Ɛsdras 1:4 - NYANMIƐN NDƐ'N 1998

⁴ Kan kwlaa nga Izraɛlfuɛ'm be o lɛ'n, man lɛfuɛ'm be man be jɛtɛ ufue, nin sika ɔkwlɛ, nin ninnge uflɛ mun ekun, ɔ nin nnɛn mun. Yɛ man be man be klun klo ninnge mun b'ɔ ti Nyanmiɛn sua ng'ɔ o Zerizalɛm lɔ'n i liɛ.»

Ɛsdras 1:4 ပူးပေါင်းရင်းမြစ်များ

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

1 Be Nyoliɛ 29:3

Yɛ kusu n ´fa m bɔbɔ min sika ɔkwlɛ'n, ɔ nin min jɛtɛ ufue'n kwlaa n ´fa ukɛ i kwlaa nga n kunndɛli'n su n ´fa man, nan be fa kplan Anannganman i sua'n bɔ n klo i kpa'n.

1 Be Nyoliɛ 29:9

Sran'm be kwlaa be klun jɔli afin be klun-ufue su yɛ be fali bé sa nun ninnge'n wie mannin Nyanmiɛn-ɔn. Famiɛn David kusu i wun kpɛjɛli i.

2 Be Nyoliɛ 31:14

Zimna wa Kɔre b'ɔ ti Levifuɛ'n, b'ɔ nian anuan ng'ɔ o wia afiliɛ lɔ'n su'n, i yɛ ɔ sɔ be klun klo ninnge nga be fa man Anannganman'n be nun-ɔn. Yɛ fie su ninnge nga be yi man Anannganman'n nin Anannganman i ninnge kpa tra su mun'n, i yɛ ɔ cɛcɛ be nun-ɔn.

Ɛsdras 1:3

Amun nun sran kwlaa nga be ti Nyanmiɛn i nvle nunfuɛ'n, man Nyanmiɛn `jran be sɔfuɛ'm be sin nan be wɔ Zerizalɛm, Zida mɛn'n nun lɔ, be ko kplan Anannganman b'ɔ ti Izraɛl Nyanmiɛn'n, bɔ be su i Zerizalɛm lɔ'n, i sua'n.

Ɛsdras 1:5

Zida nin Bɛnzamɛn akpasua'm be nun awlobo kpɛnngbɛn mun, nin Nyanmiɛn nyrun jranfuɛ mun, nin Levifuɛ mun, ɔ nin be kwlaa nga Anannganman Nyanmiɛn'n suli be bo kɛ be ko kplɛn i sua'n Zerizalɛm'n, be siesieli be wun.

Ɛsdras 9:15

Anannganman, Izraɛl Nyanmiɛn, ɔ klun ti ufue ti yɛ e nun wie e nyin tɛ osu-ɔ. E ti sa tɛ yofuɛ yɛ e o ɔ nyrun wa yɛ. E nin ɔ nyrun jranlɛ fata-man.»

Ezipt Lɔ Tulɛ'n 35:29

Izraɛlfuɛ kwlaa nga be klun ti ufue'n, bla o, yasua o, be tuli be klun be fali be klun klo ninnge mun be blɛli Anannganman kɛ be `fa di junman nga Anannganman seli Moiz kɛ ɔ `di'n.

Ezai 10:21

Zakɔb i osu'n nunfuɛ onga kan'n, be ´sa bé sin Nyanmiɛn b'ɔ kwla'n i sin.

Sa nga bé yôli'n 24:17

Kɛ n tuli m bo Zerizalɛm lɛ b'ɔ dili afuɛ lɔuun'n, like nga be fa man yalɛfuɛ mun nin like nga be fa man Nyanmiɛn'n, n fa blɛli min nvlefuɛ mun.

Galasifuɛ Mun 6:2

Sɛ an wun amun niaan kun bɔ i trɔ'n su ti i'n, an `ukɛ i. Sɛ an yo i sɔ'n, wuun amu'an wie Krist mmla'n su fa.