Ɛsdras 1:3 - NYANMIƐN NDƐ'N 1998

³ Amun nun sran kwlaa nga be ti Nyanmiɛn i nvle nunfuɛ'n, man Nyanmiɛn `jran be sɔfuɛ'm be sin nan be wɔ Zerizalɛm, Zida mɛn'n nun lɔ, be ko kplan Anannganman b'ɔ ti Izraɛl Nyanmiɛn'n, bɔ be su i Zerizalɛm lɔ'n, i sua'n.

Ɛsdras 1:3 ပူးပေါင်းရင်းမြစ်များ

1 Famiɛn Mun 18:39

Kɛ nzrafuɛ'm be wunnin i sɔ'n, be kwlaa be tɔli, be utuli bé nyin ase, kpɛkuun be kpannin be seli kɛ: «Anannganman'n yɛ ɔ ti Nyanmiɛn nin-ɔn! Anannganman'n yɛ ɔ ti Nyanmiɛn nin-ɔn!»

1 Famiɛn Mun 8:23

Yɛ ɔ seli kɛ: «Anannganman, Izraɛl Nyanmiɛn, like fi nin wɔ sɛ-man nyanmiɛn su lɔ nin asiɛ'n su wa. Ɔ sufuɛ nga be fa bé wla gua wɔ su'n, bɔ be fa wɔ atin'n su seiin'n, aenguɛ nga a nin be trali'n ti'n, a kpɔci-man be.

1 Be Nyoliɛ 28:20

David kɛnnin i ekun kleli i wa Salomɔn kɛ: «Jran kekle, yɛ tra wɔ anwlɛn nan di junman sɔ'n. Nán srɛ kun wɔ, nán ɔ klun titi wɔ, afin Anannganman Nyanmiɛn'n b'ɔ ti min Nyanmiɛn'n ´jran ɔ́ sin. Ɔ su yi-man wɔ ase, ɔ su kpɔci-man wɔ lele yɛ i sua'n i su junman'n ´wie-ɔ.

Ɛsdras 1:4

Kan kwlaa nga Izraɛlfuɛ'm be o lɛ'n, man lɛfuɛ'm be man be jɛtɛ ufue, nin sika ɔkwlɛ, nin ninnge uflɛ mun ekun, ɔ nin nnɛn mun. Yɛ man be man be klun klo ninnge mun b'ɔ ti Nyanmiɛn sua ng'ɔ o Zerizalɛm lɔ'n i liɛ.»

Ɛsdras 4:3

Zorobabɛl nin Zozie nin awlobo kpɛnngbɛn kun nga'm be tɛli be su kɛ: «Kɛ e nin amun e `kplan e Nyanmiɛn i sua'n, ɔ ti-mɛn i su. E kunngba yɛ e ´kplan Anannganman b'ɔ ti Izraɛl Nyanmiɛn'n i sua nin-ɔn. Siris, b'ɔ ti Pɛrs famiɛn'n yɛ i waan e `yo i sɔ-ɔ.»

Ɛsdras 5:13

kpɛkuun afuɛ nga famiɛn Siris boli Babilɔni i sielɛ bo'n, ɔ mannin atin kɛ be kplan Nyanmiɛn sua sɔ'n.

Ɛsdras 5:3

Blɛ kunngba sɔ nun'n, Tatnai b'ɔ ti nzue i bue kun lɔ nvle siefuɛ'n, nin Setar-Bɔznai, nin be nga be nin be di junman kunngba'n, be wa toli be, be usali be kɛ: «?Wan yɛ ɔ mannin amun atin kɛ amun kplan sua nga-a?»

Ɛsdras 6:7

Amun `yaci be nun man be kplan Nyanmiɛn sua sɔ'n. Man Zuif'm be nvle'n i siefuɛ mun, ɔ nin be kpɛnngbɛn mun be kplan sua sɔ'n i kplanwlɛ laa'n nun.

Jue Mun 132:13

Afin Siɔn lɔ yɛ Anannganman niannin lele kleli kɛ ɔ ´tran-an.

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Ezai 37:16

«Anannganman b'ɔ sie mɛn wunmuan'n, Izraɛl Nyanmiɛn, wɔ yɛ a ti anz nga be nian ɔ ninnge'm be su'n be su kpɛn nin-ɔn. Ɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

Ezai 44:28

N se kɛ: «Siris ti min bua'm be tafuɛ! Ɔ ´yo min klun sa'n kwlaa. Ɔ ´se kɛ be kplan Zerizalɛm klɔ'n i uflɛ, yɛ ɔ ´se kɛ be yo min Nyanmiɛn min sua'n ekun .»

Ezai 45:5

Min yɛ n ti Anannganman nin-ɔn, uflɛ fi nun-man min sin kun, sɛ be san min wun'n, be wun-man Nyanmiɛn uflɛ kun. M mannin wɔ tinmin. I nun sɔ nun'n, wuun a si-man min bɔbɔ.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Daniɛl 2:47

I sin ɔ seli Daniɛl kɛ: «Nanwlɛ o, amun Nyanmiɛn'n yɛ ɔ o nglo lɔ nin-ɔn. I yɛ ɔ ti famiɛn'm be Min nin-ɔn. I yɛ ɔ tike sa nga be ti fiawa'n be su-ɔ, afin a kwla tikeli nvialiɛ nun sa nga'm be su kleli min .»

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Mmla'n 32:31

Afin be kpɔfuɛ'm be bɔbɔ be si kɛ be sasafuɛ'n nin be liɛ'n be ti-man kun.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»