Ɛsdras 1:2 - NYANMIƐN NDƐ'N 1998

² «M bɔbɔ min Siris bɔ n ti Pɛrs famiɛn'n, min wan yoo: Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm, Zida nvle nun .

Ɛsdras 1:2 ပူးပေါင်းရင်းမြစ်များ

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

2 Be Nyoliɛ 2:12

Ajuin difuɛ kun yɛ n ´fa blɛ wɔ yɛ. Ɔ si junman kpa. Be flɛ i Iram-Abi.

Ɛsdras 1:5

Zida nin Bɛnzamɛn akpasua'm be nun awlobo kpɛnngbɛn mun, nin Nyanmiɛn nyrun jranfuɛ mun, nin Levifuɛ mun, ɔ nin be kwlaa nga Anannganman Nyanmiɛn'n suli be bo kɛ be ko kplɛn i sua'n Zerizalɛm'n, be siesieli be wun.

Ɛsdras 3:7

Be fali sika mannin yɛbuɛ sɛfuɛ nin sua su bofuɛ mun. Be mannin Sidɔnfuɛ nin Tirfuɛ mun be ninnge diwa, nin nzan, ɔ nin ngo. Be waan be sua sɛdri waka jenvie nyin su Liban lɔ be ko guɛ i Zafo man be. Siris b'ɔ ti Pɛrs famiɛn'n yɛ ɔ mannin be atin kɛ be yo i sɔ-ɔ.

Ɛsdras 4:3

Zorobabɛl nin Zozie nin awlobo kpɛnngbɛn kun nga'm be tɛli be su kɛ: «Kɛ e nin amun e `kplan e Nyanmiɛn i sua'n, ɔ ti-mɛn i su. E kunngba yɛ e ´kplan Anannganman b'ɔ ti Izraɛl Nyanmiɛn'n i sua nin-ɔn. Siris, b'ɔ ti Pɛrs famiɛn'n yɛ i waan e `yo i sɔ-ɔ.»

Ɛsdras 5:15

Ɔ seli i kɛ ɔ fa ninnge sɔ mun ko sie be Nyanmiɛn i sua b'ɔ o Zerizalɛm lɔ'n i nun, yɛ man be kplan Nyanmiɛn sua sɔ'n i kplanwlɛ laa'n nun.

Ɛsdras 6:10

Man be yi tɛ ng'ɔ bɔn fannin'n fa man nglo lɔ Nyanmiɛn'n, nan be srɛ be man famiɛn nin i mma mun.

Ɛsdras 6:3

Afuɛ klikli nga famiɛn Siris sieli Pɛrs'n, ɔ kannin Nyanmiɛn sua'n b'ɔ o Zerizalɛm lɔ'n i wun ndɛ ng'ɔ o yɛ'n, i wan yoo: Man be kplan sua'n nan be `yi tɛ nun. Man be kplɛn i kplanwlɛ laa'n nun. Man i bo ase wlalɛ'n ɔ yo kekle kpa. Man i nglo-nglo'n yo mɛtri ablasan, yɛ i tɛtrɛ nun'n yo mɛtri ablasan.

Ɛsdras 7:12

«Min Artaksɛrksɛs bɔ n ti famiɛn'm be famiɛn'n, min yɛ n klɛ fluwa nga n blɛ wɔ Ɛsdras bɔ a ti Nyanmiɛn nyrun jranfuɛ bɔ a si nglo lɔ Nyanmiɛn'n i mmla'n kpa sakpa nin-ɔn.

Neemi 1:4

Kɛ n tili ndɛ sɔ'n, n trannin ase, n sunnin, n trannin awlaboɛ sɔ'n nun n dili le nnyɔn kun. N kpɛli srɛ nun, n srɛli Nyanmiɛn b'ɔ o nglo lɔ'n.

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Jue Mun 136:26

An `la nglo lɔ Nyanmiɛn'n i ase, afin i klun-ufue'n wo lɛ tititi.

Jue Mun 85:2

Ee Anannganman, a yo mɛn ng'ɔ ti ɔ liɛ'n i nunfuɛ'm be ye dan, wɔ man Zakɔb i osu'n nunfuɛ mun bɔ be kacili kanga'n b'a sa bé sin b'a ba.

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Ezai 41:2

?Sran'n b'ɔ ti nanwlɛfuɛ dan'n, wan yɛ ɔ ko tuli i bo wia afiliɛ lɔ bali-ɔ? ?Wan yɛ ɔ fali nvle-nvle mun wlɛli i sa nun nin-ɔn? ?Wan yɛ man ɔ trannin famiɛn be su nin-ɔn? Sɛ e ´kwla se'n, i tokofi'n nunkun be, nvle-nvle'm be nin be famiɛn mun, be kaci ndutre yɛ i ta'n ɔ sanngan be nun, be jaso kɛ ijre bɔ aunngban'n fitɛ i'n sa .

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Ezai 44:28

N se kɛ: «Siris ti min bua'm be tafuɛ! Ɔ ´yo min klun sa'n kwlaa. Ɔ ´se kɛ be kplan Zerizalɛm klɔ'n i uflɛ, yɛ ɔ ´se kɛ be yo min Nyanmiɛn min sua'n ekun .»

Ezai 45:1

Anannganman kan ndɛ kle Siris b'ɔ sieli i ngunmin'n, bɔ i waan ɔ `tia nvle'm be su nan ɔ `de famiɛn'm be tinmin'n mɛn i'n, yɛ ɔ `tike klɔ'm bé wun talɛ'm be anuan mun mɛn i nan nán be nyin be kun'n, ndɛ'n b'ɔ kan'n yɛ:

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?

Zeremi 10:11

«An `se be kɛ yoo: ‹Ninnge sɔ'm bɔ nán be yɛ be yili nglo lɔ nin asiɛ'n, be ´nunnun asiɛ'n su. Be su wun-man be kun.› »

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Daniɛl 1:21

Daniɛl suli famiɛn'n lele juli afuɛ nga Siris yoli famiɛn'n i nun .

Daniɛl 2:21

I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Daniɛl 4:25

Sa nga be boli be su kleli Nɛbikadnɛzar, be kwlaa bé nuan yiali kpan.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Daniɛl 5:23

A jasoli Nyanmiɛn b'ɔ ti nglo lɔ famiɛn'n i wun. A wɔli i safle. I safle b'ɔ a wɔli i'n yɛlɛ kɛ wɔ man be ko fali i sua dan'n nun lɔ klowa mun blɛli wɔ. A nin ɔ sran dandan mun, nin ɔ́ yi mun, ɔ nin ɔ soman mun amun nɔnnin be nun nzan. Kpɛkuun a manmannin amuɛn nga be fali jɛtɛ ufue, nin sika ɔkwlɛ, nin aaba, nin blalɛ, nin waka, ɔ nin yɛbuɛ yɛ be fa yoli be'n. Sanngɛ amuɛn sɔ'm be wun-man ase, bé su ti-man sa, be si-man sa fi. Yɛ w'a bu-man akunndan kɛ a ´mɛnmɛn i bɔ ɔ nguan nyanman'n wo i sa nun'n b'ɔ si wɔ agualiɛ'n.

Daniɛl 6:25

Famiɛn'n waan be `tra be nga bɔ be fali Daniɛl ko kpɛli i'n be nin bé yi mun, nin be mma mun, nan be `fa be yi asɔmɔli'm be sin kunman'n nun lɔ. I sin nan b'a ju kunman'n i bo lɔ bɔbɔ'n, lalaa kpa asɔmɔli'm b'a sɔ be nun b'a titi be nun trɛtrɛtrɛ, yɛ b'a bubu be owie'm be kwlaa be nun.

Zonas 1:9

Zonas tɛli be su kɛ: «N ti Ebre, n su Anannganman b'ɔ ti nglo lɔ Nyanmiɛn'n. I yɛ ɔ boli jenvie'n nin asiɛ nin-ɔn.»