kannin'n 1:14

Anannganman'n mannin Zorobabɛl b'ɔ sie Zida'n nin Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be wunmiɛn kɛ laa'n sa nan be kwlaa b'a bo be Nyanmiɛn'n b'ɔ sie mɛn'n wunmuan'n i sua'n i kplanlɛ bo